헬라어 문장 검색 - Αρριαν́Αναβασί2́01́

(아리아노스, Anabasis, book 2, chapter 1)

ἐκ δὲ τούτου Μέμνων τοῦ τε ναυτικοῦ παντὸσ ἡγεμὼν ἐκ βασιλέωσ Δαρείου καθεστηκὼσ καὶ τῆσ παραλίου ξυμπάσησ, ὡσ ἐσ Μακεδονίαν τε καὶ τὴν Ἑλλάδα ἀποστρέψων τὸν πόλεμον, Χίον μὲν λαμβάνει προδοσίᾳ ἐνδοθεῖσαν, ἔνθεν δὲ ἐπὶ Λέσβου πλεύσασ, ὡσ οὐ προσεῖχον αὐτῷ οἱ Μιτυληναῖοι, τὰσ ἄλλασ πόλεισ τῆσ Λέσβου προσηγάγετο. ταύτασ δὲ παραστησάμενοσ καὶ προσχὼν τῇ Μιτυλήνῃ τὴν μὲν πόλιν χάρακι διπλῷ ἐκ θαλάσσησ ἐσ θάλασσαν ἀπετείχισε, στρατόπεδα δὲ πέντε ἐποικοδομησάμενοσ τῆσ γῆσ ἐκράτει οὐ χαλεπῶσ.

καὶ μέροσ μέν τι τῶν νεῶν τὸν λιμένα αὐτῶν ἐφύλασσε, τὰσ δὲ ἐπὶ τὴν ἄκραν τῆσ Λέσβου τὸ Σίγριον, ἵνα ἡ προσβολὴ μάλιστά ἐστι ταῖσ ἀπό τε Χίου καὶ ἀπὸ Γεραιστοῦ καὶ Μαλέασ ὁλκάσιν, ἀποστείλασ τὸν παράπλουν ἐν φυλακῇ εἶχεν, ὡσ μή τινα ὠφέλειαν κατὰ θάλασσαν γίγνεσθαι τοῖσ Μιτυληναίοισ. καὶ ἐν τούτῳ αὐτὸσ μὲν νόσῳ τελευτᾷ, καὶ εἴπερ τι ἄλλο καὶ τοῦτο ἐν τῷ τότε ἔβλαψε τὰ.

βασιλέωσ πράγματα. Αὐτοφραδάτησ δὲ καὶ Φαρνάβαζοσ ὁ Ἀρταβάζου, ὅτῳ καὶ ἐπέτρεψε τελευτῶν ὁ Μέμνων τὴν ἀδελφιδῷ αὑτοῦ ὄντι, οὗτοι τῇ πολιορκίᾳ οὐκ ἀρρώστωσ προσέκειντο. καὶ οἱ Μιτυληναῖοι τῆσ τε γῆσ εἰργόμενοι καὶ ἀπὸ θαλάσσησ πολλαῖσ ναυσὶν ἐφορμούσαισ φρουρούμενοι πέμψαντεσ παρὰ τὸν Φαρνάβαζον ὁμολογίασ ἐποιήσαντο, τοὺσ μὲν ξένουσ τοὺσ παῤ Ἀλεξάνδρου σφίσι κατὰ συμμαχίαν ἥκοντασ ἀπελθεῖν, Μιτυληναίουσ δὲ καθελεῖν μὲν τὰσ πρὸσ Ἀλέξανδρόν σφισι γενομένασ στήλασ, ξυμμάχουσ δὲ εἶναι Δαρείου κατὰ τὴν εἰρήνην τὴν ἐπ̓ Ἀνταλκίδου γενομένην πρὸσ βασιλέα Δαρεῖον, τοὺσ φυγάδασ δὲ αὐτῶν κατιέναι ἐπὶ τοῖσ ἡμίσεσι τῶν τότε ὄντων, ὅτε ἔφευγον.

ἐπὶ τούτοισ μὲν δὴ ἡ ξύμβασισ τοῖσ Μιτυληναίοισ πρὸσ τοὺσ Πέρσασ ξυνέβη.

Φαρνάβαζοσ δὲ καὶ Αὐτοφραδάτησ, ὡσ παρῆλθον ἅπαξ εἴσω τῆσ πόλεωσ, φρουράν τε ἐσ αὐτὴν εἰσήγαγον καὶ φρούραρχον ἐπ̓ αὐτῇ Λυκομήδην Ῥόδιον, καὶ τύραννον ἐγκατέστησαν τῇ πόλει Διογένην, ἕνα τῶν φυγάδων, χρήματά τε εἰσέπραξαν τοὺσ Μιτυληναίουσ τὰ μὲν βίᾳ ἀφελόμενοι τοὺσ ἔχοντασ, τὰ δὲ ἐσ τὸ κοινὸν ἐπιβαλόντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 2, chapter 1

(아리아노스, Anabasis, book 2, chapter 1)

상위

목록

SEARCH

MENU NAVIGATION