헬라어 문장 검색 - ΑριστοπήΛψσιστρ́11́3́0́

(아리스토파네스, Lysistrata, Choral, anapests)

καὶ μὴν ἀπὸ τῆσ Σπάρτησ οἱδὶ πρέσβεισ ἕλκοντεσ ὑπήνασ χωροῦσ’, ὥσπερ χοιροκομεῖον περὶ τοῖσ μηροῖσιν ἔχοντεσ. ἄνδρεσ Λάκωνεσ πρῶτα μέν μοι χαίρετε, εἶτ’ εἴπαθ’ ἡμῖν πῶσ ἔχοντεσ ἥκετε. τί δεῖ ποθ’ ὑμὲ πολλὰ μυσίδδειν ἔπη; ὁρῆν γὰρ ἔξεσθ’ ὡσ ἔχοντεσ ἵκομεσ. βαβαί· νενεύρωται μὲν ἥδε συμφορὰ δεινῶσ, τεθερμῶσθαί γε χεῖρον φαίνεται. ἄφατα. τί κα λέγοι τισ; ἀλλ’ ὅπᾳ σέλει παντᾷ τισ ἐλσὼν ἁμὶν εἰράναν σέτω. καὶ μὴν ὁρῶ καὶ τούσδε τοὺσ αὐτόχθονασ ὥσπερ παλαιστὰσ ἄνδρασ ἀπὸ τῶν γαστέρων θαἰμάτι’ ἀποστέλλοντασ· ὥστε φαίνεται ἀσκητικὸν τὸ χρῆμα τοῦ νοσήματοσ. τίσ ἂν φράσεισ ποῦ’ στιν ἡ Λυσιστράτη; ὡσ ἄνδρεσ ἡμεῖσ οὑτοιὶ τοιουτοιί. χαὔτη ξυνᾴδει χἠτέρα ταύτῃ νόσῳ. ἦ που πρὸσ ὄρθρον σπασμὸσ ὑμᾶσ λαμβάνει; μὰ Δί’ ἀλλὰ ταυτὶ δρῶντεσ ἐπιτετρίμμεθα. ὥστ’ εἴ τισ ἡμᾶσ μὴ διαλλάξει ταχύ, οὐκ ἔσθ’ ὅπωσ οὐ Κλεισθένη βινήσομεν. εἰ σωφρονεῖτε, θαἰμάτια λήψεσθ’, ὅπωσ τῶν Ἑρμοκοπιδῶν μή τισ ὑμᾶσ ὄψεται. νὴ τὸν Δί’ εὖ μέντοι λέγεισ. ναὶ τὼ σιὼ παντᾷ γα. φέρε τὸ ἔσθοσ ἀμβαλώμεθα. ὢ χαίρετ’ ὦ Λάκωνεσ· αἰσχρά γ’ ἐπάθομεν. ὦ Πολυχαρείδα δεινά κ’ αὖ ’πεπόνθεμεσ, αἰ εἶδον ἁμὲ τὤνδρεσ ἀμπεφλασμένωσ. ἄγε δὴ Λάκωνεσ αὔθ’ ἕκαστα χρὴ λέγειν. ἐπὶ τί πάρεστε δεῦρο; περὶ διαλλαγᾶν πρέσβεισ. καλῶσ δὴ λέγετε· χἠμεῖσ τουτογί. τί οὐ καλοῦμεν δῆτα τὴν Λυσιστράην, ἥπερ διαλλάξειεν ἡμᾶσ ἂν μόνη; ναὶ τὼ σιὼ κἂν λῆτε τὸν Λυσίστρατον. ἀλλ’ οὐδὲν ἡμᾶσ, ὡσ ἐοίκε, δεῖ καλεῖν· αὐτὴ γάρ, ὡσ ἤκουσεν, ἥδ’ ἐξέρχεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristophanes, Lysistrata, Choral, anapests

(아리스토파네스, Lysistrata, Choral, anapests)

상위

목록

SEARCH

MENU NAVIGATION