헬라어 문장 검색 - Αρριαν́Αναβασί2́11́

(아리아노스, Anabasis, book 2, chapter 11)

Ἐν τούτῳ δὲ αἱ ἀπὸ τοῦ δεξιοῦ κέρωσ τάξεισ, τετραμμένουσ ἤδη τοὺσ κατὰ σφᾶσ τῶν Περσῶν ὁρῶντεσ, ἐπὶ τοὺσ ξένουσ τε τοὺσ μισθοφόρουσ τοὺσ Δαρείου καὶ τὸ πονούμενον σφῶν ἐπικάμψαντεσ ἀπό τε τοῦ ποταμοῦ ἀπώσαντο αὐτούσ, καὶ κατὰ τὸ παρερρωγὸσ τοῦ Περσικοῦ στρατεύματοσ ὑπερφαλαγγήσαντεσ ἐσ τὰ πλάγια ἐμβεβληκότεσ ἤδη ἔκοπτον τοὺσ ξένουσ· καὶ οἱ ἱππεῖσ δὲ οἱ τῶν Περσῶν κατὰ τοὺσ Θεσσαλοὺσ τεταγμένοι οὐκ ἔμειναν ἐντὸσ τοῦ ποταμοῦ ἐν αὐτῷ τῷ ἔργῳ, ἀλλ̓ ἐπιδιαβάντεσ εὐρώστωσ ἐνέβαλον ἐσ τὰσ ἴλασ τῶν Θετταλῶν.

καὶ ταύτῃ ξυνέστη ἱππομαχία καρτερά, οὐδὲ πρόσθεν ἐνέκλιναν οἱ Πέρσαι πρὶν Δαρεῖόν τε πεφευγότα ᾔσθοντο καὶ πρὶν ἀπορραγῆναι σφῶν τοὺσ μισθοφόρουσ συγκοπέντασ ὑπὸ τῆσ φάλαγγοσ. τότε δὲ ἤδη λαμπρά τε καὶ ἐκ πάντων ἡ φυγὴ ἐγίγνετο·

καὶ οἵ τε τῶν Περσῶν ἵπποι ἐν τῇ ἀναχωρήσει ἐκακοπάθουν βαρέωσ ὡπλισμένουσ τοὺσ ἀμβάτασ σφῶν φέροντεσ, καὶ αὐτοὶ οἱ ἱππεῖσ κατὰ στενὰσ ὁδοὺσ πλήθει τε πολλοὶ καὶ πεφοβημένωσ ξὺν ἀταξίᾳ ἀποχωροῦντεσ οὐ μεῖον ἀπ̓ ἀλλήλων καταπατούμενοι ἢ πρὸσ τῶν διωκόντων πολεμίων ἐβλάπτοντο. καὶ οἱ Θεσσαλοὶ εὐρώστωσ αὐτοῖσ ἐπέκειντο, ὥστε οὐ μείων ἢ τῶν πεζῶν φόνοσ ἐν τῇ φυγῇ τῶν ἱππέων ἐγίγνετο. Δαρεῖοσ δέ, ὡσ αὐτῷ τὸ πρῶτον ὑπ̓ Ἀλεξάνδρου ἐφοβήθη τὸ κέρασ τὸ εὐώνυμον καὶ ταύτῃ ἀπορρηγνύμενον κατεῖδε τοῦ ἄλλου στρατοπέδου, εὐθὺσ ὡσ εἶχεν ἐπὶ τοῦ ἁρ́ματοσ ξὺν τοῖσ πρώτοισ ἔφευγε.

καὶ ἔστε μὲν ὁμαλοῖσ χωρίοισ ἐν τῇ φυγῇ ἐπετύγχανεν, ἐπὶ τοῦ ἁρ́ματοσ διεσώζετο, ὡσ δὲ φάραγξί τε καὶ ἄλλαισ δυσχωρίαισ ἐνέκυρσε, τὸ μὲν ἁρ́μα ἀπολείπει αὐτοῦ καὶ τὴν ἀσπίδα καὶ τὸν κάνδυν ἐκδύσ·

