Aristophanes, Peace, Episode 1:

(아리스토파네스, Peace, Episode 1:)

ὡδὶ παραθέντι τρεῖσ λίθουσ. οὐ δεξιῶσ; ποίᾳ δ’ ἀποψήσει ποτ’ ὦμαθέστατε; τῃδὶ διεὶσ τὴν χεῖρα διὰ τῆσ θαλαμιᾶσ καὶ τῇδ’. ἅμ’ ἀμφοῖν δῆτ’; ἔγωγε νὴ Δία, ἵνα μή γ’ ἁλῶ τρύπημα κλέπτων τῆσ νεώσ. ἔπειτ’ ἐπὶ δεκάμνῳ χεσεῖ καθήμενοσ; ἔγωγε νὴ Δί’ ὦπίτριπτ’. οἰεί γὰρ ἂν τὸν πρωκτὸν ἀποδόσθαι με χιλιῶν δραχμῶν; ἴθι δὴ ’ξένεγκε τἀργύριον. ἀλλ’ ὦγαθὲ θλίβει τὸν ὄρρον. ἀπόφερ’, οὐκ ὠνήσομαι. τί δ’ ἆρα τῇ σάλπιγγι τῇδε χρήσομαι, ἣν ἐπριάμην δραχμῶν ποθ’ ἑξήκοντ’ ἐγώ; μόλυβδον ἐσ τουτὶ τὸ κοῖλον ἐγχέασ ἔπειτ’ ἄνωθεν ῥάβδον ἐνθεὶσ ὑπόμακρον, γενήσεταί σοι τῶν κατακτῶν κοττάβων. οἴμοι καταγελᾷσ. ἀλλ’ ἕτερον παραινέσω. τὸν μὲν μόλυβδον, ὥσπερ εἶπον, ἔγχεον, ἐντευθενὶ δὲ σπαρτίοισ ἠρτημένην πλάστιγγα πρόσθεσ, καὐτό σοι γενήσεται τὰ σῦκ’ ἐν ἀγρῷ τοῖσ οἰκέταισιν ἱστάναι. ὦ δυσκάθαρτε δαῖμον ὥσ μ’ ἀπώλεσασ, ὅτ’ ἀντέδωκά γ’ ἀντὶ τῶνδε μνᾶν ποτέ· καὶ νῦν τί δράσω; τίσ γὰρ αὔτ’ ὠνήσεται; πώλει βαδίζων αὐτὰ τοῖσ Αἰγυπτίοισ· ἔστιν γὰρ ἐπιτήδεια συρμαίαν μετρεῖν. οἴμ’ ὦ κρανοποί’ ὡσ ἀθλίωσ πεπράγαμεν. οὗτοσ μὲν οὐ πέπονθεν οὐδέν. ἀλλὰ τί ἔτ’ ἐστὶ τοῖσι κράνεσιν ὅ τι τισ χρήσεται; ἐὰν τοιαυτασὶ μάθῃ λαβὰσ ποιεῖν, ἄμεινον ἢ νῦν αὔτ’ ἀποδώσεται πολύ. ἀπίωμεν ὦ δορυξέ. μηδαμῶσ γ’, ἐπεὶ τούτῳ γ’ ἐγὼ τὰ δόρατα ταῦτ’ ὠνήσομαι. πόσον δίδωσ δῆτ’; εἰ διαπρισθεῖεν δίχα, λάβοιμ’ ἂν αὔτ’ ἐσ χάρακασ ἑκατὸν τῆσ δραχμῆσ. ὑβριζόμεθα. χωρῶμεν ὦ τᾶν ἐκποδών. νὴ τὸν Δί’, ὡσ τὰ παιδί’ ἤδη ’ξέρχεται οὐρησόμενα τὰ τῶν ἐπικλήτων δεῦρ’, ἵνα ἅττ’ ᾄσεται προαναβάληταί μοι δοκεῖ. ἀλλ’ ὅ τι περ ᾄδειν ἐπινοεῖσ ὦ παιδίον, αὐτοῦ παρ’ ἐμὲ στὰν πρότερον ἀναβαλοῦ ’νθαδί.

상위

Peace

목록

일치하는 문장이 없습니다.

SEARCH

MENU NAVIGATION