헬라어 문장 검색 - Αρριαν́Αναβασί2́22́

(아리아노스, Anabasis, book 2, chapter 22)

Ξυνέβη δὲ ἐκείνῃ τῇ ἡμέρᾳ Ἀλέξανδρον ἀποχωρῆσαι μὲν ἐπὶ τὴν σκηνήν, οὐ διατρίψαντα δὲ κατὰ τὸ εἰωθὸσ δἰ ὀλίγου ἐπὶ τὰσ ναῦσ ἐπανελθεῖν. οἱ δὲ Τύριοι προσπεσόντεσ ἀπροσδοκήτωσ ταῖσ ναυσὶν ὁρμούσαισ καὶ ταῖσ μὲν πάντῃ κεναῖσ ἐπιτυχόντεσ, τῶν δ̓ ὑπ̓ αὐτὴν τὴν βοὴν καὶ τὸν ἐπίπλουν χαλεπῶσ ἐκ τῶν παρόντων πληρουμένων, τήν τε Πνυταγόρου τοῦ βασιλέωσ πεντήρη εὐθὺσ ὑπὸ τῇ πρώτῃ ἐμβολῇ κατέδυσαν καὶ τὴν Ἀνδροκλέουσ τοῦ Ἀμαθουσίου καὶ τὴν Πασικράτουσ τοῦ Κουριέωσ, τὰσ δὲ ἄλλασ ἐσ τὸν αἰγιαλὸν ἐξωθοῦντεσ ἔκοπτον.

Ἀλέξανδροσ δὲ ὡσ ᾔσθετο τὸν ἔκπλουν τῶν Τυρίων τριήρων, τὰσ μὲν πολλὰσ τῶν ξὺν αὐτῷ νεῶν, ὅπωσ ἑκάστη πληρωθείη, ἐπὶ τῷ στόματι τοῦ λιμένοσ ἀνακωχεύειν ἔταξεν, ὡσ μὴ καὶ ἄλλαι ἐκπλεύσειαν τῶν Τυρίων νῆεσ·

αὐτὸσ δὲ πεντήρεισ τε τὰσ ξὺν αὐτῷ ἀναλαβὼν καὶ τῶν τριήρων ἐσ πέντε μάλιστα, ὅσαι ἔφθησαν αὐτῷ κατὰ τάχοσ πληρωθεῖσαι, περιέπλει τὴν πόλιν ὡσ ἐπὶ τοὺσ ἐκπεπλευκότασ τῶν Τυρίων. οἱ δὲ ἀπὸ τοῦ τείχουσ, τὸν τε ἐπίπλουν τῶν πολεμίων κατιδόντεσ καὶ Ἀλέξανδρον αὐτὸν ἐπὶ τῶν νεῶν, βοῇ τε ἐπανάγειν ἐνεκελεύοντο τοῖσ ἐκ τῶν σφετέρων νεῶν καὶ ὡσ οὐκ ἐξακουστὸν ἦν ὑπὸ θορύβου ξυνεχομένων ἐν τῷ ἔργῳ, σημείοισ ἄλλοισ καὶ ἄλλοισ ἐπεκάλουν ἐσ τὴν ἀναχώρησιν.

οἱ δὲ ὀψέ ποτε αἰσθόμενοι τὸν ἐπίπλουν τῶν ἀμφ̓ Ἀλέξανδρον ὑποστρέψαντεσ ἐσ τὸν λιμένα ἔφευγον. καὶ ὀλίγαι μὲν τῶν νεῶν φθάνουσιν ὑπεκφυγοῦσαι, ταῖσ δὲ πλείοσιν ἐμβαλοῦσαι αἱ ξὺν Ἀλεξάνδρῳ τὰσ μὲν αὐτῶν ἄπλουσ ἐποίησαν, πεντήρησ δέ τισ καὶ τετρήρησ αὐτῶν ἐπ̓ αὐτῷ τῷ στόματι τοῦ λιμένοσ ἐλήφθησαν.

φόνοσ δὲ τῶν ἐπιβατῶν οὐ πολὺσ ἐγένετο. ὡσ γὰρ ᾔσθοντο ἐχομένασ τὰσ ναῦσ ἀπενήξαντο οὐ χαλεπῶσ ἐσ τὸν λιμένα. Ὡσ δὲ οὐδεμία ἔτι τοῖσ Τυρίοισ ἐκ τῶν νεῶν ὠφέλεια ἦν, ἐπῆγον ἤδη οἱ Μακεδόνεσ τὰσ μηχανὰσ τῷ τείχει αὐτῶν.

κατὰ μὲν δὴ τὸ χῶμα προσαγόμεναι διὰ ἰσχὺν τοῦ τείχουσ οὐδὲν ἤνυον ὅ τι καὶ λόγου ἄξιον, οἱ δὲ κατὰ τὸ πρὸσ Σιδῶνα τετραμμένον τῆσ πόλεωσ τῶν νεῶν τινασ τῶν μηχανοφόρων προσῆγον. ὡσ δὲ οὐδὲ ταύτῃ ἤνυεν, ἐσ τὸ πρὸσ νότον αὖ ἄνεμον καὶ πρὸσ Αἴγυπτον ἀνέχον τεῖχοσ μετῄει πάντῃ ἀποπειρώμενοσ τοῦ ἔργου.

καὶ ἐνταῦθα πρῶτον κατεσείσθη τε τὸ τεῖχοσ ἐπὶ μέγα καὶ τι καὶ κατηρίφθη αὐτοῦ παραρραγέν. τότε μὲν δὴ ὅσον ἐπιβαλὼν γεφύρασ ᾗ ἐρήριπτο τοῦ τείχουσ ἀπεπειράθη ἐσ ὀλίγον τῆσ προσβολῆσ· καὶ οἱ Τύριοι οὐ χαλεπῶσ ἀπεκρούσαντο τοὺσ Μακεδόνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 22

(아리아노스, Anabasis, book 2, chapter 22)

상위

목록

SEARCH

MENU NAVIGATION