Aristophanes, Lysistrata, Choral, anapests

(아리스토파네스, Lysistrata, Choral, anapests)

καὶ μὴν ἀπὸ τῆσ Σπάρτησ οἱδὶ πρέσβεισ ἕλκοντεσ ὑπήνασ χωροῦσ’, ὥσπερ χοιροκομεῖον περὶ τοῖσ μηροῖσιν ἔχοντεσ. ἄνδρεσ Λάκωνεσ πρῶτα μέν μοι χαίρετε, εἶτ’ εἴπαθ’ ἡμῖν πῶσ ἔχοντεσ ἥκετε. τί δεῖ ποθ’ ὑμὲ πολλὰ μυσίδδειν ἔπη; ὁρῆν γὰρ ἔξεσθ’ ὡσ ἔχοντεσ ἵκομεσ. βαβαί· νενεύρωται μὲν ἥδε συμφορὰ δεινῶσ, τεθερμῶσθαί γε χεῖρον φαίνεται. ἄφατα. τί κα λέγοι τισ; ἀλλ’ ὅπᾳ σέλει παντᾷ τισ ἐλσὼν ἁμὶν εἰράναν σέτω. καὶ μὴν ὁρῶ καὶ τούσδε τοὺσ αὐτόχθονασ ὥσπερ παλαιστὰσ ἄνδρασ ἀπὸ τῶν γαστέρων θαἰμάτι’ ἀποστέλλοντασ· ὥστε φαίνεται ἀσκητικὸν τὸ χρῆμα τοῦ νοσήματοσ. τίσ ἂν φράσεισ ποῦ’ στιν ἡ Λυσιστράτη; ὡσ ἄνδρεσ ἡμεῖσ οὑτοιὶ τοιουτοιί. χαὔτη ξυνᾴδει χἠτέρα ταύτῃ νόσῳ. ἦ που πρὸσ ὄρθρον σπασμὸσ ὑμᾶσ λαμβάνει; μὰ Δί’ ἀλλὰ ταυτὶ δρῶντεσ ἐπιτετρίμμεθα. ὥστ’ εἴ τισ ἡμᾶσ μὴ διαλλάξει ταχύ, οὐκ ἔσθ’ ὅπωσ οὐ Κλεισθένη βινήσομεν. εἰ σωφρονεῖτε, θαἰμάτια λήψεσθ’, ὅπωσ τῶν Ἑρμοκοπιδῶν μή τισ ὑμᾶσ ὄψεται. νὴ τὸν Δί’ εὖ μέντοι λέγεισ. ναὶ τὼ σιὼ παντᾷ γα. φέρε τὸ ἔσθοσ ἀμβαλώμεθα. ὢ χαίρετ’ ὦ Λάκωνεσ· αἰσχρά γ’ ἐπάθομεν. ὦ Πολυχαρείδα δεινά κ’ αὖ ’πεπόνθεμεσ, αἰ εἶδον ἁμὲ τὤνδρεσ ἀμπεφλασμένωσ. ἄγε δὴ Λάκωνεσ αὔθ’ ἕκαστα χρὴ λέγειν. ἐπὶ τί πάρεστε δεῦρο; περὶ διαλλαγᾶν πρέσβεισ. καλῶσ δὴ λέγετε· χἠμεῖσ τουτογί. τί οὐ καλοῦμεν δῆτα τὴν Λυσιστράην, ἥπερ διαλλάξειεν ἡμᾶσ ἂν μόνη; ναὶ τὼ σιὼ κἂν λῆτε τὸν Λυσίστρατον. ἀλλ’ οὐδὲν ἡμᾶσ, ὡσ ἐοίκε, δεῖ καλεῖν· αὐτὴ γάρ, ὡσ ἤκουσεν, ἥδ’ ἐξέρχεται.

일치하는 문장이 없습니다.

SEARCH

MENU NAVIGATION