헬라어 문장 검색 - ΑριστοπήΩασπσ́11́00́1́

(아리스토파네스, Wasps, Episode 1:)

ἰδού. θεῶ τὸ σχῆμα, καὶ σκέψαι μ’ ὅτῳ μάλιστ’ ἐοίκα τὴν βάδισιν τῶν πλουσίων. ὅτῳ; Δοθιῆνι σκόροδον ἠμφιεσμένῳ. καὶ μὴν προθυμοῦμαί γε σαυλοπρωκτιᾶν. ἄγε νυν, ἐπιστήσει λόγουσ σεμνοὺσ λέγειν ἀνδρῶν παρόντων πολυμαθῶν καὶ δεξιῶν; ἔγωγε. τίνα δῆτ’ ἂν λέγοισ; πολλοὺσ πάνυ. πρῶτον μὲν ὡσ ἡ Λάμι’ ἁλοῦσ’ ἐπέρδετο, ἔπειτα δ’ ὡσ ὁ Καρδοπίων τὴν μητέρα. μή ’μοί γε μύθουσ, ἀλλὰ τῶν ἀνθρωπίνων, οἱούσ λέγομεν μάλιστα τοὺσ κατ’ οἰκίαν. ἐγᾦδα τοίνυν τῶν γε πάνυ κατ’ οἰκίαν ἐκεῖνον ὡσ οὕτω ποτ’ ἦν μῦσ καὶ γαλῆ. ὦ σκαιὲ κἀπαίδευτε, Θεογένησ ἔφη τῷ κοπρολόγῳ καὶ ταῦτα λοιδορούμενοσ, μῦσ καὶ γαλᾶσ μέλλεισ λέγειν ἐν ἀνδράσιν; ποίουσ τινὰσ δὲ χρὴ λέγειν; μεγαλοπρεπεῖσ, ὡσ ξυνεθεώρεισ Ἀνδροκλεῖ καὶ Κλεισθένει. ἐγὼ δὲ τεθεώρηκα ποώποτ’ οὐδαμοῖ πλὴν ἐσ Πάρον, καὶ ταῦτα δὔ ὀβολὼ φέρων. ἀλλ’ οὖν λέγειν χρή σ’ ὡσ ἐμάχετό γ’ αὐτίκα Ἐφουδίων παγκράτιον Ἀσκώνδᾳ καλῶσ, ἤδη γέρων ὢν καὶ πολιόσ, ἔχων δέ τοι πλευρὰν βαθυτάτην καὶ χέρασ καὶ λαγόνα καὶ θώρακ’ ἄριστον. παῦε παῦ’, οὐδὲν λέγεισ. πῶσ ἂν μαχέσαιτο παγκράτιον θώρακ’ ἔχων; οὕτω διηγεῖσθαι νομίζουσ’ οἱ σοφοί. ἀλλ’ ἕτερον εἰπέ μοι· παρ’ ἀνδράσι ξένοισ πίνων σεαυτοῦ ποῖον ἂν λέξαι δοκεῖσ ἐπὶ νεότητοσ ἔργον ἀνδρικώτατον; ἐκεῖν’ ἐκεῖν’ ἀνδρειότατόν γε τῶν ἐμῶν, ὅτ’ Ἐργασίωνοσ τὰσ χάρακασ ὑφειλόμην. ἀπολεῖσ με. ποίασ χάρακασ; ἀλλ’ ὡσ ἢ κάπρον ἐδιώκαθέσ ποτ’ ἢ λαγών, ἢ λαμπάδα ἔδραμεσ, ἀνευρὼν ὅ τι νεανικώτατον. ἐγᾦδα τοίνυν τό γε νεανικώτατον· ὅτε τὸν δρομέα Φάυλλον ὢν βούπαισ ἔτι εἶλον διώκων λοιδορίασ ψήφοιν δυοῖν. παὖ· ἀλλὰ δευρὶ κατακλινεὶσ προσμάνθανε ξυμποτικὸσ εἶναι καὶ ξυνουσιαστικόσ. πῶσ οὖν κατακλινῶ; φράζ’ ἀνύσασ. εὐσχημόνωσ. ὡδὶ κελεύεισ κατακλινῆναι; μηδαμῶσ. πῶσ δαί; τὰ γόνατ’ ἔκτεινε καὶ γυμναστικῶσ ὑγρὸν χύτλασον σεαυτὸν ἐν τοῖσ στρώμασιν. ἔπειτ’ ἐπαίνεσόν τι τῶν χαλκωμάτων, ὀροφὴν θέασαι, κρεκάδι’ αὐλῆσ θαύμασον· ὕδωρ κατὰ χειρόσ· τὰσ τραπέζασ ἐσφέρειν· δειπνοῦμεν· ἀπονενίμμεθ’· ἤδη σπένδομεν. πρὸσ τῶν θεῶν ἐνύπνιον ἑστιώμεθα; αὑλητρὶσ ἐνεφύσησεν· οἱ δὲ συμπόται εἰσὶν Θέωροσ Αἰσχίνησ Φᾶνοσ Κλέων, ξένοσ τισ ἕτεροσ πρὸσ κεφαλῆσ Ἀκέστοροσ. τούτοισ ξυνὼν τὰ σκόλι’ ὅπωσ δέξει καλῶσ. ἄληθεσ; ὡσ οὐδεὶσ Διακρίων δέξεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Wasps, Episode 1:

(아리스토파네스, Wasps, Episode 1:)

상위

목록

SEARCH

MENU NAVIGATION