Aristophanes, Lysistrata, Choral, anapests 1:

(아리스토파네스, Lysistrata, Choral, anapests 1:)

ἀλλ’ οὐχὶ χαλεπὸν τοὔργον, εἰ λάβοι γέ τισ ὀργῶντασ ἀλλήλων τε μὴ ’κπειρωμένουσ. τάχα δ’ εἴσομαι ’γώ. ποῦ ’στιν ἡ Διαλλαγή; πρόσαγε λαβοῦσα πρῶτα τοὺσ Λακωνικούσ, καὶ μὴ χαλεπῇ τῇ χειρὶ μηδ’ αὐθαδικῇ, μηδ’ ὥσπερ ἡμῶν ἅνδρεσ ἀμαθῶσ τοῦτ’ ἔδρων, ἀλλ’ ὡσ γυναῖκασ εἰκόσ, οἰκείωσ πάνυ, ἢν μὴ διδῷ τὴν χεῖρα, τῆσ σάθησ ἄγε. ἴθι καὶ σὺ τούτουσ τοὺσ Ἀθηναίουσ ἄγε, οὗ δ’ ἂν διδῶσι πρόσαγε τούτουσ λαβομένη. ἄνδρεσ Λάκωνεσ στῆτε παρ’ ἐμὲ πλησίον, ἐνθένδε δ’ ὑμεῖσ, καὶ λόγων ἀκούσατε. ἐγὼ γυνὴ μέν εἰμι, νοῦσ δ’ ἔνεστί μοι, αὐτὴ δ’ ἐμαυτῆσ οὐ κακῶσ γνώμησ ἔχω, τοὺσ δ’ ἐκ πατρόσ τε καὶ γεραιτέρων λόγουσ πολλοὺσ ἀκούσασ’ οὐ μεμούσωμαι κακῶσ. λαβοῦσα δ’ ὑμᾶσ λοιδορῆσαι βούλομαι κοινῇ δικαίωσ, οἳ μιᾶσ ἐκ χέρνιβοσ βωμοὺσ περιρραίνοντεσ ὥσπερ ξυγγενεῖσ Ὀλυμπίασιν, ἐν Πύλαισ, Πυθοῖ πόσουσ εἴποιμ’ ἂν ἄλλουσ, εἴ με μηκύνειν δέοι; ἐχθρῶν παρόντων βαρβάρων στρατεύματι Ἕλληνασ ἄνδρασ καὶ πόλεισ ἀπόλλυτε. εἷσ μὲν λόγοσ μοι δεῦρ’ ἀεὶ περαίνεται. ἐγὼ δ’ ἀπόλλυμαί γ’ ἀπεψωλημένοσ. εἶτ’ ὦ Λάκωνεσ, πρὸσ γὰρ ὑμᾶσ τρέψομαι, οὐκ ἴσθ’ ὅτ’ ἐλθὼν δεῦρο Περικλείδασ ποτὲ ὁ Λάκων Ἀθηναίων ἱκέτησ καθέζετο ἐπὶ τοῖσι βωμοῖσ ὠχρὸσ ἐν φοινικίδι στρατιὰν προσαιτῶν; ἡ δὲ Μεσσήνη τότε ὑμῖν ἐπέκειτο χὠ θεὸσ σείων ἅμα. ἐλθὼν δὲ σὺν ὁπλίταισι τετρακισχιλίοισ Κίμων ὅλην ἔσωσε τὴν Λακεδαίμονα. ταυτὶ παθόντεσ τῶν Ἀθηναίων ὕπο δῃοῦτε χώραν, ἧσ ὑπ’ εὖ πεπόνθατε; ἀδικοῦσιν οὗτοι νὴ Δί’ ὦ Λυσιστράτη. ἀδικίομεσ· ἀλλ’ ὁ πρωκτὸσ ἄφατον ὡσ καλόσ. ὑμᾶσ δ’ ἀφήσειν τοὺσ Ἀθηναίουσ <μ’> οἰεί; οὐκ ἴσθ’ ὅθ’ ὑμᾶσ οἱ Λάκωνεσ αὖθισ αὖ κατωνάκασ φοροῦντασ ἐλθόντεσ δορὶ πολλοὺσ μὲν ἄνδρασ Θετταλῶν ἀπώλεσαν, πολλοὺσ δ’ ἑταίρουσ Ἱππίου καὶ ξυμμάχουσ, ξυνεκμαχοῦντεσ τῇ τόθ’ ἡμέρᾳ μόνοι, κἠλευθέρωσαν κἀντὶ τῆσ κατωνάκησ τὸν δῆμον ὑμῶν χλαῖναν ἠμπέσχον πάλιν;

일치하는 문장이 없습니다.

SEARCH

MENU NAVIGATION