헬라어 문장 검색 - Αρριαν́Ταξτιξά25́

(아리아노스, chapter 25)

κατὰ ζυγὰ ἢ κατὰ βάθοσ. καὶ τούτων ἕκαστον ἢ τῷ ἀριθμῷ διπλασιάζεται ἢ τῷ τόπῳ.

ἀριθμῷ μέν, εἰ ἀντὶ χιλίων εἴκοσι τεσσάρων τὸ μῆκοσ δισχιλίων τεσσαράκοντα ὀκτὼ ποιήσαιμεν, τὸν τόπον τὸν αὐτὸν ἐπεχούσησ τῆσ πάσησ φάλαγγοσ. γίγνεται δὲ τοῦτο, παρεμβαλλόντων ἡμῶν ἐσ τὰ μεταξὺ τῶν ὁπλιτῶν τοὺσ ἐν τῷ βάθει ἐπιστάτασ.

καὶ οὕτω πυκνοῦται ἡμῖν τὸ μέτωπον τῆσ φάλαγγοσ. ἀποκαταστῆσαι δὲ ἐπειδὰν βουληθῶμεν, παραγγελοῦμεν ὧδε·

ὁ ἐσ τὸ μῆκοσ ἐντεταγμένοσ, ἐπάνιθι ἐσ τάξιν. εἰ δὲ καὶ τῷ τόπῳ διπλασιάσαι ἐθέλοιμεν τὸ μῆκοσ, ὡσ ἀντὶ σταδίων πέντε ἐσ δέκα ἐκτεῖναι τὴν τάξιν, τοὺσ ἐκ τοῦ βάθουσ παρεμβληθέντασ ἐσ τὸ κατὰ μῆκοσ μέσον τῶν ὁπλιτῶν διάστημα ἐπὶ τὰ δεξιὰ κελεύσομεν ἐξελίσσεσθαι, τοὺσ δὲ λοιποὺσ καὶ ἡμίσεασ αὐτῶν ἐπὶ τὰ εὐώνυμα, ἀπὸ τῶν πρὸσ τοῖσ κέρασι δευτέρων λόχων ἀρχόμενοι, καὶ οὕτω διπλάσιον ἐφέξει χῶρον ἡ πᾶσα τάξισ.

ἀποκαταστῆσαι δὲ ἐπειδὰν βουληθῶμεν, παραγγελοῦμεν αὖ ἐξελίσσειν τοὺσ κατὰ τὰ κέρατα τεταγμένοσ ἐσ οὕστινασ πρότερον εἶχον τόπουσ.

οὐ πάνυ δὲ ὠφέλιμοι οἱ διπλασιασμοὶ ἐγγὺσ ὄντων πολεμίων, ὅτι ταραχῆσ τε τοῦ ἡμετέρου στρατεύματοσ δόξαν παρέξουσιν ἐκείνοισ, καὶ αὐτὸ τὸ στράτευμα ἐν τῇ μετακινήσει ἀσθενέστερον ἅμα καὶ ἀτακτότερον καθιστᾶσιν.

ἀλλὰ τοὺσ ψιλοὺσ ἐπεκτείνειν ἄμεινον καὶ τοὺσ ἱππέασ, ὡσ τὴν ἐκ τοῦ διπλασιασμοῦ ἔκπληξιν ἄνευ κινήσεωσ τῆσ πεζικῆσ φάλαγγοσ τοῖσ πολεμίοισ ἐμποιῆσαι.

ἢ ὑπερφαλαγγῆσαι ἡμῶν ἐθελησάντων ὑπὲρ τὸ τῶν πολεμίων κέρασ, ἢ κωλῦσαι ὑπερφαλαγγῆσαι ἐκείνουσ.

τὸ βάθοσ δὲ διπλασιάζεται, εἰ ὁ δεύτεροσ λόχοσ τῷ πρώτῳ ἐπιταχθείη, ὥστε τὸν τοῦ δευτέρου λόχου λοχαγὸν ἐπιστάτην τοῦ πρώτου λοχαγοῦ γενέσθαι, τὸν δ̓ ἐπιστάτην τὸν πρῶτον τοῦ ἐκείνου ἐπιστάτου ἐπιστάτην γενέσθαι·

λόχου δεύτερόσ ἐστι τοῦ πρώτου λόχου, ὁ δὲ δεύτεροσ ἐν τῷ δευτέρῳ τέταρτοσ τοῦ πρώτου, καὶ ὡσαύτωσ ἐφεξῆσ, ἔστ̓ ἂν ἅπασ ὁ δεύτεροσ λόχοσ κατὰ τον πρῶτον ἐπ̓ εὐθείασ ἐναλλὰξ ἐνταχθῇ ἐσ βάθοσ.

οὕτω γάρ τοι καὶ ὁ τέταρτοσ λόχοσ τὸν τρίτον βαθυνεῖ, συνταχθεὶσ αὐτῷ, καὶ ἁπλῶσ οἱ ἄρτιοι ἐσ τοὺσ περισσοὺσ ἐνταχθήσονται.

οὐ χαλεπὸν δὲ γνῶναι, ὅπωσ καὶ αὐτοῦ τοῦ κατὰ βάθοσ χωρίου διπλασιασμὸσ ἔσται, καὶ ἡ ἀπὸ τοῦδε ἀποκατάστασισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, chapter 25

(아리아노스, chapter 25)

상위

목록

SEARCH

MENU NAVIGATION