헬라어 문장 검색 - Αρριαν́Αναβασί2́13́

(아리아노스, Anabasis, book 2, chapter 13)

Δαρεῖοσ δὲ τὴν μὲν νύκτα ξὺν ὀλίγοισ τοῖσ ἀμφ̓ αὐτὸν ἔφυγε, τῇ δὲ ἡμέρᾳ ἀναλαμβάνων ἀεὶ τῶν τε Περσῶν τοὺσ διασωθέντασ ἐκ τῆσ μάχησ καὶ τῶν ξένων τῶν μισθοφόρων, ἐσ τετρακισχιλίουσ ἔχων τοὺσ πάντασ, ὡσ ἐπὶ Θάψακόν τε πόλιν καὶ τὸν Εὐφράτην ποταμὸν σπουδῇ ἤλαυνεν, ὡσ τάχιστα μέσον αὑτοῦ τε καὶ Ἀλεξάνδρου τὸν Εὐφράτην ποιῆσαι. Ἀμύντασ δὲ ὁ Ἀντιόχου καὶ Θυμώνδασ ὁ Μέντοροσ καὶ Ἀριστομήδησ ὁ Φεραῖοσ καὶ Βιάνωρ ὁ Ἀκαρνάν, ξυμπάντεσ οὗτοι αὐτόμολοι, μετὰ τῶν ἀμφ̓ αὐτοὺσ στρατιωτῶν ὡσ ὀκτακισχιλίων εὐθὺσ ὡσ τεταγμένοι ἦσαν κατὰ τὰ ὄρη φεύγοντεσ ἀφίκοντο ἐσ Τρίπολιν τῆσ Φοινίκησ·

καὶ ἐνταῦθα καταλαβόντεσ τὰσ ναῦσ νενεωλκημένασ ἐφ̓ ὧν πρόσθεν ἐκ Λέσβου διακεκομισμένοι ἦσαν, τούτων ὅσαι μὲν ἱκαναί σφισιν ἐσ τὴν κομιδὴν ἐδόκουν, ταύτασ καθελκύσαντεσ, τὰσ δὲ ἄλλασ αὐτοῦ ἐν τοῖσ νεωρίοισ κατακαύσαντεσ, ὡσ μὴ παρασχεῖν ταχεῖαν σφῶν τὴν δίωξιν, ἐπὶ Κύπρου ἔφευγον καὶ ἐκεῖθεν εἰσ Αἴγυπτον, ἵναπερ ὀλίγον ὕστερον πολυπραγμονῶν τι Ἀμύντασ ἀποθνήσκει ὑπὸ τῶν ἐγχωρίων.

Φαρνάβαζοσ δὲ καὶ Αὐτοφραδάτησ τέωσ μὲν περὶ τὴν Χίον διέτριβον·

καταστήσαντεσ δὲ φρουρὰν τῆσ Χίου τὰσ μέν τινασ τῶν νεῶν ἐσ Κῶν καὶ Ἁλικαρνασσὸν ἔστειλαν, αὐτοὶ δὲ ἑκατὸν ναυσὶ ταῖσ ἄριστα πλεούσαισ ἀναγαγόμενοι ἐσ Σίφνον κατέσχον. καὶ παῤ αὐτοὺσ ἀφικνεῖται Ἆγισ ὁ Λακεδαιμονίων βασιλεὺσ ἐπὶ μιᾶσ τριήρουσ, χρήματά τε αἰτήσων ἐσ τὸν πόλεμον καὶ δύναμιν ναυτικήν τε καὶ πεζικὴν ὅσην πλείστην ἀξιώσων συμπέμψαι οἱ ἐσ τὴν Πελοπόννησον. καὶ ἐν τούτῳ ἀγγελία αὐτοῖσ ἔρχεται τῆσ μάχησ τῆσ πρὸσ Ἰσσῷ γενομένησ.

ἐκπλαγέντεσ δὲ πρὸσ τὰ ἐξαγγελθέντα Φαρνάβαζοσ μὲν σὺν δώδεκα τριήρεσι καὶ τῶν μισθοφόρων ξένων ξὺν χιλίοισ καὶ πεντακοσίοισ ἐπὶ Χίου ἐστάλη, δείσασ μή τι πρὸσ τὴν ἀγγελίαν τῆσ ἥττησ οἱ Χῖοι νεωτερίσωσιν. Ἆγισ δὲ παῤ Αὐτοφραδάτου τάλαντα ἀργυρίου λαβὼν τριάκοντα καὶ τριήρεισ δέκα, ταύτασ μὲν Ἱππίαν ἄξοντα ἀποστέλλει παρὰ τὸν ἀδελφὸν τὸν αὑτοῦ Ἀγησίλαον ἐπὶ Ταίναρον·

καὶ παραγγέλλειν ἐκέλευσεν Ἀγησιλάῳ, διδόντα τοῖσ ναύταισ ἐντελῆ τὸν μισθὸν πλεῖν τὴν ταχίστην ἐπὶ Κρήτησ, ὡσ τὰ ἐκεῖ καταστησόμενον. αὐτὸσ δὲ τότε μὲν αὐτοῦ ἐν ταῖσ νήσοισ ὑπέμενεν, ὕστερον δὲ εἰσ Ἁλικαρνασσὸν παῤ Αὐτοφραδάτην ἀφίκετο. Ἀλέξανδροσ δὲ σατράπην μὲν Συρίᾳ τῇ κοιλῇ Μένωνα τὸν Κερδίμμα ἐπέταξε δοὺσ αὐτῷ εἰσ φυλακὴν τῆσ χώρασ τοὺσ τῶν ξυμμάχων ἱππέασ, αὐτὸσ δὲ ἐπὶ Φοινίκησ ᾔει.

καὶ ἀπαντᾷ αὐτῷ κατὰ τὴν ὁδὸν Στράτων ὁ Γηροστράτου παῖσ τοῦ Ἀραδίων τε καὶ τῶν Ἀράδῳ προσοίκων βασιλέωσ· ὁ δὲ Γηρόστρατοσ αὐτὸσ μετ̓ Αὐτοφραδάτου ἔπλει ἐπὶ τῶν νεῶν, καὶ οἱ ἄλλοι οἵ τε τῶν Φοινίκων καὶ οἱ τῶν Κυπρίων βασιλεῖσ καὶ αὐτοὶ Αὐτοφραδάτῃ ξυνέπλεον. Στράτων δὲ Ἀλεξάνδρῳ ἐντυχὼν στεφανοῖ χρυσῷ στεφάνῳ αὐτὸν καὶ τήν τε Ἄραδον αὐτῷ τὴν νῆσον καὶ τὴν Μάραθον τὴν καταντικρὺ τῆ Ἀράδου ἐν τῇ ἠπείρῳ ᾠκισμένην, πόλιν μεγάλην καὶ εὐδαίμονα, καὶ Σιγῶνα καὶ Μαριάμμην πόλιν καὶ τἆλλα ὅσα τῆσ σφῶν ἐπικρατείασ ἐνδίδωσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 13

(아리아노스, Anabasis, book 2, chapter 13)

상위

목록

SEARCH

MENU NAVIGATION