Aristophanes, Lysistrata, Choral, antistrophe 2

στρωμάτων δὲ ποικίλων καὶ χλανιδίων καὶ ξυστίδων καὶ χρυσίων, ὅσ’ ἐστί μοι, οὐ φθόνοσ ἔνεστί μοι πᾶσι παρέχειν φέρειν τοῖσ παισίν, ὁπόταν τε θυγάτηρ τινὶ κανηφορῇ. πᾶσιν ὑμῖν λέγω λαμβάνειν τῶν ἐμῶν χρημάτων νῦν ἔνδοθεν, καὶ μηδὲν οὕτωσ εὖ σεσημάν‐ θαι τὸ μὴ οὐχὶ τοὺσ ῥύπουσ ἀνασπάσαι, χἄττ’ <ἂν> ἔνδον ᾖ φορεῖν. ὄψεται δ’ οὐδὲν σκοπῶν, εἰ μή τισ ὑμῶν ὀξύτερον ἐμοῦ βλέπει.