헬라어 문장 검색 - Αρριαν́Ξψνεγετ́26́

(아리아노스, Cynegeticus, chapter 25)

θήλειαν μὲν μετὰ μῆνα ἑνδέκατον ἐξάγειν ἐπὶ θήραν, πρόσθεν δὲ ἔτι ἀπὸ δεκάτου μηνόσ, εἰ εὐπαγὴσ τύχοι καὶ μὴ ὑγρομελήσ, λαγῶ ἀπὸ χειρὸσ ἀφιέναι ἐν χωρίῳ περιφανεῖ, καὶ τὴν μὲν ἐγγύθεν ἐφιέναι τῷ λαγῷ τήν τε ὄψιν αὐτὴν ἐμπίμπλασθαι καὶ ἐγγὺσ ὁρῶσαν μετ̓ ἐλπίδοσ ἀγαθῆσ πονεῖν, κύνα δὲ ἄλλην τελείαν ἐφιέναι ὕστερον, ὡσ μὴ ἐπὶ πολὺ κακοπαθῆσαι τὴν σκύλακα μηδὲ ἀπαγορεῦσαι ὑπὸ καμάτου. ἣ δὲ θαμινὰ καὶ εὐμαρῶσ ἐξελίσσουσα τὸν λαγῶ παραδώσει τῇ σκύλακι.

ἑλοῦσαν δὲ ἐᾶν σπαράξαι τοῖσ ὀδοῦσιν, ἔστε κατακανεῖν. ἐπειδὰν δὲ ἐξάγεσθαι ἤδη ὡρ́αν ἔχῃ, πρῶτα μὲν τὰσ ὁδοὺσ βαδίζειν, ὅσαι τραχεῖαι αὐτῶν·

ἀγαθὸν γὰρ τὸ μελέτημα ἐσ τὸ πῆξαι τοὺσ πόδασ ταῖσ κυσίν. ἔπειτα ἵστασθαι τὸν ἔχοντα αὐτὴν ἐν χωρίῳ περιφανεῖ καὶ ὑπερδεξίῳ, καὶ φθάσαντι μὲν τῷ λαγῷ καὶ προλαβόντι οὐχ ὁρῶσαν μὴ ἐφιέναι·

τοῦτο γάρ τοι περὶ τῶν ἐσ ἰχνείαν ἀσκουμένων κυνῶν παραινεῖ ὁ Ξενοφῶν ἐκεῖνοσ. κύνα δὲ ὠκεῖαν εἰ μὴ ὁρῶσαν ἐπιλύσειασ, πλάζεται καὶ σκιρτᾷ καὶ ἔκφρων γίγνεται καὶ ἀνασοβεῖται.

καὶ τοίνυν εἴ ποτε διαφύγοι αὐτὴν τελεωθεῖσαν ἤδη ὁ λαγώσ, οὐκ ἀτρέμα ἔχει ἑαυτὴν οὐδὲ ἐπὶ τὸν κυναγωγὸν ἐπάνεισιν οὐδὲ ἀνακαλοῦντοσ ὑπακούει, ἀλλ̓ ὑπὸ μελέτησ τοῦ θεῖν ἐπὶ μηδενὶ εἰδῇ πλάζεται, καὶ μαινομένῃ ἐοίκεν.

ἀλλ̓ ἵστασθαι μὲν τὸν ἔχοντα τὴν σκύλακα ἐν χωρίῳ, ὁποῖον ἤδη μοι λέλεκται, κρυπτόμενον οἷ μάλιστα τεκμήραιτο ἄν τισ ὅτι πονούμενοσ ὁ λαγὼσ ὑποκάμψασ ἥξει.

ἰδόντα δὲ διαπεπονημένον ἐγγύθεν ἐφιέναι, μὴ κατὰ στόμα·

ἡ μὲν γὰρ κύων ἐξορμήσασα ἐπ̓ εὐθὺ ἐξενεχθήσεται, ὁ δὲ λαγὼσ ἐξελίξασ εὐμαρῶσ παραμείψει· τὴν δὲ πολὺ ἀπολειφθῆναι ἀνάγκη καὶ χαλεπῶσ ὑποκάμψαι, καθάπερ αἱ τριήρεισ εὐθυπλοοῦσαι οὐκ εὐμαρῶσ ἐπικάμπτουσιν, εἰ μὴ ἀνεθείη τὸ πολὺ τῆσ εἰρεσίασ αὐταῖσ, ἀλλ̓ ἐάσαντα παραμεῖψαι τὸν λαγῶ ἐκ τοὺ πλαγίου χρὴ ἐφιέναι. ἁλόντοσ δὲ ἐφομαρτείτω τισ σπουδῇ, πρὶν ἐμφορηθῆναι τοῦ αἵματοσ τὴν κύνα, οὐχ ὅτι δὴ τὰ κρέα ἄρα περὶ πολλοῦ ποιητέον ἀνδρὶ ἐσ κάλλοσ κυνηγετοῦντι, ἀλλ̓ ὅτι πονηρὸν μάθημα κυνὶ γενναίᾳ, λαγὼ ἐσθίειν.

καὶ ἤδη πολλαὶ κύνεσ οὕτω διεφθάρησαν, ἐπεὶ μακρῷ δρόμῳ ἀσθμαίνουσαι ἐνεπλήσθησαν, ἔπειτα πνιγεῖσαι ἀπώλοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Cynegeticus, chapter 25

(아리아노스, Cynegeticus, chapter 25)

상위

목록

SEARCH

MENU NAVIGATION