헬라어 문장 검색 - Αρριαν́Αναβασί2́08́

(아리아노스, Anabasis, book 2, chapter 8)

Ὁ δὲ τότε μὲν δειπνοποιεῖσθαι παραγγέλλει, προπέμπει δὲ ὡσ ἐπὶ τὰσ πύλασ τῶν τε ἱππέων ὀλίγουσ καὶ τῶν τοξοτῶν προκατασκεψομένουσ τὴν ὁδὸν τὴν ὀπίσω [ὡσ ἐπὶ τὰσ πύλασ]· καὶ αὐτὸσ τῆσ νυκτὸσ ἀναλαβὼν τὴν στρατιὰν πᾶσαν ᾔει, ὡσ κατασχεῖν αὗθισ τὰσ πύλασ. ὡσ δὲ ἀμφὶ μέσασ νύκτασ ἐκράτησεν αὖθισ τῶν παρόδων, ἀνέπαυε τὴν στρατιὰν τὸ λοιπὸν τῆσ νυκτὸσ αὐτοῦ ἐπὶ τῶν πετρῶν, προφυλακὰσ ἀκριβεῖσ καταστησάμενοσ.

ὑπὸ δὲ τὴν ἑώ κατῄει ἀπὸ τῶν πυλῶν κατὰ τὴν ὁδόν· καὶ ἑώσ μὲν πάντῃ στενόπορα ἦν τὰ χωρία, ἐπὶ κέρωσ ἦγεν, ὡσ δὲ διεχώρει ἐσ πλάτοσ, ἀνέπτυσσεν ἀεὶ τὸ κέρασ ἐσ φάλαγγα, ἄλλην καὶ ἄλλην τῶν ὁπλιτῶν τάξιν παράγων, τῇ μὲν ὡσ ἐπὶ τὸ ὄροσ, ἐν ἀριστερᾷ δὲ ὡσ ἐπὶ τὴν θάλασσαν. οἱ δὲ ἱππεῖσ αὐτῷ τέωσ μὲν κατόπιν τῶν πεζῶν τεταγμένοι ἦσαν, ὡσ δὲ ἐσ τὴν εὐρυχωρίαν προῄεσαν, συνέτασσεν ἤδη τὴν στρατιὰν ὡσ ἐσ μάχην, πρώτουσ μὲν ἐπὶ τοῦ δεξιοῦ κέρωσ πρὸσ τῷ ὄρει τῶν πεζῶν τό τε ἄγημα καὶ τοὺσ ὑπασπιστάσ, ὧν ἡγεῖτο Νικάνωρ ὁ Παρμενίωνοσ, ἐχομένην δὲ τούτων τὴν Κοίνου τάξιν, ἐπὶ δὲ τούτοισ τὴν Περδίκκου.

οὗτοι μὲν ἔστε ἐπὶ τὸ μέσον τῶν ὁπλιτῶν ἀπὸ τοῦ δεξιοῦ ἀρξαμένῳ τεταγμένοι ἦσαν. ἐπὶ δὲ τοῦ εὐωνύμου πρώτη μὲν ἡ Ἀμύντου τάξισ ἦν, ἐπὶ δὲ ἡ Πτολεμαίου, ἐχομένη δὲ ταύτησ ἡ Μελεάγρου.

τοῦ δὲ εὐωνύμου τοῖσ πεζοῖσ μὲν Κρατερὸσ ἐπετέτακτο ἄρχειν, τοῦ δὲ ξύμπαντοσ εὐωνύμου Παρμενίων ἡγεῖτο· καὶ παρήγγελτο αὐτῷ μὴ ἀπολείπειν τὴν θάλασσαν, ὡσ μὴ κυκλωθεῖεν ἐκ τῶν βαρβάρων, ὅτι πάντῃ ὑπερφαλαγγήσειν αὐτῶν διὰ πλῆθοσ ἤμελλον. Δαρεῖοσ δὲ, ἐπειδὴ ἐξηγγέλθη αὐτῷ προσάγων ἤδη Ἀλέξανδροσ ὡσ ἐσ μάχην, τῶν μὲν ἱππέων διαβιβάζει πέραν τοῦ ποταμοῦ τοῦ Πινάρου ἐσ τρισμυρίουσ μάλιστα τὸν ἀριθμὸν καὶ μετὰ τούτων τῶν ψιλῶν ἐσ δισμυρίουσ, ὅπωσ τὴν λοιπὴν δύναμιν καθ̓ ἡσυχίαν συντάξειε.

