Arrian, Anabasis, book 2, chapter 26

(아리아노스, Anabasis, book 2, chapter 26)

Ἀπέχει δὲ ἡ Γάζα τῆσ μὲν θαλάσσησ εἴκοσι μάλιστα σταδίουσ, καὶ ἔστι ψαμμώδησ καὶ βαθεῖα ἐσ αὐτὴν ἡ ἄνοδοσ καὶ ἡ θάλασσα ἡ κατὰ τὴν πόλιν τεναγώδησ πᾶσα. μεγάλη δὲ πόλισ ἡ Γάζα ἦν καὶ ἐπὶ χώματοσ ὑψηλοῦ ᾤκιστο καὶ τεῖχοσ περιεβέβλητο αὐτῇ ὀχυρόν. ἐσχάτη δὲ ᾠκεῖτο ὡσ ἐπ̓ Αἴγυπτον ἐκ Φοινίκησ ἰόντι ἐπὶ τῇ ἀρχῇ τῆσ ἐρήμου. Ἀλέξανδροσ δὲ ὡσ ἀφίκετο πρὸσ τὴν πόλιν, τῇ μὲν πρώτῃ κατεστρατοπέδευσεν ᾗ μάλιστα ἐπίμαχον αὐτῷ ἐφαίνετο τὸ τεῖχοσ, καὶ μηχανὰσ συμπηγνύναι ἐκέλευσεν.

οἱ δὲ μηχανοποιοὶ γνώμην ἀπεδείκνυντο ἄπορον εἶναι βίᾳ ἑλεῖν τὸ τεῖχοσ διὰ ὕψοσ τοῦ χώματοσ. ἀλλὰ Ἀλεξάνδρῳ αἱρετέον ἐδόκει εἶναι ὅσῳ ἀπορώτερον·

ἐκπλήξειν γὰρ τοὺσ πολεμίουσ τὸ ἔργον τῷ παραλόγῳ ἐπὶ μέγα, καὶ τὸ μὴ ἑλεῖν αἰσχρὸν εἶναί οἱ λεγόμενον ἔσ τε τοὺσ Ἕλληνασ καὶ ἐσ Δαρεῖον. ἐδόκει δὴ χῶμα ἐν κύκλῳ τῆσ πόλεωσ χωννύναι, ὡσ ἐξ ἴσου ἀπὸ τοῦ χωσθέντοσ ἐπάγεσθαι τὰ μηχανὰσ τοῖσ τείχεσι. καὶ ἐχώννυτο κατὰ κατὰ τὸ νότιον μάλιστα τῆσ πόλεωσ τεῖχοσ, ἵνα ἐπιμαχώτερα ἐφαίνετο. ὡσ δὲ ἐδόκει ἐξῆρθαι συμμέτρωσ τὸ χῶμα, μηχανὰσ ἐπιστήσαντεσ οἱ Μακεδόνεσ ἐπῆγον ὡσ ἐπὶ τὸ τεῖχοσ τῶν Γαζαίων.

καὶ ἐν τούτῳ θύοντι Ἀλεξάνδρῳ καὶ ἐστεφανωμένῳ τε καὶ κατάρχεσθαι μέλλοντι τοῦ πρώτου ἱερείου κατὰ νόμον τῶν τισ σαρκοφάγων ὀρνίθων ὑπερπετόμενοσ ὑπὲρ τοῦ βωμοῦ λίθον ἐμβάλλει ἐσ τὴν κεφαλήν, ὅντινα τοῖν ποδοῖν ἔφερε. καὶ Ἀλέξανδροσ ἤρετο Ἀρίστανδρον τὸν μάντιν, ὅ τι νοοῖ ὁ οἰωνόσ. ὁ δὲ ἀποκρίνεται ὅτι· ὦ βασιλεῦ, τὴν μὲν πόλιν αἱρήσεισ, αὐτῷ δέ σοι φυλακτέα ἐστὶν ἐπὶ τῇδε τῇ ἡμέρᾳ.

SEARCH

MENU NAVIGATION