헬라어 문장 검색 - Αρριαν́Αναβασί2́09́

(아리아노스, Anabasis, book 2, chapter 9)

Ἐν τούτῳ δὲ Ἀλέξανδροσ κατιδὼν ὀλίγου πᾶσαν τὴν τῶν Περσῶν ἵππον μετακεχωρηκυῖαν ἐπὶ τὸ εὐώνυμον τὸ ἑαυτοῦ ὡσ πρὸσ τὴν θάλασσαν, αὑτῷ δὲ τοὺσ Πελοποννησίουσ μόνουσ καὶ τοὺσ ἄλλουσ τῶν ξυμμάχων ἱππέασ ταύτῃ τεταγμένουσ, πέμπει κατὰ τάχοσ τοὺσ Θεσσαλοὺσ ἱππέασ ἐπὶ τὸ εὐώνυμον, κελεύσασ μὴ πρὸ τοῦ μετώπου τῆσ πάσησ τάξεωσ παριππεῦσαι, τοῦ μὴ καταφανεῖσ τοῖσ πολεμίοισ γενέσθαι μεταχωροῦντασ, ἀλλὰ κατόπιν τῆσ φάλαγγοσ ἀφανῶσ διελθεῖν. προέταξε δὲ τῶν μὲν ἱππέων κατὰ τὸ δεξιὸν τοὺσ προδρόμουσ, ὧν ἡγεῖτο Πρωτόμαχοσ, καὶ τοὺσ Παίονασ, ὧν ἠγεῖτο Ἀρίστων, τῶν δὲ πεζῶν τοὺσ τοξότασ, ὧν ἦρχεν Ἀντίοχοσ·

τοὺσ δὲ Ἀγριᾶνασ, ὧν ἦρχεν Ἄτταλοσ, καὶ τῶν ἱππέων τινὰσ καὶ τῶν τοξοτῶν ἐσ ἐπικαμπὴν πρὸσ τὸ ὄροσ τὸ κατὰ νώτου ἔταξεν,ὥστε κατὰ τὸ δεξιὸν αὐτῷ τὴν φάλαγγα ἐσ δύο κέρατα διέχουσαν τετάχθαι, τὸ μὲν ὡσ πρὸσ Δαρεῖόν τε καὶ τοὺσ πέρασ τοῦ ποταμοῦ τοὺσ πάντασ Πέρσασ, τὸ δὲ ὡσ πρὸσ τοὺσ ἐπὶ τῷ ὄρει κατὰ νώτου σφῶν τεταγμένουσ. τοῦ δὲ εὐωνύμου προετάχθησαν τῶν μὲν πεζῶν οἵ τε Κρῆτεσ τοξόται καὶ οἱ Θρᾷκεσ, ὧν ἡγεῖτο Σιτάλκησ, πρὸ τούτων δὲ ἡ ἵπποσ ἡ κατὰ τὸ εὐώνυμον.

οἱ δὲ μισθοφόροι ξένοι πᾶσιν ἐπετάχθησαν. ἐπεὶ δὲ οὔτε πυκνὴ αὐτῷ ἡ φάλαγξ κατὰ τὸ δεξιὸν τὸ ἑαυτοῦ ἐφαίνετο, πολὺ τε ταύτῃ ὑπερφαλαγγήσειν οἱ Πέρσαι ἐδόκουν, ἐκ τοῦ μέσου ἐκέλευσε δύο ἴλασ τῶν ἑταίρων, τὴν τε Ἀνθεμουσίαν, ἧσ ἰλάρχησ ἦν Περοίδασ ὁ Μενεσθέωσ, καὶ τὴν Λευγαίαν καλουμένην, ἧσ ἡγεῖτο Παντόρδανοσ ὁ Κλεάνδρου, ἐπὶ τὸ δεξιὸν ἀφανῶσ παρελθεῖν. καὶ τοὺσ τοξότασ δὲ καὶ μέροσ τῶν Ἀγριάνων καὶ τῶν Ἑλλήνων μισθοφόρων ἔστιν οὓσ κατὰ τὸ δεξιὸν τὸ αὑτοῦ ἐπὶ μετώπου παραγαγὼν ἐξέτεινεν ὑπὲρ τὸ τῶν Περσῶν κέρασ τὴν φάλαγγα.

ἐπεὶ γὰρ οἱ ὑπὲρ τοῦ ὄρουσ τεταγμένοι οὔτε κατῄεσαν, ἐκδρομῆσ τε ἐπ̓ αὐτοὺσ τῶν Ἀγριάνων καὶ τῶν τοξοτῶν ὀλίγων κατὰ πρόσταξιν Ἀλεξάνδρου γενομένησ ῥᾳδίωσ ἀπὸ τῆσ ὑπωρείασ ἀνασταλέντεσ ἐσ τὸ ἄκρον ἀνέφυγον, ἔγνω καὶ τοῖσ κατ̓ αὐτοὺσ τεταγμένοισ δυνατὸσ ὢν χρήσασθαι ἐσ ἀναπλήρωσιν τῆσ φάλαγγοσ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 9

(아리아노스, Anabasis, book 2, chapter 9)

상위

목록

SEARCH

MENU NAVIGATION