Aristophanes, Thesmophoriazusae, Prologue, iambics

(아리스토파네스, Thesmophoriazusae, Prologue, iambics)

ὡσ ἡδὺ τὸ μέλοσ ὦ πότνιαι Γενετυλλίδεσ καὶ θηλυδριῶδεσ καὶ κατεγλωττισμένον καὶ μανδαλωτόν, ὥστ’ ἐμοῦ γ’ ἀκροωμένου ὑπὸ τὴν ἕδραν αὐτὴν ὑπῆλθε γάργαλοσ. καί σ’ ὦ νεανίσχ’ ὅστισ εἶ, κατ’ Αἰσχύλον ἐκ τῆσ Λυκουργείασ ἐρέσθαι βούλομαι. ποδαπὸσ ὁ γύννισ; τίσ πάτρα; τίσ ἡ στολή; τίσ ἡ τάραξισ τοῦ βίου; τί βάρβιτοσ λαλεῖ κροκωτῷ; τί δὲ λύρα κεκρυφάλῳ; τί λήκυθοσ καὶ στρόφιον; ὡσ οὐ ξύμφορον. τίσ δαὶ κατόπτρου καὶ ξίφουσ κοινωνία; τίσ δ’ αὐτὸσ ὦ παῖ; πότερον ὡσ ἀνὴρ τρέφει; καὶ ποῦ πέοσ; ποῦ χλαῖνα; ποῦ Λακωνικαί; ἀλλ’ ὡσ γυνὴ δῆτ’· εἶτα ποῦ τὰ τιτθία; τί φῄσ; τί σιγᾷσ; ἀλλὰ δῆτ’ ἐκ τοῦ μέλουσ ζητῶ σ’, ἐπειδή γ’ αὐτὸσ οὐ βούλει φράσαι; ὦ πρέσβυ πρέσβυ, τοῦ φθόνου μὲν τὸν ψόγον ἤκουσα, τὴν δ’ ἄλγησιν οὐ παρεσχόμην· ἐγὼ δὲ τὴν ἐσθῆθ’ ἅμα γνώμῃ φορῶ. χρὴ γὰρ ποιητὴν ἄνδρα πρὸσ τὰ δράματα ἃ δεῖ ποιεῖν πρὸσ ταῦτα τοὺσ τρόπουσ ἔχειν. αὐτίκα γυναικεῖ’ ἢν ποιῇ τισ δράματα, μετουσίαν δεῖ τῶν τρόπων τὸ σῶμ’ ἔχειν.

일치하는 문장이 없습니다.

SEARCH

MENU NAVIGATION