헬라어 문장 검색 - Αρριαν́Αναβασί2́16́

(아리아노스, Anabasis, book 2, chapter 16)

Ἔστι γὰρ ἐν Τύρῳ ἱερὸν Ἡρακλέουσ παλαιότατον ὧν μνήμη ἀνθρωπίνη διασώζεται, οὐ τοῦ Ἀργείου Ἡρακλέουσ τοῦ Ἀλκμήνησ· πολλαῖσ γὰρ γενεαῖσ πρότερον τιμᾶται ἐν Τύρῳ Ἡρακλῆσ ἢ Κάδμον ἐκ Φοινίκησ ὁρμηθέντα Θήβασ κατασχεῖν καὶ τὴν παῖδα Κάδμῳ τὴν Σεμέλην γενέσθαι, ἐξ ἧσ καὶ ὁ τοῦ Διὸσ Διόνυσοσ γίγνεται. Διόνυσοσ μὲν δὴ τρίτοσ ἂν ἀπὸ Κάδμου εἰή, κατὰ Λάβδακον τὸν Πολυδώρου τοῦ Κάδμου παῖδα, Ἡρακλῆσ δὲ ὁ Ἀργεῖοσ κατ̓ Οἰδίποδα μάλιστα τὸν Λαϊού.

σέβουσι δὲ καὶ Αἰγύπτιοι ἄλλον Ἡρακλέα, οὐχ ὅνπερ Τύριοι ἢ Ἕλληνεσ, ἀλλὰ λέγει Ἡρόδοτοσ, ὅτι τῶν δώδεκα θεῶν Ἡρακλέα ἄγουσιν Αἰγύπτιοι, καθάπερ καὶ Ἀθηναῖοι Διόνυσον τὸν Διὸσ καὶ Κόρησ σέβουσιν, ἄλλον τοῦτον Διόνυσον· καὶ ὁ Ιἄκχοσ ὁ μυστικὸσ τούτῳ Διονύσῳ, οὐχὶ τῷ Θηβαίῳ, ἐπᾴδεται.

ὡσ τόν γε ἐν Ταρτησσῷ πρὸσ Ἰβήρων τιμώμενον Ἡρακλέα, ἵνα καὶ στῆλαί τινεσ Ἡρακλέουσ ὠνομασμέναι εἰσι, δοκὼ ἐγὼ τὸν Τύριον εἶναι Ἡρακλέα, ὅτι Φοινίκων κτίσμα ἡ Ταρτησσὸσ καὶ τῷ Φοινίκων νόμῳ ὅ τε νεὼσ πεποίηται τῷ Ἡρακλεῖ τῷ ἐκεῖ καὶ αἱ θυσίαι θύονται.

Γηρυόνην δέ, ἐφ̓ ὅντινα ὁ Ἀργεῖοσ Ἡρακλῆσ ἐστάλη πρὸσ Εὐρυσθέωσ τὰσ βοῦσ ἀπελάσαι τὰσ Γηρυόνου καὶ ἀγαγεῖν ἐσ Μυκήνασ, οὐδέν τι προσήκειν τῇ γῇ τῇ Ἰβήρων Ἑκαταῖοσ ὁ λογοποιὸσ λέγει, οὐδὲ ἐπὶ νῆσόν τινα Ἐρύθειαν τῆσ ἔξω τῆσ μεγάλησ θαλάσσησ σταλῆναι Ἡρακλέα, ἀλλὰ τῆσ ἠπείρου τῆσ περὶ Ἀμπρακίαν τε καὶ Ἀμφιλόχουσ βασιλέα γενέσθαι Γηρυόνην καὶ ἐκ τῆσ ἠπείρου ταύτησ ἀπελάσαι Ἡρακλέα τὰσ βοῦσ, οὐδὲ τοῦτο φαῦλον ἆθλον τιθέμενον.

οἶδα δὲ ἐγὼ καὶ εἰσ τοῦτο ἔτι εὔβοτον τὴν ἤπειρον ταύτην καὶ βοῦσ τρέφουσαν καλλίστασ·

καὶ ἐσ Εὐρυσθέα τῶν μὲν ἐξ Ἠπείρου βοῶν κλέοσ ἀφῖχθαι καὶ τοῦ βασιλέωσ τῆσ Ἠπείρου τὸ ὄνομα τὸν Γηρυόνην οὐκ ἔξω τοῦ εἰκότοσ τίθεμαι· τῶν δὲ ἐσχάτων τῆσ Εὐρώπησ Ἰβήρων οὔτ̓ ἂν τοῦ βασιλέωσ τὸ ὄνομα γιγνώσκειν Εὐρυσθέα, οὔτε εἰ βοῦσ καλαὶ ἐν τῇ χώρᾳ ταύτῃ νέμονται, εἰ μή τισ τὴν Ἥραν τούτοισ ἐπάγων, ὡσ αὐτὴν ταῦτα Ἡρακλεῖ δἰ Εὐρυσθέωσ ἐπαγγέλλουσαν, τὸ οὐ πιστὸν τοῦ λόγου ἀποκρύπτειν ἐθέλοι τῷ μύθῳ. Τούτῳ τῷ Ἡρακλεῖ τῷ Τυρίῳ ἔφη ἐθέλειν θῦσαι Ἀλέξανδροσ.

ὡσ δὲ ἀπηγγέλθη ταῦτα πρὸσ τῶν πρέσβεων εἰσ τὴν Τύρον, τὰ μὲν ἄλλα ἔδοξέ σφισι ποιεῖν ὅ τι περ ἐπαγγέλλοι Ἀλέξανδροσ, ἐσ δὲ τὴν πόλιν μήτε τινὰ Περσῶν μήτε Μακεδόνων δέχεσθαι, ὡσ τοῦτο ἔσ τε τὰ παρόντα τῷ λόγῳ εὐπρεπέστατον καὶ ἐσ τοῦ πολέμου τὴν κρίσιν, ἄδηλον ἔτι οὖσαν, ἀσφαλέστατόν σφισι γνωσόμενοι. ὡσ δὲ ἐξηγγέλθη Ἀλεξάνδρῳ τὰ ἐκ τῆσ Τύρου, τοὺσ μὲν πρέσβεισ πρὸσ ὀργὴν ὀπίσω ἀπέπεμψεν, αὐτὸσ δὲ συναγαγὼν τούσ τε ἑταίρουσ καὶ τοὺσ ἡγεμόνασ τῆσ στρατιᾶσ καὶ ταξιάρχασ καὶ ἰλάρχασ ἔλεξεν ὧδε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 16

(아리아노스, Anabasis, book 2, chapter 16)

상위

목록

SEARCH

MENU NAVIGATION