헬라어 문장 검색 - Αρριαν́Αναβασί2́10́

(아리아노스, Anabasis, book 2, chapter 10)

Οὕτω δὴ τεταγμένουσ χρόνον μέν τινα προῆγεν ἀναπαύων, ὥστε καὶ πάνυ ἔδοξε σχολαία γενέσθαι αὐτῶ ἡ πρόσοδοσ· τοὺσ γὰρ βαρβάρουσ, ὅπωσ τὰ πρῶτα ἐτάχθησαν, οὐκέτι ἀντεπῆγε Δαρεῖοσ, ἀλλ̓ ἐπὶ τοῦ ποταμοῦ ταῖσ ὄχθαισ, πολλαχῇ μὲν ἀποκρήμνοισ οὔσαισ, ἔστι δὲ ὅπου καὶ χάρακα παρατείνασ αὐταῖσ ἵνα εὐεφοδώτερα ἐφαίνετο, οὕτωσ ἔμενεν· καὶ ταύτῃ εὐθὺσ δῆλοσ ἐγένετο τοῖσ ἀμφ̓ Ἀλέξανδρον τῇ γνώμῃ δεδουλωμένοσ. ὡσ δὲ ὁμοῦ ἤδη ἦν τὰ στρατόπεδα, ἐνταῦθα παριππεύων πάντῃ Ἀλέξανδροσ παρεκάλει ἄνδρασ ἀγαθοὺσ γίγνεσθαι, οὐ τῶν ἡγεμόνων μόνον τὰ ὀνόματα ξὺν τῷ πρέποντι κόσμῳ ἀνακαλῶν, ἀλλὰ καὶ ἰλάρχασ καὶ λοχαγοὺσ ὀνομαστὶ καὶ τῶν ξένων τῶν μισθοφόρων, ὅσοι κατ̓ ἀξίωσιν ἤ τινα ἀρετὴν γνωριμώτεροι ἦσαν·

καὶ πανταχόθεν βοὴ ἐγίνετο μὴ διατρίβειν, ἀλλὰ ἐσβάλλειν ἐσ τοὺσ πολεμίουσ. ὁ δὲ ἦγεν ἐν τάξει ἔτι, τὰ μὲν πρῶτα, καίπερ ἐν ἀπόπτῳ ἤδη ἔχων τὴν Δαρείου δύναμιν, βάδην, τοῦ μὴ διασπασθῆναί τι ἐν τῇ ξυντονωτέρᾳ πορείᾳ κυμῆναν τῆσ φάλαγγοσ·

ὡσ δὲ ἐντὸσ βέλουσ ἐγίγνοντο, πρῶτοι δὴ οἱ κατὰ Ἀλέξανδρον καὶ αὐτὸσ Ἀλέξανδροσ ἐπὶ τοῦ δεξιοῦ τεταγμένοσ δρόμῳ ἐσ τὸν ποταμὸν ἐνέβαλον, ὡσ τῇ τε ὀξύτητι τῆσ ἐφόδου ἐκπλῆξαι τοὺσ Πέρσασ καὶ τοῦ θᾶσσον ἐσ χεῖρασ ἐλθόντασ ὀλίγα πρὸσ τῶν τοξοτῶν βλάπτεσθαι. καὶ ξυνέβη ὅπωσ εἴκασεν Ἀλέξανδροσ. εὐθὺσ γὰρ ὡσ ἐν χερσὶν ἡ μάχη ἐγένετο, τρέπονται τοῦ Περσικοῦ στρατεύματοσ οἱ τῷ ἀριστερῷ κέρᾳ ἐπιτεταγμένοι·

καὶ ταύτῃ μὲν λαμπρῶσ ἐνίκα Ἀλέξανδρόσ τε καὶ οἱ ἀμφ̓ αὐτόν. ὅτι Ἀλέξανδροσ μὲν σπουδῇ ἐσ τὸν ποταμὸν ἐμβαλὼν καὶ ἐν χερσὶ τὴν μάχην ποιήσασ ἐξώθει ἤδη τοὺσ ταύτῃ τεταγμένουσ τῶν Περσῶν, οἱ δὲ κατὰ μέσον τῶν Μακεδόνων οὔτε τῇ ἴσῃ σπουδῇ ἥψαντο τοῦ ἔργου καὶ πολλαχῇ κρημνώδεσι ταῖσ ὄχθαισ ἐντυγχάνοντεσ τὸ μέτωπον τῆσ φάλαγγοσ οὐ δυνατοὶ ἐγένοντο ἐν τῇ αὐτῇ τάξει διασώσασθαι, ‐ ταύτῃ ἐμβάλλουσιν οἱ Ἕλληνεσ τοῖσ Μακεδόσιν ᾗ μάλιστα διεσπασμένην αὐτοῖσ τὴν φάλαγγα κατεῖδον.

καὶ τὸ ἔργον ἐνταῦθα καρτερὸν ἦν, τῶν μὲν ἐσ τὸν ποταμὸν ἀπώσασθαι τοὺσ Μακεδόνασ καὶ τὴν νίκην τοῖσ ἤδη φεύγουσι σφῶν ἀνασώσασθαι, τῶν Μακεδόνων δὲ τῆσ τε Ἀλεξάνδρου ἤδη φαινομένησ εὐπραγίασ μὴ λειφθῆναι καὶ τὴν δόξαν τῆσ φάλαγγοσ, ὡσ ἀμάχου δὴ ἐσ τὸ τότε διαβεβοημένησ, μὴ ἀφανίσαι.

καί τι καὶ τοῖσ γένεσι τῷ τε Ἑλληνικῷ καὶ τῷ Μακεδονικῷ φιλοτιμίασ ἐνέπεσεν ἐσ ἀλλήλουσ. καὶ ἐνταῦθα πίπτει Πτολεμαῖόσ τε ὁ Σελεύκου, ἀνὴρ ἀγαθὸσ γενόμενοσ, καὶ ἄλλοι ἐσ εἴκοσι μάλιστα καὶ ἑκατὸν τῶν οὐκ ἠμελημένων Μακεδόνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 10

(아리아노스, Anabasis, book 2, chapter 10)

상위

목록

SEARCH

MENU NAVIGATION