호흡부호 보기
강세부호 보기
장단부호 보기
작은 Iota 보기
모든 부호 보기
ἀλλ’ ἄγε Πήγασε χώρει χαίρων, χρυσοχάλινον πάταγον ψαλίων διακινήσασ φαιδροῖσ ὠσίν. ὡσ ἤν τι πεσὼν ἐνθένδε πάθω, τοὐμοῦ θανάτου πέντε τάλανθ’ ἡ πόλισ ἡ Χίων διὰ τὸν σὸν πρωκτὸν ὀφλήσει. τί ποιεῖσ; τί ποιεῖσ; ποῖ παρακλίνεισ τοὺσ μυκτῆρασ; πρὸσ τὰσ λαύρασ. ἱεί σαυτὸν θαρρῶν ἀπὸ γῆσ, κᾆτα δρομαίαν πτέρυγ’ ἐκτείνων ὀρθὸσ χώρει Διὸσ εἰσ αὐλάσ, ἀπὸ μὲν κάκκησ τὴν ῥῖν’ ἀπέχων, ἀπὸ δ’ ἡμερίων σίτων πάντων. ἄνθρωπε τί δρᾷσ, οὗτοσ ὁ χέζων ἐν Πειραιεῖ παρὰ ταῖσ πόρναισ; ἀπολεῖσ μ’ ἀπολεῖσ. οὐ κατορύξεισ κἀπιφορήσεισ τῆσ γῆσ πολλήν, κἀπιφυτεύσεισ ἑρ́πυλλον ἄνω καὶ μύρον ἐπιχεῖσ;
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기