Aristophanes, Birds, Lyric-Scene, iambics 1:

(아리스토파네스, Birds, Lyric-Scene, iambics 1:)

ἀλλ’ ὅταν οἰκήσωσι λύκοι πολιαί τε κορῶναι ἐν ταὐτῷ τὸ μεταξὺ Κορίνθου καὶ Σικυῶνοσ, ‐ τί οὖν προσήκει δῆτ’ ἐμοὶ Κορινθίων; ᾐνίξαθ’ ὁ Βάκισ τοῦτο πρὸσ τὸν ἀέρα. πρῶτον Πανδώρᾳ θῦσαι λευκότριχα κριόν· ὃσ δέ κ’ ἐμῶν ἐπέων ἔλθῃ πρώτιστα προφήτησ, τῷ δόμεν ἱμάτιον καθαρὸν καὶ καινὰ πέδιλα ‐ ἔνεστι καὶ τὰ πέδιλα; λαβὲ τὸ βιβλίον. καὶ φιάλην δοῦναι, καὶ σπλάγχνων χεῖρ’ ἐπιπλῆσαι. καὶ σπλάγχνα διδόν’ ἔνεστι; λαβὲ τὸ βιβλίον. κἂν μὲν θέσπιε κοῦρε ποιῇσ ταῦθ’ ὡσ ἐπιτέλλω, αἰετὸσ ἐν νεφέλῃσι γενήσεαι· αι’ δέ κε μὴ δῷσ, οὐκ ἔσει οὐ τρυγὼν οὐδ’ αἰετὸσ οὐ δρυκολάπτησ. καὶ ταῦτ’ ἔνεστ’ ἐνταῦθα; λαβὲ τὸ βιβλίον. οὐδὲν ἄρ’ ὅμοιόσ ἐσθ’ ὁ χρησμὸσ τουτῳί, ὃν ἐγὼ παρὰ τἀπόλλωνοσ ἐξεγραψάμην· αὐτὰρ ἐπὴν ἄκλητοσ ἰὼν ἄνθρωποσ ἀλαζὼν λυπῇ θύοντασ καὶ σπλαγχνεύειν ἐπιθυμῇ, δὴ τότε χρὴ τύπτειν αὐτὸν πλευρῶν τὸ μεταξὺ ‐ οὐδὲν λέγειν οἶμαί σε. λαβὲ τὸ βιβλίον. καὶ φείδου μηδὲν μηδ’ αἰετοῦ ἐν νεφέλῃσιν, μήτ’ ἢν Λάμπων ᾖ μήτ’ ἢν ὁ μέγασ Διοπείθησ.

일치하는 문장이 없습니다.

SEARCH

MENU NAVIGATION