헬라어 문장 검색 - Αρριαν́Αναβασί2́19́

(아리아노스, Anabasis, book 2, chapter 19)

ναῦν ἱππαγωγὸν κλημάτων τε ξηρῶν καὶ ἄλλησ ὕλησ εὐφλέκτου ἐμπλήσαντεσ δύο ἱστοὺσ ἐπὶ τῇ πρώρᾳ καταπηγνύουσι καὶ ἐν κύκλῳ περιφράσσουσιν ἐσ ὅσον μακρότατον ὡσ φορυτόν τε ταύτῃ καὶ δᾷδασ ὅσασ πλείστασ δέξασθαι· πρὸσ δὲ πίσσαν τε καὶ θεῖον καὶ ὅσα ἄλλα ἐσ τὸ παρακαλέσαι μεγάλην φλόγα ἐπὶ ταύτῃ ἐπεφόρησαν. παρέτειναν δὲ καὶ κεραίαν διπλῆν ἐπὶ τοῖσ ἱστοῖσ ἀμφοτέροισ, καὶ ἀπὸ ταύτησ ἐξήρτησαν ἐν λέβησιν ὅσα ἐπιχυθέντα ἢ ἐπιβληθέντα ἐπὶ μέγα τὴν φλόγα ἐξάψειν ἔμελλεν, ἑρ́ματά τε ἐσ τὴν πρύμναν ἐνέθεσαν, τοῦ ἐξᾶραι ἐσ ὕψοσ τὴν πρῶραν πιεζομένησ κατὰ πρύμναν τῆσ νεώσ.

ἔπειτα ἄνεμον τηρήσαντεσ ὡσ ἐπὶ τὸ χῶμα ἐπιφέροντα ἐξάψαντεσ τριήρεσι τὴν ναῦν κατ̓ οὐρὰν εἷλκον.

ὡσ δὲ ἐπέλαζον ἤδη τῷ τε χώματι καὶ τοῖσ πύργοισ πῦρ ἐμβαλόντεσ ἐσ τὴν ὕλην καὶ ὡσ βιαιότατα ἅμα ταῖσ τριήρεσιν ἐπανελκύσαντεσ τὴν ναῶν ἐνσείουσιν ἄκρῳ τῷ χώματι· αὐτοὶ δὲ οἱ ἐν τῇ νηῒ καιομένῃ ἤδη ἐξενήξαντο οὐ χαλεπῶσ. καὶ ἐντούτῳ ἥ τε φλὸξ πολλὴ ἐνέπιπτε τοῖσ πύργοισ καὶ αἱ κεραῖαι περικλασθεῖσαι ἐξέχεαν ἐσ τὸ πῦρ ὅσα ἐσ ἔξαψιν τῆσ φλογὸσ παρεσκευασμένα ἦν.

οἱ δ̓ ἀπὸ τῶν τριήρων πλησίον τοῦ χώματοσ ἀνακωχεύοντεσ ἐτόξευον ἐσ τοὺσ πύργουσ, ὡσ μὴ ἀσφαλὲσ εἶναι πελάσαι ὅσοι σβεστήριόν τι τῇ φλογὶ ἐπέφερον. καὶ ἐν τούτῳ κατεχομένων ἤδη ἐκ τοῦ πυρὸσ τῶν πύργων ἐκδραμόντεσ ἐκ τῆσ πόλεωσ πολλοὶ καὶ ἐσ κελήτια ἐμβάντεσ ἄλλῃ καὶ ἄλλῃ ἐποκείλαντεσ τοῦ χώματοσ τόν τε χάρακα οὐ χαλεπῶσ διέσπασαν τὸν πρὸ αὐτοῦ προβεβλημένον καὶ τὰσ μηχανὰσ ξυμπάσασ κατέφλεξαν, ὅσασ μὴ τὸ ἀπὸ τῆσ νεὼσ πῦρ ἐπέσχεν.

Ἀλέξανδροσ δὲ τό τε χῶμα ἀπὸ τῆσ ἠπείρου ἀρξαμένουσ πλατύτερον χωννύναι, ὡσ πλείονασ δέξασθαι πύργουσ, καὶ τοὺσ μηχανοποιοὺσ μηχανὰσ ἄλλασ κατασκευάζειν ἐκέλευσεν.

ὡσ δὲ ταῦτα παρεσκευάζετο, αὐτὸσ τούσ τε ὑπασπιστὰσ ἀναλαβὼν καὶ τοὺσ Ἀγριᾶνασ ἐπὶ Σιδῶνοσ ἐστάλη, ὡσ ἀθροίσων ἐκεῖ ὅσαι ἤδη ἦσαν αὐτῷ τριήρεισ, ὅτι ἀπορώτερα τὰ τῆσ πολιορκίασ ἐφαίνετο θαλασσοκρατούντων τῶν Τυρίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 19

(아리아노스, Anabasis, book 2, chapter 19)

상위

목록

SEARCH

MENU NAVIGATION