Aristophanes, Thesmophoriazusae, Episode 1:

(아리스토파네스, Thesmophoriazusae, Episode 1:)

ἄπελθ’. ἐγὼ γὰρ βασανιῶ ταύτην καλῶσ ἐκ τῶν ἱερῶν τῶν πέρυσι· σὺ δ’ ἀπόστηθί μοι, ἵνα μὴ ’πακούσῃσ ὢν ἀνήρ. σὺ δ’ εἰπέ μοι ὅ τι πρῶτον ἡμῖν τῶν ἱερῶν ἐδείκνυτο. φέρ’ ἴδω, τί μέντοι πρῶτον ἦν; ἐπίνομεν. τί δὲ μετὰ τοῦτο δεύτερον; προὐπίνομεν. ταυτὶ μὲν ἤκουσάσ τινοσ· τί δαὶ τρίτον; σκάφιον Ξένυλλ’ ᾔτησεν· οὐ γὰρ ἦν ἀμίσ. οὐδὲν λέγεισ. δεῦρ’ ἐλθὲ δεῦρ’ ὦ Κλείσθενεσ· ὅδ’ ἐστὶν ἁνὴρ ὃν λέγεισ. τί οὖν ποιῶ; ἀπόδυσον αὐτόν· οὐδὲν ὑγιὲσ γὰρ λέγει. κἄπειτ’ ἀποδύσετ’ ἐννέα παίδων μητέρα; χάλα ταχέωσ τὸ στρόφιον ὦναίσχυντε σύ. ὡσ καὶ στιβαρά τισ φαίνεται καὶ καρτερά· καὶ νὴ Δία τιτθούσ γ’ ὥσπερ ἡμεῖσ οὐκ ἔχει. στερίφη γάρ εἰμι κοὐκ ἐκύησα πώποτε. νῦν· τότε δὲ μήτηρ ἦσθα παίδων ἐννέα. ἀνίστασ’ ὀρθόσ. ποῖ τὸ πέοσ ὠθεῖσ κάτω; τοδὶ διέκυψε καὶ μάλ’ εὔχρων ὦ τάλαν. καὶ ποῦ ’στιν; αὖθισ ἐσ τὸ πρόσθεν οἴχεται. οὐκ ἐνγεταυθί. μἀλλὰ δεῦρ’ ἥκει πάλιν. ἰσθμόν τιν’ ἔχεισ ὦνθρωπ’· ἄνω τε καὶ κάτω τὸ πέοσ διέλκεισ πυκνότερον Κορινθίων. ὦ μιαρὸσ οὗτοσ· ταῦτ’ ἄρ’ ὑπὲρ Εὐριπίδου ἡμῖν ἐλοιδορεῖτο. κακοδαίμων ἐγώ, εἰσ οἷ’ ἐμαυτὸν εἰσεκύλισα πράγματα. ἄγε δὴ τί δρῶμεν; τουτονὶ φυλάττετε καλῶσ, ὅπωσ μὴ διαφυγὼν οἰχήσεται· ἐγὼ δὲ ταῦτα τοῖσ πρυτάνεσιν ἀγγελῶ.

일치하는 문장이 없습니다.

SEARCH

MENU NAVIGATION