헬라어 문장 검색 - Αρριαν́Αναβασί2́25́

(아리아노스, Anabasis, book 2, chapter 25)

Ἔτι δὲ ἐν τῇ πολιορκίᾳ τῆσ Τύρου ξυνεχομένου Ἀλεξάνδρου ἀφίκοντο παρὰ Δαρείου πρέσβεισ ὡσ αὐτὸν ἀπαγγέλλοντεσ μύρια μὲν τάλαντα ὑπὲρ τῆσ μητρὸσ τε καὶ τὴσ γυναικὸσ καὶ τῶν παίδων δοῦναι ἐθέλειν Ἀλεξάνδρῳ Δαρεῖον· τὴν δὲ χώραν πᾶσαν τὴν ἐντὸσ Εὐφράτου ποταμοῦ ἔστε ἐπὶ θάλασσαν τὴν Ἑλληνικὴν Ἀλεξάνδρου εἶναι· γήμαντα δὲ τὴν Δαρείου παῖδα Ἀλέξανδρον φίλον τε εἶναι Δαρείῳ καὶ ξύμμαχον. καὶ τούτων ἐν τῷ ξυλλόγῳ τῶν ἑταίρων ἀπαγγελθέντων Παρμενίωνα μὲν λέγουσιν Ἀλεξάνδρῳ εἰπεῖν ὅτι αὐτὸσ ἂν Ἀλέξανδροσ ὢν ἐπὶ τούτοισ ἠγάπησεν καταλύσασ τὸν πόλεμον μηκέτι τὸ πρόσω κινδυνεύειν·

Ἀλέξανδρον δὲ Παρμενίωνι ἀποκρίνασθαι ὅτι καὶ αὐτὸσ ἂν, εἴπερ Παρμενίων ἦν, οὕτωσ ἔπραξεν, ἐπεὶ δὲ Ἀλέξανδρόσ ἐστιν, ἀποκρινεῖσθαι Δαρείῳ ἅπερ δὴ καὶ ἀπεκρίνατο. ἔφη γὰρ οὔτε χρημάτων δεῖσθαι παρὰ Δαρείου οὔτε τῆσ χώρασ λαβεῖν ἀντὶ τῆσ πάσησ τὸ μέροσ·

εἶναι γὰρ τά τε χρήματα καὶ τὴν χώραν αὐτοῦ πᾶσαν· γῆμαί τε εἰ ἐθέλοι τὴν Δαρείου παῖδα, γῆμαι ἂν καὶ οὐ διδόντοσ Δαρείου· ἐκέλευέ τε αὐτὸν ἥκειν, εἴ τι εὑρέσθαι ἐθέλοι φιλάνθρωπον παῤ αὑτοῦ. ταῦτα ὡσ ἤκουσε Δαρεῖοσ, τὰσ μὲν ξυμβάσεισ ἀπέγνω τὰσ πρὸσ Ἀλέξανδρον, ἐν παρασκευῇ δὲ τοῦ πολέμου αὖθισ ἦν. Ἀλέξανδροσ δὲ ἐπ̓ Αἰγύπτου ἔγνω ποιεῖσθαι τὸν στόλον.

καὶ ἦν αὐτῷ τὰ μὲν ἄλλα τῆσ Παλαιστίνησ καλουμένησ Συρίασ προσκεχωρηκότα ἤδη, εὐνοῦχοσ δέ τισ, ᾧ ὄνομα ἦν Βάτισ, κρατῶν τῆσ Γαζαίων πόλεωσ, οὐ προσεῖχεν Ἀλεξάνδρῳ, ἀλλὰ Ἄραβάσ τε μισθωτοὺσ ἐπαγαγόμενοσ καὶ σῖτον ἐκ πολλοῦ παρεσκευακὼσ διαρκῆ ἐσ χρόνιον πολιορκίαν καὶ τῷ χωρίῳ πιστεύων μήποτε ἂν βίᾳ ἁλῶναι, ἔγνω μὴ δέχεσθαι τῇ πόλει Ἀλέξανδρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 25

(아리아노스, Anabasis, book 2, chapter 25)

상위

목록

SEARCH

MENU NAVIGATION