헬라어 문장 검색 - Αρριαν́Αναβασί2́02́

(아리아노스, Anabasis, book 2, chapter 2)

Ταῦτα δὲ διαπραξάμενοι Φαρνάβαζοσ μὲν ἔπλει ἐπὶ Λυκίασ ἄγων τοὺσ ξένουσ τοὺσ μισθοφόρουσ, Αὐτοφραδάτησ δὲ ἐπὶ τὰσ ἄλλασ νήσουσ. καὶ ἐν τούτῳ καταπέμπει Δαρεῖοσ Θυμώνδαν τὸν Μέντοροσ, αὐτὸν μὲν τοὺσ ξένουσ παρὰ Φαρναβάζου παραληψόμενον καὶ ἀνάξοντα παρὰ βασιλέα, Φαρναβάζῳ δὲ ἐροῦντα ἄρχειν ὅσων Μέμνων ἦρχεν· καὶ παραδοὺσ τούτῳ τοὺσ ξένουσ Φαρνάβαζοσ ἔπλει παῤ Αὐτοφραδάτην ἐπὶ τὰσ ναῦσ.

ὡσ δὲ ὁμοῦ ἐγένοντο, δέκα μὲν ναῦσ στέλλουσιν ἐπὶ τὰσ Κυκλάδασ νήσουσ Δατάμην ἄνδρα Πέρσην ἄγοντα, αὐτοὶ δὲ ναυσὶν ἑκατὸν ἐπὶ Τενέδου ἔπλευσαν· κατακομισθέντεσ δὲ τῆσ Τενέδου εἰσ τὸν Βόρειον καλούμενον λιμένα πέμπουσι παρὰ τοὺσ Τενεδίουσ καὶ κελεύουσι τὰσ στήλασ τὰσ πρὸσ Ἀλέξανδρον καὶ τοὺσ Ἕλληνασ γενομένασ σφίσι, ταύτασ μὲν καθελεῖν, πρὸσ Δαρεῖον δὲ ἄγειν τὴν εἰρήνην, ἣν ἐπὶ Ἀνταλκίδου Δαρείῳ συνέθεντο. Τενεδίοισ δὲ τὰ μὲν τῆσ εὐνοίασ ἐσ Ἀλέξανδρόν τε καὶ τοὺσ Ἕλληνασ ἐποίει μᾶλλον, ἐν δὲ τῷ παρόντι ἄπορον ἄλωσ ἐδόκει ὅτι μὴ προσχωρήσαντασ τοῖσ Πέρσαισ σώζεσθαι·

ἐπεὶ οὐδὲ Ἡγελόχῳ, ὅτῳ προσετέτακτο ὑπ̓ Ἀλεξάνδρου αὖθισ ξυναγαγεῖν δύναμιν ναυτικήν, τοσαύτη ξυνηγμένη ἦν ὡσ δἰ ὀλίγου προσδοκᾶν ἔσεσθαι ἄν σφισι παῤ αὐτοῦ τινα ὠφέλειαν. οὕτω μὲν δὴ οἱ ἀμφὶ Φαρνάβαζον τοὺσ Τενεδίουσ φόβῳ μᾶλλον ἢ ἐθελοντὰσ παρεστήσαντο. Ἐν δὲ τούτῳ Πρωτέασ ὁ Ἀνδρονίκου ἐτύγχανε μὲν ξυναγαγὼν ἐξ Εὐβοίασ τε καὶ Πελοποννήσου ναῦσ μακρὰσ ὑπὸ Ἀντιπάτρου τεταγμένοσ, ὡσ εἶναί τινα ταῖσ τε νήσοισ φυλακὴν καὶ αὐτῇ τῇ Ἑλλάδι, εἰ, καθάπερ ἐξηγγέλλετο, ἐπιπλέοιεν οἱ βάρβαροι·

πυθόμενοσ δὲ Δατάμην περὶ Σίφνον ὁρμεῖν δέκα ναυσίν, αὐτὸσ ἔχων πεντεκαίδεκα νυκτὸσ ἀνάγεται ἀπὸ Χαλκίδοσ τῆσ ἐπὶ τῷ Εὐρίπῳ· καὶ προσχὼν ἑώθεν Κύθνῳ τῇ νήσῳ τὴν μὲν ἡμέραν αὐτοῦ αὐλίζεται, ὡσ σαφέστερόν τε διαπυθέσθαι τὰ περὶ τῶν δέκα νεῶν καὶ ἅμα ἐν νυκτὶ φοβερώτερον προσπεσεῖν τοῖσ Φοίνιξιν·

ὡσ δὲ ἔμαθε σαφῶσ τὸν Δατάμην ξὺν ταῖσ ναυσὶν ἐν Σίφνῳ ὁρμοῦντα, ἐπιπλεύσασ ἔτι νυκτὸσ ὑπ̓ αὐτὴν τὴν ἑώ καὶ ἀπροσδοκήτοισ ἐπιπεσὼν ὀκτὼ μὲν ναῦσ αὐτοῖσ ἀνδράσιν ἔλαβε, Δατάμησ δὲ μετὰ δυοῖν τριήροιν ἐν τῇ πρώτῃ προσμίξει τῶν ἅμα Πρωτέᾳ νεῶν ὑπεκφυγὼν ἀπεσώθη πρὸσ τὸ ἄλλο ναυτικόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 2

(아리아노스, Anabasis, book 2, chapter 2)

상위

목록

SEARCH

MENU NAVIGATION