Aristophanes, Wasps, Episode, lyric

(아리스토파네스, Wasps, Episode, lyric)

πολλὰ δὴ διεκόμπασασ σὺ κἀγώ. τουτὶ μὲν ἐπιεικῶσ σύ γ’ ἐξεπίστασαι· ὅπωσ δ’ ἐπὶ δεῖπνον ἐσ Φιλοκτήμονοσ ἴμεν. παῖ παῖ, τὸ δεῖπνον Χρυσὲ συσκεύαζε νῷν, ἵνα καὶ μεθυσθῶμεν διὰ χρόνου. μηδαμῶσ. κακὸν τὸ πίνειν· ἀπὸ γὰρ οἴνου γίγνεται καὶ θυροκοπῆσαι καὶ πατάξαι καὶ βαλεῖν, κἄπειτ’ ἀποτίνειν ἀργύριον ἐκ κραιπάλησ. οὔκ, ἢν ξυνῇσ γ’ ἀνδράσι καλοῖσ τε κἀγαθοῖσ. ἢ γὰρ παρῃτήσαντο τὸν πεπονθότα, ἢ λόγον ἔλεξασ αὐτὸσ ἀστεῖόν τινα, Αἰσωπικὸν γέλοιον ἢ Συβαριτικόν, ὧν ἔμαθεσ ἐν τῷ συμποσίῳ· κᾆτ’ ἐσ γέλων τὸ πρᾶγμ’ ἔτρεψασ, ὥστ’ ἀφείσ σ’ ἀποιχεται. μαθητέον τἄρ’ ἐστὶ πολλοὺσ τῶν λόγων, εἴπερ ἀποτείσω μηδέν, ἤν τι δρῶ κακόν. ἄγε νυν ἰώμεν· μηδὲν ἡμᾶσ ἰσχέτω.

상위

Wasps

목록

일치하는 문장이 없습니다.

SEARCH

MENU NAVIGATION