헬라어 문장 검색 - ΑριστοπήΤηεσμοπ́10́

(아리스토파네스, Thesmophoriazusae, Episode)

ἰλλὸσ γεγένημαι προσδοκῶν· ὁ δ’ οὐδέπω. τί δῆτ’ ἂν εἰή τοὐμποδών; οὐκ ἔσθ’ ὅπωσ οὐ τὸν Παλαμήδην ψυχρὸν ὄντ’ αἰσχύνεται. τῷ δῆτ’ ἂν αὐτὸν προσαγαγοίμην δράματι; ἐγᾦδα· τὴν καινὴν Ἑλένην μιμήσομαι. πάντωσ ὑπάρχει μοι γυναικεία στολή. τί αὖ σὺ κυρκανᾷσ; τί κοικύλλεισ ἔχων; πικρὰν Ἑλένην ὄψει τάχ’, εἰ μὴ κοσμίωσ ἕξεισ, ἑώσ ἂν τῶν πρυτάνεών τισ φανῇ. Νείλου μὲν αἵδε καλλιπάρθενοι ῥοαί, ὃσ ἀντὶ δίασ ψακάδοσ Αἰγύπτου πέδον λευκῆσ νοτίζει μελανοσυρμαῖον λεών. πανοῦργοσ εἶ νὴ τὴν Ἑκάτην τὴν φωσφόρον. ἐμοὶ δὲ γῆ μὲν πατρὶσ οὐκ ἀνώνυμοσ Σπάρτη, πατὴρ δὲ Τυνδάρεωσ. σοί γ’ ὦλεθρε πατὴρ ἐκεῖνόσ ἐστι; Φρυνώνδασ μὲν οὖν. Ἑλένη δ’ ἐκλήθην. αὖθισ αὖ γίγνει γυνή, πρὶν τῆσ ἑτέρασ δοῦναι γυναικίσεωσ δίκην; ψυχαὶ δὲ πολλαὶ δι’ ἔμ’ ἐπὶ Σκαμανδρίαισ ῥοαῖσιν ἔθανον. ὤφελεσ δὲ καὶ σύ γε. κἀγὼ μὲν ἐνθάδ’ εἴμ’· ὁ δ’ ἄθλιοσ πόσισ οὑμὸσ Μενέλαοσ οὐδέπω προσέρχεται. τί οὖν ἔτι ζῶ; τῶν κοράκων πονηρίᾳ. ἀλλ’ ὥσπερ αἰκάλλει τι καρδίαν ἐμήν. μὴ ψεῦσον ὦ Ζεῦ τῆσ ἐπιούσησ ἐλπίδοσ. τίσ τῶνδ’ ἐρυμνῶν δωμάτων ἔχει κράτοσ, ὅστισ ξένουσ δέξαιτο ποντίῳ σάλῳ κάμνοντασ ἐν χειμῶνι καὶ ναυαγίαισ; Πρωτέωσ τάδ’ ἐστὶ μέλαθρα. ποίου Πρωτέωσ; ὦ τρισκακόδαιμον, ψεύδεται νὴ τὼ θεώ, ἐπεὶ τέθνηκε Πρωτέασ ἔτη δέκα. ποίαν δὲ χώραν εἰσεκέλσαμεν σκάφει; Αἴγυπτον. ὦ δύστηνοσ οἷ πεπλώκαμεν. πείθει τι <τούτῳ> τῷ κακῶσ ἀπολουμένῳ ληροῦντι λῆρον; Θεσμοφορεῖον τουτογί. αὐτὸσ δὲ Πρωτεὺσ ἔνδον ἔστ’ ἢ ’ξώπιοσ; οὐκ ἔσθ’ ὅπωσ οὐ ναυτιᾷσ ἔτ’ ὦ ξένε, ὅστισ <γ’> ἀκούσασ ὅτι τέθνηκε Πρωτέασ ἔπειτ’ ἐρωτᾷσ ἔνδον ἔστ’ ἢ ’ξώπιοσ; αἰαῖ τέθνηκε. ποῦ δ’ ἐτυμβεύθη τάφῳ; τόδ’ ἐστὶν αὐτοῦ σῆμ’, ἐφ’ ᾧ καθήμεθα. κακῶσ τ’ ἄρ’ ἐξόλοιο κἀξολεῖ γέ τοι, ὅστισ γε τολμᾷσ σῆμα τὸν βωμὸν καλεῖν. τί δὴ σὺ θάσσεισ τάσδε τυμβήρεισ ἕδρασ φάρει καλυπτὸσ ὦ ξένη; βιάζομαι γάμοισι Πρωτέωσ παιδὶ συμμεῖξαι λέχοσ. τί ὦ κακόδαιμον ἐξαπατᾷσ αὖ τὸν ξένον; οὗτοσ πανουργῶν δεῦρ’ ἀνῆλθεν ὦ ξένε ὡσ τὰσ γυναῖκασ ἐπὶ κλοπῇ τοῦ χρυσίου. βάυζε τοὐμὸν σῶμα βάλλουσα ψόγῳ. ξένη τίσ ἡ γραῦσ ἡ κακορροθοῦσά σε; αὕτη Θεονόη Πρωτέωσ. μὰ τὼ θεὼ εἰ μὴ Κρίτυλλά γ’ Ἀντιθέου Γαργηττόθεν· σὺ δ’ εἶ πανοῦργοσ. ὁπόσα τοι βούλει λέγε. οὐ γὰρ γαμοῦμαι σῷ κασιγνήτῳ ποτὲ προδοῦσα Μενέλεων τὸν ἐμὸν ἐν Τροίᾳ πόσιν. γύναι τί εἶπασ; στρέψον ἀνταυγεῖσ κόρασ. αἰσχύνομαί σε τὰσ γνάθουσ ὑβρισμένη. τουτὶ τί ἔστιν; ἀφασία τίσ τοί μ’ ἔχει. ὦ θεοὶ τίν’ ὄψιν εἰσορῶ; τίσ εἶ γύναι; σὺ δ’ εἶ τίσ; αὑτὸσ γὰρ σὲ κἄμ’ ἔχει λόγοσ. Ἑλληνὶσ εἶ τισ ἢ ’πιχωρία γυνή; Ἑλληνίσ. ἀλλὰ καὶ τὸ σὸν θέλω μαθεῖν. Ἑλένῃ σ’ ὁμοίαν δὴ μάλιστ’ εἶδον γύναι. ἐγὼ δὲ Μενελάῳ σ’ ὅσα γ’ ἐκ τῶν ἰφύων. ἔγνωσ ἄρ’ ὀρθῶσ ἄνδρα δυστυχέστατον. ὦ χρόνιοσ ἐλθὼν σῆσ δάμαρτοσ ἐσχάρασ λαβέ με λαβέ με πόσι, περίβαλε δὲ χέρασ. φέρε σὲ κύσω. ἄπαγέ μ’ ἄπαγ’ ἄπαγέ με λαβὼν ταχὺ πάνυ. κλαύσετ’ ἄρα νὴ τὼ θεὼ ὅστισ σ’ ἀπάξει τυπτόμενοσ τῇ λαμπάδι. σὺ τὴν ἐμὴν γυναῖκα κωλύεισ ἐμέ, τὴν Τυνδάρειον παῖδ’, ἐπὶ Σπάρτην ἄγειν; οἴμ’ ὡσ πανοῦργοσ καὐτὸσ εἶναί μοι δοκεῖσ καὶ τοῦδέ τισ ξύμβουλοσ. οὐκ ἐτὸσ πάλαι ᾐγυπτιάζετ’. ἀλλ’ ὅδε μὲν δώσει δίκην. προσέρχεται γὰρ ὁ πρύτανισ χὠ τοξότησ. τουτὶ πονηρόν· ἀλλ’ ὑπαποκινητέον. ἐγὼ δ’ ὁ κακοδαίμων τί δρῶ; μέν’ ἥσυχοσ. οὐ γὰρ προδώσω σ’ οὐδέποτ’, ἤνπερ ἐμπνέω, ἢν μὴ προλίπωσ’ αἱ μυρίαι με μηχαναί. αὕτη μὲν ἡ μήρινθοσ οὐδὲν ἔσπασεν. ὅδ’ ἔσθ’ ὁ πανοῦργοσ ὃν ἔλεγ’ ἡμῖν Κλεισθένησ; οὗτοσ τί κύπτεισ; δῆσον αὐτὸν εἰσάγων ὦ τοξότ’ ἐν τῇ σανίδι, κἄπειτ’ ἐνθαδὶ στήσασ φύλαττε καὶ προσιέναι μηδένα ἐά πρὸσ αὐτόν, ἀλλὰ τὴν μάστιγ’ ἔχων παῖ’ ἢν προσίῃ τισ. νὴ Δί’ ὡσ νῦν δή γ’ ἀνὴρ ὀλίγου μ’ ἀφείλετ’ αὐτὸν ἱστιορράφοσ. ὦ πρύτανι πρὸσ τῆσ δεξιᾶσ, ἥνπερ φιλεῖσ κοίλην προτείνειν ἀργύριον ἤν τισ διδῷ, χάρισαι βραχύ τί μοι καίπερ ἀποθανουμένῳ. τί σοι χαρίσωμαι; γυμνὸν ἀποδύσαντά με κέλευε πρὸσ τῇ σανίδι δεῖν τὸν τοξότην, ἵνα μὴ ’ν κροκωτοῖσ καὶ μίτραισ γέρων ἀνὴρ γέλωτα παρέχω τοῖσ κόραξιν ἑστιῶν. ἔχοντα ταῦτ’ ἔδοξε τῇ βουλῇ σε δεῖν, ἵνα τοῖσ παριοῦσι δῆλοσ ᾖσ πανοῦργοσ ὤν. ἰαππαπαιάξ· ὦ κροκώθ’ οἷ’ εἴργασαι· κοὐκ ἔστ’ ἔτ’ ἐλπὶσ οὐδεμία σωτηρίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Thesmophoriazusae, Episode

(아리스토파네스, Thesmophoriazusae, Episode)

상위

목록

SEARCH

MENU NAVIGATION