Aristophanes, Birds, Agon, antepirrheme 1:

(아리스토파네스, Birds, Agon, antepirrheme 1:)

πλουτεῖν δὲ πόθεν δώσομεν αὐτοῖσ; καὶ γὰρ τούτου σφόδρ’ ἐρῶσιν. τὰ μέταλλ’ αὐτοῖσ μαντευομένοισ οὗτοι δώσουσι τὰ χρηστά, τάσ τ’ ἐμπορίασ τὰσ κερδαλέασ πρὸσ τὸν μάντιν κατεροῦσιν, ὥστ’ ἀπολεῖται τῶν ναυκλήρων οὐδείσ. πῶσ οὐκ ἀπολεῖται; προερεῖ τισ ἀεὶ τῶν ὀρνίθων μαντευομένῳ περὶ τοῦ πλοῦ· νυνὶ μὴ πλεῖ, χειμὼν ἔσται· νυνὶ πλεῖ, κέρδοσ ἐπέσται. γαῦλον κτῶμαι καὶ ναυκληρῶ, κοὐκ ἂν μείναιμι παρ’ ὑμῖν. τοὺσ θησαυρούσ τ’ αὐτοῖσ δείξουσ’ οὓσ οἱ πρότεροι κατέθεντο τῶν ἀργυρίων· οὗτοι γὰρ ἴσασι· λέγουσι δέ τοι τάδε πάντεσ, οὐδεὶσ οἶδεν τὸν θησαυρὸν τὸν ἐμὸν πλὴν εἴ τισ ἄρ’ ὄρνισ. πωλῶ γαῦλον, κτῶμαι σμινύην, καὶ τὰσ ὑδρίασ ἀνορύττω. πῶσ δ’ ὑγιείαν δώσουσ’ αὐτοῖσ, οὖσαν παρὰ τοῖσι θεοῖσιν; ἢν εὖ πράττωσ’, οὐχ ὑγιεία μεγάλη τοῦτ’ ἐστί; σάφ’ ἴσθι, ὡσ ἄνθρωπόσ γε κακῶσ πράττων ἀτεχνῶσ οὐδεὶσ ὑγιαίνει. πῶσ δ’ ἐσ γῆράσ ποτ’ ἀφίξονται; καὶ γὰρ τοῦτ’ ἔστ’ ἐν Ὀλύμπῳ· ἢ παιδάρι’ ὄντ’ ἀποθνῄσκειν δεῖ; μὰ Δί’ ἀλλὰ τριακόσι’ αὐτοῖσ ἔτι προσθήσουσ’ ὄρνιθεσ ἔτη. παρὰ τοῦ; παρ’ ὅτου; παρ’ ἑαυτῶν. οὐκ οἶσθ’ ὅτι πέντ’ ἀνδρῶν γενεὰσ ζώει λακέρυζα κορώνη; αἰβοῖ πολλῷ κρείττουσ οὗτοι τοῦ Διὸσ ἡμῖν βασιλεύειν.

일치하는 문장이 없습니다.

SEARCH

MENU NAVIGATION