Aristophanes, Wasps, Episode 1:

(아리스토파네스, Wasps, Episode 1:)

ἰδού. θεῶ τὸ σχῆμα, καὶ σκέψαι μ’ ὅτῳ μάλιστ’ ἐοίκα τὴν βάδισιν τῶν πλουσίων. ὅτῳ; Δοθιῆνι σκόροδον ἠμφιεσμένῳ. καὶ μὴν προθυμοῦμαί γε σαυλοπρωκτιᾶν. ἄγε νυν, ἐπιστήσει λόγουσ σεμνοὺσ λέγειν ἀνδρῶν παρόντων πολυμαθῶν καὶ δεξιῶν; ἔγωγε. τίνα δῆτ’ ἂν λέγοισ; πολλοὺσ πάνυ. πρῶτον μὲν ὡσ ἡ Λάμι’ ἁλοῦσ’ ἐπέρδετο, ἔπειτα δ’ ὡσ ὁ Καρδοπίων τὴν μητέρα. μή ’μοί γε μύθουσ, ἀλλὰ τῶν ἀνθρωπίνων, οἱούσ λέγομεν μάλιστα τοὺσ κατ’ οἰκίαν. ἐγᾦδα τοίνυν τῶν γε πάνυ κατ’ οἰκίαν ἐκεῖνον ὡσ οὕτω ποτ’ ἦν μῦσ καὶ γαλῆ. ὦ σκαιὲ κἀπαίδευτε, Θεογένησ ἔφη τῷ κοπρολόγῳ καὶ ταῦτα λοιδορούμενοσ, μῦσ καὶ γαλᾶσ μέλλεισ λέγειν ἐν ἀνδράσιν; ποίουσ τινὰσ δὲ χρὴ λέγειν; μεγαλοπρεπεῖσ, ὡσ ξυνεθεώρεισ Ἀνδροκλεῖ καὶ Κλεισθένει. ἐγὼ δὲ τεθεώρηκα ποώποτ’ οὐδαμοῖ πλὴν ἐσ Πάρον, καὶ ταῦτα δὔ ὀβολὼ φέρων. ἀλλ’ οὖν λέγειν χρή σ’ ὡσ ἐμάχετό γ’ αὐτίκα Ἐφουδίων παγκράτιον Ἀσκώνδᾳ καλῶσ, ἤδη γέρων ὢν καὶ πολιόσ, ἔχων δέ τοι πλευρὰν βαθυτάτην καὶ χέρασ καὶ λαγόνα καὶ θώρακ’ ἄριστον. παῦε παῦ’, οὐδὲν λέγεισ. πῶσ ἂν μαχέσαιτο παγκράτιον θώρακ’ ἔχων; οὕτω διηγεῖσθαι νομίζουσ’ οἱ σοφοί. ἀλλ’ ἕτερον εἰπέ μοι· παρ’ ἀνδράσι ξένοισ πίνων σεαυτοῦ ποῖον ἂν λέξαι δοκεῖσ ἐπὶ νεότητοσ ἔργον ἀνδρικώτατον; ἐκεῖν’ ἐκεῖν’ ἀνδρειότατόν γε τῶν ἐμῶν, ὅτ’ Ἐργασίωνοσ τὰσ χάρακασ ὑφειλόμην. ἀπολεῖσ με. ποίασ χάρακασ; ἀλλ’ ὡσ ἢ κάπρον ἐδιώκαθέσ ποτ’ ἢ λαγών, ἢ λαμπάδα ἔδραμεσ, ἀνευρὼν ὅ τι νεανικώτατον. ἐγᾦδα τοίνυν τό γε νεανικώτατον· ὅτε τὸν δρομέα Φάυλλον ὢν βούπαισ ἔτι εἶλον διώκων λοιδορίασ ψήφοιν δυοῖν. παὖ· ἀλλὰ δευρὶ κατακλινεὶσ προσμάνθανε ξυμποτικὸσ εἶναι καὶ ξυνουσιαστικόσ. πῶσ οὖν κατακλινῶ; φράζ’ ἀνύσασ. εὐσχημόνωσ. ὡδὶ κελεύεισ κατακλινῆναι; μηδαμῶσ. πῶσ δαί; τὰ γόνατ’ ἔκτεινε καὶ γυμναστικῶσ ὑγρὸν χύτλασον σεαυτὸν ἐν τοῖσ στρώμασιν. ἔπειτ’ ἐπαίνεσόν τι τῶν χαλκωμάτων, ὀροφὴν θέασαι, κρεκάδι’ αὐλῆσ θαύμασον· ὕδωρ κατὰ χειρόσ· τὰσ τραπέζασ ἐσφέρειν· δειπνοῦμεν· ἀπονενίμμεθ’· ἤδη σπένδομεν. πρὸσ τῶν θεῶν ἐνύπνιον ἑστιώμεθα; αὑλητρὶσ ἐνεφύσησεν· οἱ δὲ συμπόται εἰσὶν Θέωροσ Αἰσχίνησ Φᾶνοσ Κλέων, ξένοσ τισ ἕτεροσ πρὸσ κεφαλῆσ Ἀκέστοροσ. τούτοισ ξυνὼν τὰ σκόλι’ ὅπωσ δέξει καλῶσ. ἄληθεσ; ὡσ οὐδεὶσ Διακρίων δέξεται.

상위

Wasps

목록

일치하는 문장이 없습니다.

SEARCH

MENU NAVIGATION