Aristophanes, Thesmophoriazusae, Prologue, iambics 2:

(아리스토파네스, Thesmophoriazusae, Prologue, iambics 2:)

ἰδού γε κλέπτειν· νὴ Δία βινεῖσθαι μὲν οὖν. ἀτὰρ ἡ πρόφασίσ γε νὴ Δί’ εἰκότωσ ἔχει. τί οὖν; ποιήσεισ ταῦτα; μὴ δόκει γε σύ. ὦ τρισκακοδαίμων ὡσ ἀπόλωλ’ Εὐριπίδησ. ὦ φίλτατ’ ὦ κηδεστὰ μὴ σαυτὸν προδῷσ. πῶσ οὖν ποιήσω δῆτα; τοῦτον μὲν μακρὰ κλάειν κέλευ’, ἐμοὶ δ’ ὅ τι βούλει χρῶ λαβών. ἄγε νυν ἐπειδὴ σαυτὸν ἐπιδίδωσ ἐμοί, ἀπόδυθι τουτὶ θοἰμάτιον. καὶ δὴ χαμαί. ἀτὰρ τί μέλλεισ δρᾶν μ’; ἀποξυρεῖν ταδί, τὰ κάτω δ’ ἀφεύειν. ἀλλὰ πρᾶττ’, εἴ σοι δοκεῖ. ἢ μὴ’ πιδοῦν’ ἐμαυτὸν ὤφελόν ποτε. Ἀγάθων σὺ μέντοι ξυροφορεῖσ ἑκάστοτε, χρῆσόν τί νυν ἡμῖν ξυρόν. αὐτὸσ λάμβανε ἐντεῦθεν ἐκ τῆσ ξυροδόκησ. γενναῖοσ εἶ. κάθιξε· φύσα τὴν γνάθον τὴν δεξιάν. ὤμοι. τί κέκραγασ; ἐμβαλῶ σοι πάτταλον, ἢν μὴ σιωπᾷσ. ἀτταταῖ ἰατταταῖ. οὗτοσ σὺ ποῖ θεῖσ; ἐσ τὸ τῶν σεμνῶν θεῶν· οὐ γὰρ μὰ τὴν Δήμητρά γ’ ἐνταυθοῖ μενῶ τεμνόμενοσ. οὔκουν καταγέλαστοσ δῆτ’ ἔσει τὴν ἡμίκραιραν τὴν ἑτέραν ψιλὴν ἔχων; ὀλίγον μέλει μοι. μηδαμῶσ πρὸσ τῶν θεῶν προδῷσ με· χώρει δεῦρο. κακοδαίμων ἐγώ. ἔχ’ ἀτρέμα σαυτὸν κἀνάκυπτε· ποῖ στρέφει; μυμῦ. τί μύξεισ; πάντα πεποίηται καλῶσ. οἴμοι κακοδαίμων, ψιλὸσ αὖ στρατεύσομαι. μὴ φροντίσῃ· ὡσ εὐπρεπὴσ φανεῖ πάνυ. βούλει θεᾶσθαι σαυτόν; εἰ δοκεῖ, φέρε. ὁρᾷσ σεαυτόν; οὐ μὰ Δί’ ἀλλὰ Κλεισθένη. ἀνίστασ’, ἵν’ ἀφεύσω σε, κἀγκύψασ ἔχε. οἴμοι κακοδαίμων δελφάκιον γενήσομαι. ἐνεγκάτω τισ ἔνδοθεν δᾷδ’ ἢ λύχνον. ἐπίκυπτε· τὴν κέρκον φυλάττου νυν ἄκραν. ἐμοὶ μελήσει νὴ Δία, πλήν γ’ ὅτι κάομαι. οἴμοι τάλασ. ὕδωρ ὕδωρ ὦ γείτονεσ. πρὶν ἀντιλαβέσθαι πρωκτὸν τῆσ φλογόσ. θάρρει. τί θαρρῶ καταπεπυρπολημένοσ; ἀλλ’ οὐκ ἔτ’ οἰδὲν πρᾶγμά σοι· τὰ πλεῖστα γὰρ ἀποπεπόνηκασ. φῦ ἰοὺ τῆσ ἀσβόλου. αἰθὸσ γεγένημαι πάντα τὰ περὶ τὴν τράμιν. μὴ φροντίσῃσ· ἕτεροσ γὰρ αὐτὰ σφογγιεῖ. οἰμώξετἄρ’ εἴ τισ τὸν ἐμὸν πρωκτὸν πλυνεῖ. Ἀγάθων, ἐπειδὴ σαυτὸν ἐπιδοῦναι φθονεῖσ, ἀλλ’ ἱμάτιον γοῦν χρῆσον ἡμῖν τουτῳὶ καὶ στρόφιον· οὐ γὰρ ταῦτά γ’ ὡσ οὐκ ἔστ’ ἐρεῖσ. λαμβάνετε καὶ χρῆσθ’· οὐ φθονῶ. τί οὖν λάβω; ὅ τι; τὸν κροκωτὸν πρῶτον ἐνδύου λαβών. νὴ τὴν Ἀφροδίτην ἡδύ γ’ ὄζει ποσθίου. σύζωσον ἀνύσασ. αἶρε νῦν στρόφιον. ἰδού. ἴθι νυν κατάστειλόν με τὰ περὶ τὼ σκέλει. κεκρυφάλου δεῖ καὶ μίτρασ. ἡδὶ μὲν οὖν κεφαλὴ περίθετοσ, ἣν ἐγὼ νύκτωρ φορῶ. νὴ τὸν Δί’ ἀλλὰ κἀπιτηδεία πάνυ. ἆρ’ ἁρμόσει μοι; νὴ Δί’ ἀλλ’ ἄριστ’ ἔχει. φέρ’ ἔγκυκλον· τουτὶ λάβ’ ἀπὸ τῆσ κλινίδοσ. ὑποδημάτων δεῖ. τἀμὰ ταυτὶ λάμβανε. ἆρ’ ἁρμόσει μοι; χαλαρὰ γοῦν χαίρεισ φορῶν. σὺ τοῦτο γίγνωσκ’· ἀλλ’ ἔχεισ γὰρ ὧν δέει, εἴσω τισ ὡσ τάχιστά μ’ ἐσκυκλησάτω.

일치하는 문장이 없습니다.

SEARCH

MENU NAVIGATION