헬라어 문장 검색 - ΑριστοπήΩασπσ́11́00́0́

(아리스토파네스, Wasps, Episode)

οὔτοι ποτὲ ζῶν τοῦτον ἀποδυθήσομαι, ἐπεὶ μόνοσ μ’ ἔσωσε παρατεταγμένον, ὅθ’ ὁ βορέασ ὁ μέγασ ἐπεστρατεύσατο. ἀγαθὸν ἐοίκασ οὐδὲν ἐπιθυμεῖν παθεῖν. μὰ τὸν Δί’ οὐ γὰρ οὐδαμῶσ μοι ξύμφορον. καὶ γὰρ πρότερον ἐπανθρακίδων ἐμπλήμενοσ ἀπέδωκ’ ὀφείλων τῷ κναφεῖ τριώβολον. ἀλλ’ οὖν πεπειράσθω γ’, ἐπειδήπερ γ’ ἅπαξ ἐμοὶ σεαυτὸν παραδέδωκασ εὖ ποιεῖν. τί οὖν κελεύεισ δρᾶν με; τὸν τρίβων’ ἄφεσ, τηνδὶ δὲ χλαῖναν ἀναβαλοῦ τριβωνικῶσ. ἔπειτα παῖδασ χρὴ φυτεύειν καὶ τρέφειν, ὅθ’ οὑτοσί με νῦν ἀποπνῖξαι βούλεται; ἔχ’ ἀναβαλοῦ τηνδὶ λαβὼν καὶ μὴ λάλει. τουτὶ τὸ κακὸν τί ἐστι πρὸσ πάντων θεῶν; οἱ μὲν καλοῦσι Περσίδ’ οἱ δὲ καυνάκην. ἐγὼ δὲ σισύραν ᾠόμην Θυμαιτίδα. κοὐ θαῦμά γ’· ἐσ Σάρδεισ γὰρ οὐκ ἐλήλυθασ. ἔγνωσ γὰρ ἄν· νῦν δ’ οὐχὶ γιγνώσκεισ. ἐγώ; μὰ τὸν Δί’ οὐ τοίνυν· ἀτὰρ δοκεῖ γέ μοι ἐοικέναι μάλιστα Μορύχου σάγματι. οὔκ, ἀλλ’ ἐν Ἐκβατάνοισι ταῦθ’ ὑφαίνεται. ἐν Ἐκβατάνοισι γίγνεται κρόκησ χόλιξ; πόθεν ὦγάθ’; ἀλλὰ τοῦτο τοῖσι βαρβάροισ ὑφαίνεται πολλαῖσ δαπάναισ. αὕτη γέ τοι ἐρίων τάλαντον καταπέπωκε ῥᾳδίωσ. οὔκουν ἐριώλην δῆτ’ ἐχρῆν αὐτὴν καλεῖν δικαιότερον ἢ καυνάκην; ἔχ’ ὦγαθέ, καὶ στῆθ’ ἀναμπισχόμενοσ. οἴμοι δείλαιοσ· ὡσ θερμὸν ἡ μιαρά τί μου κατήρυγεν. οὐκ ἀναβαλεῖ; μὰ Δί’ οὐκ ἔγωγ’. ἀλλ’ ὦγαθέ, εἴπερ γ’ ἀνάγκη, κρίβανόν μ’ ἀμπίσχετε. φέρ’ ἀλλ’ ἐγώ σε περιβαλῶ· σὺ δ’ οὖν ἴθι. παράθου γε μέντοι καὶ κρεάγραν. τιὴ τί δή; ἵν’ ἐξέλῃσ με πρὶν διερρυηκέναι. ἄγε νυν ὑπολύου τὰσ καταράτουσ ἐμβάδασ, τασδὶ δ’ ἀνύσασ ὑπόδυθι τὰσ Λακωνικάσ. ἐγὼ γὰρ ἂν τλαίην ὑποδήσασθαί ποτε ἐχθρῶν παρ’ ἀνδρῶν δυσμενῆ καττύματα; ἔνθεσ ποτ’ ὦ τᾶν κἀπόβαιν’ ἐρρωμένωσ ἐσ τὴν Λακωνικὴν ἀνύσασ. ἀκικεῖσ γέ με ἐσ τὴν πολεμίαν ἀποβιβάζων τὸν πόδα. φέρε καὶ τὸν ἕτερον. μηδαμῶσ τοῦτόν γ’, ἐπεὶ πάνυ μισολάκων αὐτοῦ ’στιν εἷσ τῶν δακτύλων. οὐκ ἔστι παρὰ ταῦτ’ ἄλλα. κακοδαίμων ἐγώ, ὅστισ ἐπὶ γήρωσ χίμετλον οὐδὲν λήψομαι. ἄνυσόν ποθ’ ὑποδησάμενοσ· εἶτα πλουσίωσ ὡδὶ προβὰσ τρυφερόν τι διασαλακώνισον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Wasps, Episode

(아리스토파네스, Wasps, Episode)

상위

목록

SEARCH

MENU NAVIGATION