헬라어 문장 검색 - Αρριαν́Αναβασί2́18́

(아리아노스, Anabasis, book 2, chapter 18)

Ταῦτα λέγων οὐ χαλεπῶσ ἔπειθεν ἐπιχειρεῖν τῇ Τύρῳ· καί τι καὶ θεῖον ἀνέπειθεν αὐτόν, ὅτι ἐνύπνιον αὐτῆσ ἐκείνησ τῆσ νυκτὸσ ἐδόκει αὐτὸσ μὲν τῷ τείχει προσάγειν τῶν Τυρίων, τὸν δὲ Ἡρακλέα δεξιοῦσθαί τε αὐτὸν καὶ ἀνάγειν ἐσ τὴν πόλιν. καὶ τοῦτο ἐξηγεῖτο Ἀρίστανδροσ ὡσ ξὺν πόνῳ ἁλωσομένην τὴν Τύρον, ὅτι καὶ τὰ τοῦ Ἡρακλέουσ ἔργα ξὺν πόνῳ ἐγένετο. καὶ γὰρ καὶ μέγα ἔργον τῆσ Τύρου ἡ πολιορκία ἐφαίνετο. νῆσόσ τε γὰρ αὐτοῖσ ἡ πόλισ ἦν καὶ τείχεσιν ὑψηλοῖσ πάντῃ ὠχύρωτο καὶ τὰ ἀπὸ θαλάσσησ πρὸσ τῶν Τυρίων μᾶλλόν τι ἐν τῷ τότε ἐφαίνετο, τῶν τε Περσῶν ἔτι θαλασσοκρατούντων καὶ αὐτοῖσ τοῖσ Τυρίοισ νεῶν ἔτι πολλῶν περιουσῶν.

Ὡσ δὲ ταῦτα ὅμωσ ἐκράτησε, χῶμα ἔγνω χωννύναι ἐκ τῆσ ἠπείρου ὡσ ἐπὶ τὴν πόλιν.

ἔστι δὲ πορθμὸσ τεναγώδησ τὸ χωρίον καὶ τὰ μὲν πρὸσ τῇ ἠπείρῳ τῆσ θαλάσσησ βραχέα καὶ πηλώδη αὐτοῦ, τὰ δὲ πρὸσ αὐτῇ τῇ πόλει, ἵνα τὸ βαθύτατον τοῦ διάπλου, τριῶν μάλιστα ὀργυιῶν τὸ βάθοσ. ἀλλὰ λίθων τε πολλῶν ἀφθονία ἦν καὶ ὕλησ, ἥντινα τοῖσ λίθοισ ἄνωθεν ἐπεφόρουν, χάρακέσ τε οὐ χαλεπῶσ κατεπήγνυντο ἐν τῷ πηλῷ καὶ αὐτὸσ ὁ πηλὸσ ξύνδεσμοσ τοῖσ λίθοισ ἐσ τὸ ἐπιμένειν ἐγίγνετο. καὶ προθυμία τῶν τε Μακεδόνων ἐσ τὸ ἔργον καὶ Ἀλεξάνδρου πολλὴ ἦν παρόντοσ τε καὶ αὐτοῦ ἕκαστα ἐξηγουμένου καὶ τὰ μὲν λόγῳ ἐπαίροντοσ, τὰ δὲ καὶ χρήμασι τούσ τι ἐκπρεπέστερον κατ̓ ἀρετὴν πονουμένουσ ἐπικουφίζοντοσ.

ἀλλ̓ ἔστε μὲν τὸ πρὸσ τῇ ἠπείρῳ ἐχώννυτο, οὐ χαλεπῶσ προὐχώρει τὸ ἔργον, ἐπὶ βάθοσ τε ὀλίγον χωννύμενον καὶ οὐδενὸσ ἐξείργοντοσ. ὡσ δὲ τῷ τε βαθυτέρῳ ἤδη ἐπέλαζον καὶ ἅμα τῇ πόλει αὐτῇ ἐγγὺσ ἐγίγνοντο, ἀπό τε τῶν τειχῶν ὑψηλῶν ὄντων βαλλόμενοι ἐκακοπάθουν, ἅτε καὶ ἐπ̓ ἐργασίᾳ μᾶλλόν τι ἢ ὡσ ἐσ μάχην ἀκριβῶσ ἐσταλμένοι, καὶ ταῖσ τριήρεσιν ἄλλῃ καὶ ἄλλῃ τοῦ χώματοσ ἐπιπλέοντεσ οἱ Τύριοι, ἅτε δὴ θαλασσοκρατοῦντεσ ἔτι, ἄπορον πολλαχῇ τὴν πρόσχωσιν τοῖσ Μακεδόσιν ἐποίουν.

καὶ οἱ Μακεδόνεσ πύργουσ ἐπ̓ ἄκρου τοῦ χώματοσ, ὅ τι περ προκεχωρήκει αὐτοῖσ ἐπὶ πολὺ τῆσ θαλάσσησ, ἐπέστησαν δύο καὶ μηχανὰσ ἐπὶ τοῖσ πύργοισ.

προκαλύμματα δὲ δέρρεισ καὶ διφθέραι αὐτοῖσ ἦσαν, ὡσ μήτε πυρφόροισ βέλεσιν ἀπὸ τείχουσ βάλλεσθαι, τοῖσ τε ἐργαζομένοισ προβολὴν ἐν τῷ αὐτῷ εἶναι πρὸσ τὰ τοξεύματα· ἅμα τε ὅσοι προσπλέοντεσ τῶν Τυρίων ἔβλαπτον τοὺσ χωννύντασ, ἀπὸ τῶν πύργων βαλλόμενοι οὐ χαλεπῶσ ἀνασταλήσεσθαι ἔμελλον. Οἱ δὲ Τύριοι πρὸσ ταῦτα ἀντιμηχανῶνται τοιόνδε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 18

(아리아노스, Anabasis, book 2, chapter 18)

상위

목록

SEARCH

MENU NAVIGATION