Arrian, Anabasis, book 2, chapter 20 3:

οὐ πολλῷ δὲ ὕστερον καὶ οἱ τῆσ Κύπρου βασιλεῖσ ἐσ τὴν Σιδῶνα κατέσχον ναυσὶν ἑκατὸν μάλιστα καὶ εἴκοσιν, ἐπειδὴ τήν τε ἧσσαν τὴν κατ̓ Ἰσσὸν Δαρείου ἐπύθοντο καὶ ἡ Φοινίκη πᾶσα ἐχομένη ἤδη ὑπὸ Ἀλεξάνδρου ἐφόβει αὐτούσ. καὶ τούτοισ πᾶσιν ἔδωκεν Ἀλέξανδροσ ἄδειαν τῶν πρόσθεν, ὅτι ὑπ̓ ἀνάγκησ μᾶλλόν τι ἢ κατὰ γνώμην τὴν σφῶν ἐδόκουν ξυνταχθῆναι τοῖσ Πέρσαισ ἐσ τὸ ναυτικόν.