Aristophanes, Wasps, Agon, antepirrheme

(아리스토파네스, Wasps, Agon, antepirrheme)

χαλεπὸν μὲν καὶ δεινῆσ γνώμησ καὶ μείζονοσ ἢ ’πὶ τρυγῳδοῖσ ἰάσασθαι νόσον ἀρχαίαν ἐν τῇ πόλει ἐντετοκυῖαν. ἀτὰρ ὦ πάτερ ἡμέτερε Κρονίδη ‐ παῦσαι καὶ μὴ πατέριζε. εἰ μὴ γὰρ ὅπωσ δουλεύω ’γώ, τουτὶ ταχέωσ με διδάξεισ, οὐκ ἔστιν ὅπωσ οὐχὶ τεθνήξεισ, κἂν χρῇ σπλάγχνων μ’ ἀπέχεσθαι. ἀκρόασαί νυν ὦ παππίδιον χαλάσασ ὀλίγον τὸ μέτωπον· καὶ πρῶτον μὲν λόγισαι φαύλωσ, μὴ ψήφοισ ἀλλ’ ἀπὸ χειρόσ, τὸν φόρον ἡμῖν ἀπὸ τῶν πόλεων συλλήβδην τὸν προσιόντα· κἄξω τούτου τὰ τέλη χωρὶσ καὶ τὰσ πολλὰσ ἑκατοστάσ, πρυτανεῖα μέταλλ’ ἀγορὰσ λιμένασ μεσθοὺσ καὶ δημιόπρατα. τούτων πλήρωμα τάλαντ’ ἐγγὺσ δισχίλια γίγνεται ἡμῖν. ἀπὸ τούτου νυν κατάθεσ μισθὸν τοῖσι δικασταῖσ ἐνιαυτοῦ ἓξ χιλιάσιν, κοὔπω πλείουσ ἐν τῇ χώρᾳ κατένασθεν, γίγνεται ἡμῖν ἑκατὸν δήπου καὶ πεντήκοντα τάλαντα. οὐδ’ ἡ δεκάτη τῶν προσιόντων ἡμῖν ἄρ’ ἐγίγνεθ’ ὁ μισθόσ. μὰ Δί’ οὐ μέντοι. καὶ ποῖ τρέπεται δὴ ’πειτα τὰ χρήματα τἄλλα; ἐσ τούτουσ τοὺσ οὐχὶ προδώσω τὸν Ἀθηναίων κολοσυρτόν, ἀλλὰ μαχοῦμαι περὶ τοῦ πλήθουσ ἀεί. σὺ γὰρ ὦ πάτερ αὐτοὺσ ἄρχειν αἱρεῖ σαυτοῦ τούτοισ τοῖσ ῥηματίοισ περιπεφθείσ. κᾆθ’ οὗτοι μὲν δωροδοκοῦσιν κατὰ πεντήκοντα τάλαντα ἀπὸ τῶν πόλεων ἐπαπειλοῦντεσ τοιαυτὶ κἀναφοβοῦντεσ, δώσετε τὸν φόρον, ἢ βροντήσασ τὴν πόλιν ὑμῶν ἀνατρέψω. σὺ δὲ τῆσ ἀρχῆσ ἀγαπᾷσ τῆσ σῆσ τοὺσ ἀργελόφουσ περιτρώγων. οἱ δὲ ξύμμαχοι ὡσ ᾔσθηνται τὸν μὲν σύρφακα τὸν ἄλλον ἐκ κηθαρίον λαγαριζόμενον καὶ τραγαλιζοντα τὸ μηδέν, σὲ μὲν ἡγοῦνται Κόννου ψῆφον, τούτοισι δὲ δωροφοροῦσιν ὑρ́χασ οἶνον δάπιδασ τυρὸν μέλι σήσαμα προσκεφάλαια φιάλασ χλανίδασ στεφάνουσ ὁρ́μουσ ἐκπώματα πλουθυγιείαν· σοὶ δ’ ὧν ἄρχεισ, πολλὰ μὲν ἐν γῇ πολλὰ δ’ ἐφ’ ὑγρᾷ πιτυλεύσασ, οὐδεὶσ οὐδὲ σκορόδου κεφαλὴν τοῖσ ἑψητοῖσι δίδωσιν. μὰ Δί’ ἀλλὰ παρ’ Εὐχαρίδου καὐτὸσ τρεῖσ γ’ ἄγλιθασ μετέπεμψα. ἀλλ’ αὐτήν μοι τὴν δουλείαν οὐκ ἀποφαίνων ἀποκναίεισ. οὐ γὰρ μεγάλη δουλεία ’στὶν τούτουσ μὲν ἅπαντασ ἐν ἀρχαῖσ αὐτούσ τ’ εἶναι καὶ τοὺσ κόλακασ τοὺσ τούτων μισθοφοροῦντασ; σοὶ δ’ ἤν τισ δῷ τοὺσ τρεῖσ ὀβολούσ, ἀγαπᾷσ· οὓσ αὐτὸσ ἐλαύνων καὶ πεζομαχῶν καὶ πολιορκῶν ἐκτήσω πολλὰ πονήτασ. καὶ πρὸσ τούτοισ ἐπιταττόμενοσ φοιτᾷσ, ὃ μάλιστά μ’ ἀπάγχει, ὅταν εἰσελθὸν μειράκιόν σοι κατάπυγον, Χαιρέου υἱόσ, ὡδὶ διαβὰσ διακινηθεὶσ τῷ σώματι καὶ τρυφερανθείσ, ἥκειν εἴπῃ πρῲ κἀν ὡρ́ᾳ δικάσονθ’, ὡσ ὅστισ ἂν ὑμῶν ὕστεροσ ἔλθῃ τοῦ σημείου, τὸ τριώβολον οὐ κομιεῖται· αὐτὸσ δὲ φέρει τὸ συνηγορικὸν δραχμήν, κἂν ὕστεροσ ἔλθῃ· καὶ κοινωνῶν τῶν ἀρχόντων ἑτέρῳ τινὶ τῶν μεθ’ ἑαυτοῦ, ἤν τίσ τι διδῷ τῶν φευγόντων, ξυνθέντε τὸ πρᾶγμα δύ’ ὄντε ἐσπουδάκατον, κᾆθ’ ὡσ πρίονθ’ ὁ μὲν ἕλκει ὁ δ’ ἀντενέδωκε· σὺ δὲ χασκάζεισ τὸν κωλακρέτην, τὸ δὲ πραττόμενόν σε λέληθεν.

일치하는 문장이 없습니다.

SEARCH

MENU NAVIGATION