Aristophanes, Thesmophoriazusae, Prologue, lyric

(아리스토파네스, Thesmophoriazusae, Prologue, lyric)

ἱερὰν χθονίαισ δεξάμεναι λαμπάδα κοῦραι ξὺν ἐλευθέρᾳ πατρίδι χορεύσασθε βοάν. τίνι δαιμόνων ὁ κῶμοσ; λέγε νυν. εὐπίστωσ δὲ τοὐμὸν δαίμονασ ἔχει σεβίσαι. ἄγε νυν ὄλβιζε Μοῦσα χρυσέων ῥύτορα τόξων Φοῖβον, ὃσ ἱδρύσατο χώρασ γύαλα Σιμουντίδι γᾷ. χαῖρε καλλίστασ ἀοιδᾶσ Φοῖβ’ ἐν εὐμούσοισι τιμαῖσ γέρασ ἱερὸν προφέρων. τάν τ’ ἐν ὄρεσι δρυογόνοισι κόραν ἀείσατ’ Ἄρτεμιν ἀγροτέραν. ἕπομαι κλῄζουσα σεμνὸν γόνον ὀλβίζουσα Λατοῦσ Ἄρτεμιν ἀπειρολεχῆ. Λατώ τε κρούματά τ’ Ἀσιάδοσ ποδὶ παράρυθμ’ εὔρυθμα Φρυγίων διανεύματα Χαρίτων. σέβομαι Λατώ τ’ ἄνασσαν κίθαρίν τε ματέρ’ ὕμνων ἄρσενι βοᾷ δόκιμον, τᾷ φάοσ ἔσσυτο δαιμονίοισ <θεοῦ> ὄμμασιν ἁμετέρασ τε δι’ αἰφνιδίου ὀπόσ. ὧν χάριν ἄνακτ’ ἄγαλλε Φοῖβον τιμᾷ. χαῖρ’ ὄλβιε παῖ Λατοῦσ.

일치하는 문장이 없습니다.

SEARCH

MENU NAVIGATION