헬라어 문장 검색 - ΑριστοπήΠεαξέ1́04́0́

(아리스토파네스, Peace, Prologue, iambics)

καὶ τίσ πόροσ σοι τῆσ ὁδοῦ γενήσεται; ναῦσ μὲν γὰρ οὐκ ἄξει σε ταύτην τὴν ὁδόν. πτηνὸσ πορεύσει πῶλοσ· οὐ ναυσθλώσομαι. τίσ δ’ ἡ ’πίνοιά σοὐστὶν ὥστε κάνθαρον ζεύξαντ’ ἐλαύνειν ἐσ θεοὺσ ὦ παππία; ἐν τοῖσιν Αἰσώπου λόγοισ ἐξηυρέθη μόνοσ πετεινῶν ἐσ θεοὺσ ἀφιγμένοσ. ἄπιστον εἶπασ μῦθον ὦ πάτερ πάτερ, ὅπωσ κάκοσμον ζῷον ἦλθεν ἐσ θεούσ. ἦλθεν κατ’ ἔχθραν αἰετοῦ πάλαι ποτέ, ᾤ’ ἐκκυλίνδων κἀντιτιμωρούμενοσ. οὐκοῦν ἐχρῆν σε Πηγάσου ζεῦξαι πτερόν, ὅπωσ ἐφαίνου τοῖσ θεοῖσ τραγικώτεροσ. ἀλλ’ ὦ μέλ’ ἄν μοι σιτίων διπλῶν ἔδει· νῦν δ’ ἃττ’ ἂν αὐτὸσ καταφάγω τὰ σιτία, τούτοισι τοῖσ αὐτοῖσι τοῦτον χορτάσω. τί δ’ ἢν ἐσ ὑγρὸν πόντιον πέσῃ βάθοσ; πῶσ ἐξολισθεῖν πτηνὸσ ὢν δυνήσεται; ἐπίτηδεσ εἶχον πηδάλιον, ᾧ χρήσομαι· τὸ δὲ πλοῖον ἔσται Ναξιουργὴσ κάνθαροσ. λιμὴν δὲ τίσ σε δέξεται φορούμενον; ἐν Πειραιεῖ δήπου ’στὶ Κανθάρου λιμήν. ἐκεῖνο τήρει, μὴ σφαλεὶσ καταρρυῇσ ἐντεῦθεν, εἶτα χωλὸσ ὢν Εὐριπίδῃ λόγον παράσχῃσ καὶ τραγῳδία γένῃ. ἐμοὶ μελήσει ταῦτά γ’. ἀλλὰ χαίρετε. ὑμεῖσ δέ γ’, ὑπὲρ ὧν τοὺσ πόνουσ ἐγὼ πονῶ, μὴ βδεῖτε μηδὲ χέζεθ’ ἡμερῶν τριῶν· ὡσ εἰ μετέωροσ οὗτοσ ὢν ὀσφρήσεται, κατωκάρα ῥίψασ με βουκολήσεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Peace, Prologue, iambics

(아리스토파네스, Peace, Prologue, iambics)

상위

목록

SEARCH

MENU NAVIGATION