헬라어 문장 검색 - Αρριαν́Αναβασί2́21́

(아리아노스, Anabasis, book 2, chapter 21)

Ἤδη δὲ καὶ μηχανοποιῶν αὐτῷ πολλῶν ἔκ τε Κύπρου καὶ Φοινίκησ ἀπάσησ συλλελεγμένων μηχαναὶ πολλαὶ συμπεπηγμέναι ἦσαν, αἱ μὲν ἐπὶ τοῦ χώματοσ, αἱ δὲ ἐπὶ τῶν ἱππαγωγῶν νεῶν, ἃσ ἐκ Σιδῶνοσ ἅμα οἷ ἐκόμισεν, αἱ δὲ ἐπὶ τῶν τριήρων ὅσαι αὐτῶν οὐ ταχυναυτοῦσαι ἦσαν. ὡσ δὲ παρεσκεύαστο ἤδη ξύμπαντα, προσῆγον τὰσ μηχανὰσ κατά τε τὸ ποιητὸν χῶμα καὶ ἀπὸ τῶν νεῶν ἄλλῃ καὶ ἄλλῃ τοῦ τείχουσ προσορμιζομένων τε καὶ ἀποπειρωμένων τοῦ τείχουσ.

Οἱ δὲ Τύριοι ἐπί τε τῶν ἐπάλξεων τῶν κατὰ τὸ χῶμα πύργουσ ξυλίνουσ ἐπέστησαν, ὡσ ἀπομάχεσθαι ἀπ̓ αὐτῶν, καὶ εἴ πῃ ἄλλῃ αἱ μηχαναὶ προσήγοντο, βέλεσί τε ἠμύνοντο καὶ πυρφόροισ οἰστοῖσ ἔβαλλον αὐτὰσ τὰσ ναῦσ, ὥστε φόβον παρέχειν τοῖσ Μακεδόσι πελάζειν τῷ τείχει.

ἦν δὲ αὐτοῖσ καὶ τὰ τείχη τὰ κατὰ τὸ χῶμα τό τε ὕψοσ εἰσ πεντήκοντα καὶ ἑκατὸν μάλιστα πόδασ καὶ ἐσ πλάτοσ ξύμμετρον λίθοισ μεγάλοισ ἐν γύψῳ κειμένοισ ξυμπεπηγότα.

ταῖσ δὲ ἱππαγωγοῖσ τε καὶ ταῖσ τριήρεσι τῶν Μακεδόνων, ὅσαι τὰσ μηχανὰσ προσῆγον τῷ τείχει, καὶ ταύτῃ οὐκ εὔπορον ἐγίγνετο πελάζειν τῇ πόλει, ὅτι λίθοι πολλοὶ ἐσ τὸ πέλαγοσ προβεβλημένοι ἐξεῖργον αὐτῶν τὴν ἐγγὺσ προσβολήν. καὶ τούτουσ Ἀλέξανδροσ ἔγνω ἐξελκύσαι ἐκ τῆσ θαλάσσησ·

ἠνύετο δὲ χαλεπῶσ τοῦτο τὸ ἔργον, οἱᾶ δὴ ἀπὸ νεῶν καὶ οὐκ ἀπὸ γῆσ βεβαίου γιγνόμενον· ἄλλωσ τε καὶ οἱ Τύριοι ναῦσ καταφράξαντεσ παρὰ τὰσ ἀγκύρασ ἐπῆγον τῶν τριήρων καὶ ὑποτέμνοντεσ τὰσ σχοίνουσ τῶν ἀγκυρῶν ἄπορον τὴν προσόρμισιν ταῖσ πολεμίαισ ναυσὶν ἐποίουν. Ἀλέξανδροσ δὲ τριακοντόρουσ πολλὰσ ἐσ τὸν αὐτὸν τρόπον φράξασ ἐπέστησεν ἐγκαρσίασ πρὸ τῶν ἀγκυρῶν, ὡσ ἀπ̓ αὐτῶν ἀναστέλλεσθαι τὸν ἐπίπλουν τῶν νεῶν.

ἀλλὰ καὶ ὣσ ὕφαλοι κολυμβηταὶ τὰσ σχοίνουσ αὐτοῖσ ὑπέτεμνον. οἱ δὲ ἁλύσεσιν ἀντὶ σχοίνων εἰσ τὰσ ἀγκύρασ χρώμενοι, οἱ Μακεδόνεσ, καθίεσαν, ὥστε μηδὲν ἔτι πλέον τοῖσ κολυμβηταῖσ γίγνεσθαι. ἐξάπτοντεσ οὖν βρόχουσ τῶν λίθων ἀπὸ τοῦ χώματοσ ἀνέσπων αὐτοὺσ ἔξω τῆσ θαλάσσησ, ἔπειτα μηχαναῖσ μετεωρίσαντεσ κατὰ βάθουσ ἀφίεσαν, ἵνα οὐκέτι προβεβλημένοι βλάψειν ἔμελλον.

ὅπου δὲ καθαρὸν πεποίητο τῶν προβόλων τὸ τεῖχοσ, οὐ χαλεπῶσ ἤδη ταύτῃ αἱ νῆεσ προσεῖχον. Οἱ δὲ Τύριοι πάντῃ ἄποροι γιγνόμενοι ἔγνωσαν ἐπίπλουν ποιήσασθαι ταῖσ Κυπρίαισ ναυσίν, αἳ κατὰ τὸν λιμένα ἐφώρμουν τὸν ἐσ Σιδῶνα τετραμμένον·

ἐκ πολλοῦ δὴ καταπετάσαντεσ τὸ στόμα τοῦ λιμένοσ ἱστίοισ, τοῦ μὴ καταφανῆ γενέσθαι τῶν τριήρων τὴν πλήρωσιν, ἀμφὶ μέσον ἡμέρασ, ὁπότε οἵ τε ναῦται ἐπὶ τὰ ἀναγκαῖα ἐσκεδασμένοι ἦσαν καὶ Ἀλέξανδροσ ἐν τούτῳ μάλιστα ἀπὸ τοῦ ἐπὶ θάτερα τῆσ πόλεωσ ναυτικοῦ ἐπὶ τὴν σκηνὴν ἀπεχώρει, πληρώσαντεσ πεντήρεισ μὲν τρεῖσ καὶ τετρήρεισ ἴσασ, τριήρεισ δὲ ἑπτὰ ὡσ ἀκριβεστάτοισ τε τοῖσ πληρώμασι καὶ τοῖσ ἀπὸ τῶν καταστρωμάτων μάχεσθαι μέλλουσιν εὐοπλοτάτοισ καὶ ἅμα εὐθαρσεστάτοισ ἐσ τοὺσ ναυτικοὺσ ἀγῶνασ, τὰ μὲν πρῶτα ἀτρέμα τῇ εἰρεσίᾳ ἐπὶ μιᾶσ νεὼν ἐξέπλεον ἄνευ κελευστῶν τὰσ κώπασ παραφέροντεσ· ὡσ δὲ ἐπέστρεφον ἤδη ἐπὶ τοὺσ Κυπρίουσ καὶ ἐγγὺσ τοῦ καθορᾶσθαι ἦσαν, τότε δὴ ξὺν βοῇ τε πολλῇ καὶ ἐγκελευσμῷ ἐσ ἀλλήλουσ καὶ ἅμα τῇ εἰρεσίᾳ ξυντόνῳ ἐπεφέροντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 21

(아리아노스, Anabasis, book 2, chapter 21)

상위

목록

SEARCH

MENU NAVIGATION