Arrian, Anabasis, book 2, chapter 14

(아리아노스, Anabasis, book 2, chapter 14)

Ἔτι δὲ ἐν Μαράθῳ Ἀλεξάνδρου ὄντοσ ἀφίκοντο παρὰ Δαρείου πρέσβεισ, ἐπιστολήν τε κομίζοντεσ Δαρείου καὶ αὐτοὶ ἀπὸ γλώσσησ δεησόμενοι ἀφεῖναι Δαρείῳ τὴν μητέρα καὶ τὴν γυναῖκα καὶ τοὺσ παῖδασ. ἐδήλου δὲ ἡ ἐπιστολή, ὅτι Φιλίππῳ τε πρὸσ Ἀρτοξέρξην φιλία καὶ ξυμμαχία ἐγένετο καὶ, ἐπειδὴ Ἀρσῆσ ὁ υἱὸσ Ἀρτοξέρξου ἐβασίλευσεν, ὅτι Φίλιπποσ ἀδικίασ πρῶτοσ ἐσ βασιλέα Ἀρσῆν ἦρξεν οὐδὲν ἄχαρι ἐκ Περσῶν παθών.

ἐξ οὗ δὲ αὐτὸσ βασιλεύει Περσῶν, οὔτε πέμψαι τινὰ Ἀλέξανδρον παῤ αὐτὸν ἐσ βεβαίωσιν τῆσ πάλαι οὔσησ φιλίασ τε καὶ ξυμμαχίασ, διαβῆναί τε ξὺν στρατιᾷ ἐσ τὴν Ἀσίαν καὶ πολλὰ κακὰ ἐργάσασθαι Πέρσασ. τούτου ἕνεκα καταβῆναι αὐτὸσ τῇ χώρᾳ ἀμυνῶν καὶ τὴν ἀρχὴν τὴν πατρῴαν ἀνασώσων.

τὴν μὲν δὴ μάχην ὡσ θεῶν τῳ ἔδοξεν οὕτω κριθῆναι, αὐτὸσ δὲ βασιλεὺσ παρὰ βασιλέωσ γυναῖκά τε τὴν αὑτοῦ αἰτεῖν καὶ μητέρα καὶ παῖδασ τοὺσ ἁλόντασ, καὶ φιλίαν ἐθέλειν ποιήσασθαι πρὸσ Ἀλέξανδρον καὶ ξύμμαχοσ εἶναι Ἀλεξάνδρῳ· καὶ ὑπὲρ τούτων πέμπειν ἠξίου Ἀλέξανδρον παῤ αὑτὸν ξὺν Μενίσκῳ τε καὶ Ἀρσίμᾳ τοῖσ ἀγγέλοισ τοῖσ ἐκ Περσῶν ἥκουσι τοὺσ τὰ πιστὰ ληψομένουσ τε καὶ ὑπὲρ Ἀλεξάνδρου δώσοντασ. Πρὸσ ταῦτα ἀντιγράφει Ἀλέξανδροσ καὶ ξυμπέμπει τοῖσ παρὰ Δαρείου ἐλθοῦσι Θέρσιππον, παραγγείλασ τὴν ἐπιστολὴν δοῦναι Δαρείῳ, αὐτὸν δὲ μὴ διαλέγεσθαι ὑπὲρ μηδενόσ.

ἡ δὲ ἐπιστολὴ ἡ Ἀλεξάνδρου ἔχει ὧδε· Οἱ ὑμέτεροι πρόγονοι ἐλθόντεσ εἰσ Μακεδονίαν καὶ εἰσ τὴν ἄλλην Ἑλλάδα κακῶσ ἐποίησαν ἡμᾶσ οὐδὲν προηδικημένοι· ἐγὼ δὲ τῶν Ἑλλήνων ἡγεμὼν κατασταθεὶσ καὶ τιμωρήσασθαι βουλόμενοσ Πέρσασ διέβην ἐσ τὴν Ἀσίαν, ὑπαρξάντων ὑμῶν. καὶ γὰρ Περινθίοισ ἐβοηθήσατε, οἳ τὸν ἐμὸν πατέρα ἠδίκουν, καὶ εἰσ Θρᾴκην, ἧσ ἡμεῖσ ἤρχομεν, δύναμιν ἔπεμψεν Ὦχοσ.

ὅπωσ πρόσ με πολεμῶσι, καὶ χρήματα ἀποστέλλοντοσ πρὸσ Λακεδαιμονίουσ καὶ ἄλλουσ τινὰσ τῶν Ἑλλήνων, καὶ τῶν μὲν ἄλλων πόλεων οὐδεμιᾶσ δεχομένησ, Λακεδαιμονίων δὲ λαβόντων, καὶ παρὰ σοῦ πεμφθέντων τοὺσ ἐμοὺσ φίλουσ διαφθειράντων καὶ τὴν εἰρήνην, ἣν τοῖσ Ἕλλησι κατεσκεύασα, διαλύειν ἐπιχειρούντων ‐ ἐστράτευσα ἐπὶ σὲ ὑπάρξαντοσ σοῦ τῆσ ἔχθρασ.

ἐπεὶ δὲ μάχῃ νενίκηκα πρότερον μὲν τοὺσ σοὺσ στρατηγοὺσ καὶ σατράπασ, νῦν δὲ σὲ καὶ τὴν μετὰ σοῦ δύναμιν, καὶ τὴν χώραν ἔχω τῶν θεῶν μοι δόντων, ὅσοι τῶν μετὰ σοῦ παραταξαμένων μὴ ἐν τῇ μάχῃ ἀπέθανον, ἀλλὰ παῤ ἐμὲ κατέφυγον, τούτων ἐπιμέλομαι καὶ οὐκ ἄκοντεσ παῤ ἐμοί εἰσιν, ἀλλὰ αὐτοὶ ἑκόντεσ ξυστρατεύονται μετ̓ ἐμοῦ.

ὡσ οὖν ἐμοῦ τῆσ Ἀσίασ ἁπάσησ κυρίου ὄντοσ ἧκε πρὸσ ἐμέ.

εἰ δὲ φοβῇ μὴ ἐλθὼν πάθῃσ τι ἐξ ἐμοῦ ἄχαρι, πέμπε τινὰσ τῶν φίλων τὰ πιστὰ ληψομένουσ. ἐλθὼν δὲ πρόσ με τὴν μητέρα καὶ τὴν γυναῖκα καὶ τοὺσ παῖδασ καὶ εἰ ἄλλο τι θέλεισ αἴτει καὶ λάμβανε. ὅ τι γὰρ ἂν πείθῃσ ἐμὲ ἔσται σοι. καὶ τοῦ λοιποῦ ὅταν πέμπῃσ παῤ ἐμὲ, ὡσ πρὸσ βασιλέα τῆσ Ἀσίασ πέμπε, μηδὲ [ἃ] ἐξ ἴσου ἐπίστελλε, ἀλλ̓ ὡσ κυρίῳ ὄντι πάντων τῶν σῶν φράζε εἴ του δέῃ·

εἰ δὲ μή, ἐγὼ βουλεύσομαι περὶ σοῦ ὡσ ἀδικοῦντοσ. εἰ δ̓ ἀντιλέγεισ περὶ τῆσ βασιλείασ, ὑπομείνασ ἔτι ἀγώνισαι περὶ αὐτῆσ καὶ μὴ φεῦγε, ὡσ ἐγὼ ἐπὶ σὲ πορεύσομαι οὗ ἂν ᾖσ.

SEARCH

MENU NAVIGATION