Aristophanes, Peace, Episode

(아리스토파네스, Peace, Episode)

ἰοὺ ἰού. ὅσον τὸ χρῆμ’ ἐπὶ δεῖπνον ἦλθ’ ἐσ τοὺσ γάμουσ. ἔχ’ ἀποκάθαιρε τὰσ τραπέζασ ταυτῃί· πάντωσ γὰρ οὐδὲν ὄφελόσ ἐστ’ αὐτῆσ ἔτι. ἔπειτ’ ἐπιφόρει τοὺσ ἀμύλουσ καὶ τὰσ κίχλασ καὶ τῶν λαγῴων πολλὰ καὶ τοὺσ κολλάβουσ. ποῦ ποῦ Τρυγαῖόσ ἐστιν; ἀναβράττω κίχλασ. ὦ φίλτατ’ ὦ Τρυγαἶ ὅσ’ ἡμᾶσ τἀγαθὰ δέδρακασ εἰρήνην ποιήσασ· ὡσ πρὸ τοῦ οὐδεὶσ ἐπρίατ’ ἂν δρέπανον οὐδὲ κολλύβου, νυνὶ δὲ πεντήκοντα δραχμῶν ἐμπολῶ· ὁδὶ δὲ τριδράχμουσ τοὺσ κάδουσ ἐσ τοὺσ ἀγρούσ. ἀλλ’ ὦ Τρυγαῖε τῶν δρεπάνων τε λάμβανε καὶ τῶνδ’ ὅ τι βούλει προῖκα· καὶ ταυτὶ δέχου· ἀφ’ ὧν γὰρ ἀπεδόμεσθα κἀκερδήναμεν τὰ δῶρα ταυτί σοι φέρομεν ἐσ τοὺσ γάμουσ. ἴθι νυν καταθέμενοι παρ’ ἐμοὶ ταῦτ’ εἴσιτε ἐπὶ δεῖπνον ὡσ τάχιστα· καὶ γὰρ οὑτοσὶ ὅπλων κάπηλοσ ἀχθόμενοσ προσέρχεται. οἴμ’ ὡσ προθέλυμνόν μ’ ὦ Τρυγαἶ ἀπώλεσασ. τί δ’ ἔστιν ὦ κακόδαιμον; οὔτι που λοφᾷσ; ἀπώλεσάσ μου τὴν τέχνην καὶ τὸν βίον, καὶ τουτουὶ καὶ τοῦ δορυξοῦ ’κεινονί. τί δῆτα τουτοινὶ καταθῶ σοι τοῖν λόφοιν; αὐτὸσ σὺ τί δίδωσ; ὅ τι δίδωμ’; αἰσχύνομαι. ὅμωσ δ’ ὅτι τὸ σφήκωμ’ ἔχει πόνον πολύν, δοίην ἂν αὐτοῖν ἰσχάδων τρεῖσ χοίνικασ. ἵν’ ἀποκαθαίρω τὴν τράπεζαν τουτῳί. ἔνεγκε τοίνυν εἰσιὼν τὰσ ἰσχάδασ· κρεῖττον γὰρ ὦ τᾶν ἐστιν ἢ μηδὲν λαβεῖν. ἀπόφερ’ ἀπόφερ’ ἐσ κόρακασ ἀπὸ τῆσ οἰκίασ. τριχορρυεῖτον, οὐδέν ἐστον τὼ λόφω. οὐκ ἂν πριαίμην οὐδ’ ἂν ἰσχάδοσ μιᾶσ. τί δαὶ δεκάμνῳ τῷδε θώρηκοσ κύτει ἐνημμένῳ κάλλιστα χρήσομαι τάλασ; οὗτοσ μὲν οὐ μή σοι ποιήσει ζημίαν. ἀλλ’ αἶρέ μοι τοῦτόν γε τῆσ ἰσωνίασ· ἐναποπατεῖν γάρ ἐστ’ ἐπιτήδειοσ πάνυ ‐ παῦσαί μ’ ὑβρίζων τοῖσ ἐμοῖσι χρήμασιν.

상위

Peace

목록

일치하는 문장이 없습니다.

SEARCH

MENU NAVIGATION