Arrian, Anabasis, book 2, chapter 23

(아리아노스, Anabasis, book 2, chapter 23)

Τρίτῃ δὲ ἀπὸ ταύτησ ἡμέρᾳ νηνεμίαν τε φυλάξασ καὶ παρακαλέσασ τοὺσ ἡγεμόνασ τῶν τάξεων ἐσ τὸ ἔργον ἐπῆγε τῇ πόλει ἐπὶ τῶν νεῶν τὰσ μηχανάσ. καὶ πρῶτα μὲν κατέσεισε τοῦ τείχουσ ἐπὶ μέγα, ὡσ δὲ ἀποχρῶν εἰσ πλάτοσ ἐφάνη τὸ παρερρηγμένον, τὰσ μὲν μηχανοφόρουσ ναῦσ ἐπανάγειν ἐκέλευσεν· ὁ δὲ δύο ἄλλασ ἐπῆγεν, αἳ τὰσ γεφύρασ αὐτῷ ἔφερον, ἃσ δὴ ἐπιβάλλειν ἐπενόει τῷ κατερρηγμένῳ τοῦ τείχουσ.

καὶ τὴν μὲν μίαν τῶν νεῶν οἱ ὑπασπισταὶ ἔλαβον, ᾗ ἐπετέτακτο Ἄδμητοσ, τὴν ἑτέραν δὲ ἡ Κοίνου τάξισ οἱ πεζέταιροι καλούμενοι, καὶ αὐτὸσ ξὺν τοῖσ ὑπασπισταῖσ ἐπιβήσεσθαι τοῦ τείχουσ ᾗ παρείκοι ἔμελλεν. τὰσ τριήρεισ δὲ τὰσ μὲν ἐπιπλεῖν κατὰ τοὺσ λιμένασ ἀμφοτέρουσ ἐκέλευσεν, εἴ πωσ πρὸσ σφᾶσ τετραμμένων τῶν Τυρίων βιάσαιντο τὸν ἔσπλουν·

ὅσαι δὲ αὐτῶν βέλη ἀπὸ μηχανῶν βαλλόμενα εἶχον ἢ ὅσαι τοξότασ ἐπὶ τῶν καταστρωμάτων ἔφερον, ταύτασ δὲ ἐκέλευσεν ἐν κύκλῳ περιπλεούσασ τὸ τεῖχοσ ἐποκέλλειν τε ὅπῃ παρείκοι καὶ ἀνακωχεύειν ἐντὸσ βέλουσ, ἔστε τὸ ἐποκεῖλαι ἄπορον γίγνοιτο, ὡσ πανταχόθεν βαλλομένουσ τοὺσ Τυρίουσ ἐν τῷ δεινῷ ἀμφιβόλουσ γίγνεσθαι. Ὡσ δὲ αἵ τε νῆεσ αἱ σὺν Ἀλεξάνδρῳ προσέσχον τῇ πόλει καὶ αἱ γέφυραι ἐπεβλήθησαν τῷ τείχει ἀπ̓ αὐτῶν, ἐνταῦθα οἱ ὑπασπισταὶ εὐρώστωσ κατὰ ταύτασ ἀνέβαινον ἐπὶ τὸ τεῖχοσ.

ὅ τε γὰρ Ἄδμητοσ ἀνὴρ ἀγαθὸσ ἐν τῷ τότε ἐγένετο καὶ ἅμα Ἀλέξανδροσ εἵπετο αὐτοῖσ, τοῦ τε ἔργου αὐτοῦ καρτερῶσ ἁπτόμενοσ καὶ θεατὴσ τῶν ἄλλων ὅτῳ τι λαμπρὸν κατ̓ ἀρετὴν ἐν τῷ κινδύνῳ ἐτολμᾶτο. καὶ ταύτῃ πρῶτον ᾗ ἐπετέτακτο Ἀλέξανδροσ ἐλήφθη τὸ τεῖχοσ, οὐ χαλεπῶσ ἀποκρουσθέντων ἀπ̓ αὐτοῦ τῶν Τυρίων, ἐπειδὴ πρῶτον βεβαίῳ τε καὶ ἅμα οὐ πάντῃ ἀποτόμῳ τῇ προσβάσει ἐχρήσαντο οἱ Μακεδόνεσ.

καὶ Ἄδμητοσ μὲν πρῶτοσ ἐπιβὰσ τοῦ τείχουσ καὶ τοῖσ ἀμφ̓ αὑτὸν ἐγκελευόμενοσ ἐπιβαίνειν βληθεὶσ λόγχῃ ἀποθνήσκει αὐτοῦ· ἐπὶ δὲ αὐτῷ Ἀλέξανδροσ ἔσχε τὸ τεῖχοσ ξὺν τοῖσ ἑταίροισ.

ὡσ δὲ εἴχοντο αὐτῷ πύργοι τε ἔστιν οἳ καὶ μεταπύργια, αὐτὸσ μὲν παρῄει διὰ τῶν ἐπάλξεων ὡσ ἐπὶ τὰ βασίλεια, ὅτι ταύτῃ εὐπορωτέρα ἐφαίνετο ἐσ τὴν πόλιν ἡ κάθοδοσ.

SEARCH

MENU NAVIGATION