Aristophanes, Thesmophoriazusae, Episode

(아리스토파네스, Thesmophoriazusae, Episode)

ἰλλὸσ γεγένημαι προσδοκῶν· ὁ δ’ οὐδέπω. τί δῆτ’ ἂν εἰή τοὐμποδών; οὐκ ἔσθ’ ὅπωσ οὐ τὸν Παλαμήδην ψυχρὸν ὄντ’ αἰσχύνεται. τῷ δῆτ’ ἂν αὐτὸν προσαγαγοίμην δράματι; ἐγᾦδα· τὴν καινὴν Ἑλένην μιμήσομαι. πάντωσ ὑπάρχει μοι γυναικεία στολή. τί αὖ σὺ κυρκανᾷσ; τί κοικύλλεισ ἔχων; πικρὰν Ἑλένην ὄψει τάχ’, εἰ μὴ κοσμίωσ ἕξεισ, ἑώσ ἂν τῶν πρυτάνεών τισ φανῇ. Νείλου μὲν αἵδε καλλιπάρθενοι ῥοαί, ὃσ ἀντὶ δίασ ψακάδοσ Αἰγύπτου πέδον λευκῆσ νοτίζει μελανοσυρμαῖον λεών. πανοῦργοσ εἶ νὴ τὴν Ἑκάτην τὴν φωσφόρον. ἐμοὶ δὲ γῆ μὲν πατρὶσ οὐκ ἀνώνυμοσ Σπάρτη, πατὴρ δὲ Τυνδάρεωσ. σοί γ’ ὦλεθρε πατὴρ ἐκεῖνόσ ἐστι; Φρυνώνδασ μὲν οὖν. Ἑλένη δ’ ἐκλήθην. αὖθισ αὖ γίγνει γυνή, πρὶν τῆσ ἑτέρασ δοῦναι γυναικίσεωσ δίκην; ψυχαὶ δὲ πολλαὶ δι’ ἔμ’ ἐπὶ Σκαμανδρίαισ ῥοαῖσιν ἔθανον. ὤφελεσ δὲ καὶ σύ γε. κἀγὼ μὲν ἐνθάδ’ εἴμ’· ὁ δ’ ἄθλιοσ πόσισ οὑμὸσ Μενέλαοσ οὐδέπω προσέρχεται. τί οὖν ἔτι ζῶ; τῶν κοράκων πονηρίᾳ. ἀλλ’ ὥσπερ αἰκάλλει τι καρδίαν ἐμήν. μὴ ψεῦσον ὦ Ζεῦ τῆσ ἐπιούσησ ἐλπίδοσ. τίσ τῶνδ’ ἐρυμνῶν δωμάτων ἔχει κράτοσ, ὅστισ ξένουσ δέξαιτο ποντίῳ σάλῳ κάμνοντασ ἐν χειμῶνι καὶ ναυαγίαισ; Πρωτέωσ τάδ’ ἐστὶ μέλαθρα. ποίου Πρωτέωσ; ὦ τρισκακόδαιμον, ψεύδεται νὴ τὼ θεώ, ἐπεὶ τέθνηκε Πρωτέασ ἔτη δέκα. ποίαν δὲ χώραν εἰσεκέλσαμεν σκάφει; Αἴγυπτον. ὦ δύστηνοσ οἷ πεπλώκαμεν. πείθει τι <τούτῳ> τῷ κακῶσ ἀπολουμένῳ ληροῦντι λῆρον; Θεσμοφορεῖον τουτογί. αὐτὸσ δὲ Πρωτεὺσ ἔνδον ἔστ’ ἢ ’ξώπιοσ; οὐκ ἔσθ’ ὅπωσ οὐ ναυτιᾷσ ἔτ’ ὦ ξένε, ὅστισ <γ’> ἀκούσασ ὅτι τέθνηκε Πρωτέασ ἔπειτ’ ἐρωτᾷσ ἔνδον ἔστ’ ἢ ’ξώπιοσ; αἰαῖ τέθνηκε. ποῦ δ’ ἐτυμβεύθη τάφῳ; τόδ’ ἐστὶν αὐτοῦ σῆμ’, ἐφ’ ᾧ καθήμεθα. κακῶσ τ’ ἄρ’ ἐξόλοιο κἀξολεῖ γέ τοι, ὅστισ γε τολμᾷσ σῆμα τὸν βωμὸν καλεῖν. τί δὴ σὺ θάσσεισ τάσδε τυμβήρεισ ἕδρασ φάρει καλυπτὸσ ὦ ξένη; βιάζομαι γάμοισι Πρωτέωσ παιδὶ συμμεῖξαι λέχοσ. τί ὦ κακόδαιμον ἐξαπατᾷσ αὖ τὸν ξένον; οὗτοσ πανουργῶν δεῦρ’ ἀνῆλθεν ὦ ξένε ὡσ τὰσ γυναῖκασ ἐπὶ κλοπῇ τοῦ χρυσίου. βάυζε τοὐμὸν σῶμα βάλλουσα ψόγῳ. ξένη τίσ ἡ γραῦσ ἡ κακορροθοῦσά σε; αὕτη Θεονόη Πρωτέωσ. μὰ τὼ θεὼ εἰ μὴ Κρίτυλλά γ’ Ἀντιθέου Γαργηττόθεν· σὺ δ’ εἶ πανοῦργοσ. ὁπόσα τοι βούλει λέγε. οὐ γὰρ γαμοῦμαι σῷ κασιγνήτῳ ποτὲ προδοῦσα Μενέλεων τὸν ἐμὸν ἐν Τροίᾳ πόσιν.

일치하는 문장이 없습니다.

SEARCH

MENU NAVIGATION