ὁ δὲ καὶ τὸ τόξον ἀπολείπει ἐπὶ τοῦ ἁρ́ματοσ· αὐτὸσ δὲ ἵππου ἐπιβὰσ ἔφευγε· καὶ ἡ νὺξ οὐ διὰ μακροῦ ἐπιγενομένη ἀφείλετο αὐτὸν τὸ πρὸσ Ἀλεξάνδρου ἁλῶναι. Ἀλέξανδροσ γὰρ ἔστε μὲν φάοσ ἦν ἀνὰ κράτοσ ἐδίωκεν, ὡσ δὲ συνεσκόταζέ τε ἤδη καὶ τὰ πρὸ ποδῶν ἀφανῆ ἦν, εἰσ τὸ ἔμπαλιν ἀπετρέπετο ὡσ ἐπὶ τὸ στρατόπεδον·

καὶ γὰρ καὶ ἡ δίωξισ βραδυτέρα αὐτῷ ἐγεγόνει, ὅτι ἐν τῇ πρώτῃ παραρρήξει τῆσ φάλαγγοσ ἐπιστρέψασ καὶ αὐτὸσ οὐ πρόσθεν ἐσ τὸ διώκειν ἐτράπετο πρὶν τούσ τε μισθοφόρουσ τοὺσ ξένουσ καὶ τὸ τῶν Περσῶν ἱππικὸν ἀπὸ τοῦ ποταμοῦ ἀπωσθέντασ κατεῖδε.

Τῶν δὲ Περσῶν ἀπέθανον Ἀρσάμησ μὲν Ῥεομίθρησ καὶ Ἀτιζύησ τῶν ἐπὶ Γρανίκῳ ἡγησαμένων τοῦ ἱππικοῦ·

ἀποθνήσκει δὲ καὶ Σαυάκησ ὁ Αἰγύπτου σατράπησ καὶ Βουβάκησ τῶν ἐντίμων Περσῶν· τὸ δὲ ἄλλο πλῆθοσ εἰσ δέκα μάλιστα μυριάδασ καὶ ἐν τούτοισ ἱππεῖσ ὑπὲρ τοὺσ μυρίουσ, ὥστε λέγει Πτολεμαῖοσ ὁ Λάγου ξυνεπισπόμενοσ τότε Ἀλεξάνδρῳ τοὺσ μετὰ σφῶν διώκοντασ Δαρεῖον, ὡσ ἐπὶ φάραγγί τινι ἐν τῇ διώξει ἐγένοντο, ἐπὶ τῶν νεκρῶν διαβῆναι τὴν φάραγγα. τό τε στρατόπεδον τὸ Δαρείου εὐθὺσ ἐξ ἐφόδου ἑάλω καὶ ἡ μήτηρ καὶ ἡ γυνή, αὐτὴ δὲ καὶ ἀδελφὴ Δαρείου, καὶ υἱὸσ Δαρείου νήπιοσ·

καὶ θυγατέρεσ δύο ἑάλωσαν καὶ ἄλλαι ἀμφ̓ αὐτὰσ Περσῶν τῶν ὁμοτίμων γυναῖκεσ οὐ πολλαί. οἱ γὰρ ἄλλοι Πέρσαι τὰσ γυναῖκασ σφῶν ξὺν τῇ ἄλλῃ κατασκευῇ ἐσ Δαμασκὸν ἔτυχον ἐσταλκότεσ· ἐπεὶ καὶ Δαρεῖοσ τῶν τε χρημάτων τὰ πολλὰ καὶ ὅσα ἄλλα μεγάλῳ βασιλεῖ ἐσ πολυτελῆ δίαιταν καὶ στρατευομένῳ ὅμωσ συνέπεται πεπόμφει ἐσ Δαμασκόν, ὥστε ἐν τῷ στρατεύματι οὐ πλείονα ἢ τρισχίλια τάλαντα ἑάλω.

ἀλλὰ καὶ τὰ ἐν Δαμασκῷ χρήματα ὀλίγον ὕστερον ἑάλω ὑπὸ Παρμενίωνοσ ἐπ̓ αὐτὸ τοῦτο σταλέντοσ. τοῦτο τὸ τέλοσ τῇ μάχῃ ἐκείνῃ ἐγένετο ἐπὶ ἄρχοντοσ Ἀθηναίοισ Νικοκράτουσ μηνὸσ Μαιμακτηρῶνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 2, chapter 11

(아리아노스, Anabasis, book 2, chapter 11)

상위

목록

SEARCH

MENU NAVIGATION