καὶ πρώτουσ μὲν τοῦ ὁπλιτικοῦ τοὺσ Ἕλληνασ τοὺσ μισθοφόρουσ ἔταξεν ἐσ τρισμυρίουσ κατὰ τὴν φάλαγγα τῶν Μακεδόνων·

ἐπὶ δὲ τούτοισ τῶν Καρδάκ[κ]ων καλουμένων ἔνθεν καὶ ἔνθεν ἐσ ἑξακισμυρίουσ· ὁπλῖται δὲ ἦσαν καὶ οὗτοι. τοσούτουσ γὰρ ἐπὶ φάλαγγοσ ἁπλῆσ ἐδέχετο τὸ χωρίον, ἵνα ἐτάσσοντο. ἐπέταξε δὲ καὶ τῷ ὄρει τῷ ἐν ἀριστερᾷ σφῶν κατὰ τὸ Ἀλεξάνδρου δεξιὸν ἐσ δισμυρίουσ·

καὶ τούτων ἔστιν οἳ κατὰ νώτου ἐγένοντο τῆσ Ἀλεξάνδρου στρατιᾶσ. τὸ γὰρ ὄροσ ἵνα ἐπετάχθησαν πῇ μὲν διεχώρει ἐσ βάθοσ καὶ κολπῶδέσ τι αὐτοῦ ὥσπερ ἐν θαλάσσῃ ἐγίγνετο, ἔπειτα ἐσ ἐπικαμπὴν προϊὸν τοὺσ ἐπὶ ταῖσ ὑπωρείαισ τεταγμένουσ κατόπιν τοῦ δεξιοῦ κέρων τοῦ Ἀλεξάνδρου ἐποίει. τὸ δὲ ἄλλο πλῆθοσ αὐτοῦ ψιλῶν τε καὶ ὁπλιτῶν, κατὰ ἔθνη συντεταγμένον ἐσ βάθοσ οὐκ ὠφέλιμον, ὄπισθεν ἦν τῶν Ἑλλήνων τῶν μισθοφόρων καὶ τοῦ ἐπὶ φάλαγγοσ τεταγμένου βαρβαρικοῦ ἐλέγετο γὰρ ἡ πᾶσα ξὺν Δαρείῳ στρατιὰ μάλιστα ἐσ ἑξήκοντα μυριάδασ μαχίμουσ εἶναι.

Ἀλέξανδροσ δέ, ὡσ αὐτῷ πρόσω ἰόντι τὸ χωρίον διέσχεν ὀλίγον ἐσ πλάτοσ, παρήγαγε τοὺσ ἱππέασ, τούσ τε ἑταίρουσ καλουμένουσ καὶ τοὺσ Θεσσαλοὺσ καὶ τοὺσ Μακεδόνασ.

καὶ τούτουσ μὲν ἐπὶ τῷ δεξιῷ κέρᾳ ἅμα οἷ ἔταξε, τοὺσ δὲ ἐκ Πελοποννήσου καὶ τὸ ἄλλο τὸ συμμαχικὸν ἐπὶ τὸ εὐώνυμον πέμπει ὡσ Παρμενίωνα. Δαρεῖοσ δέ, ὡσ συντεταγμένη ἤδη ἦν αὐτῷ ἡ φάλαγξ, τοὺσ ἱππέασ, οὕστινασ πρὸ τοῦ ποταμοῦ ἐπὶ τῷδε προτετάχει ὅπωσ ἀσφαλῶσ αὐτῶ ἡ ἔκταξισ τῆσ στρατιᾶσ γένοιτο, ἀνεκάλεσεν ἀπὸ ξυνθήματοσ.

καὶ τούτων τοὺσ μὲν πολλοὺσ ἐπὶ τῷ δεξιῷ κέρατι πρὸσ τῇ θαλάσσῃ κατὰ Παρμενίωνα ἔταξεν, ὅτι ταύτῃ μᾶλλόν τι ἱππάσιμα ἦν, μέροσ δέ τι αὐτῶν καὶ ἐπὶ τὸ εὐώνυμον πρὸσ τὰ ὄρη παρήγαγεν. ὡσ δὲ ἀχρεῖοι ἐνταῦθα διὰ στενότητα τῶν χωρίων ἐφαίνοντο, καὶ τούτων τοὺσ πολλοὺσ παριππεῦσαι ἐπὶ τὸ δεξιὸν κέρασ σφῶν ἐκέλευσεν.

αὐτὸσ δὲ Δαρεῖοσ τὸ μέσον τῆσ πάσησ τάξεωσ ἐπεῖχεν, καθάπερ νόμοσ τοῖσ Περσῶν βασιλεῦσι τετάχθαι· καὶ τὸν νοῦν τῆσ τάξεωσ ταύτησ Ξενοφῶν ὁ τοῦ Γρύλου ἀναγέγραφεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 8

(아리아노스, Anabasis, book 2, chapter 8)

상위

목록

SEARCH

MENU NAVIGATION