헬라어 문장 검색 - ΑριστοπήΒιρδσ́06́7́0́

(아리스토파네스, Birds, Agon, antepirrheme)

καὶ δὴ τοίνυν πρῶτα διδάσκω μίαν ὀρνίθων πόλιν εἶναι, κἄπειτα τὸν ἀέρα πάντα κύκλῳ καὶ πᾶν τουτὶ τὸ μεταξὺ περιτειχίζειν μεγάλαισ πλίνθοισ ὀπταῖσ ὥσπερ Βαβυλῶνα. ὦ Κεβριόνη καὶ Πορφυρίων ὡσ σμερδαλέον τὸ πόλισμα. κἄπειτ’ ἢν τοῦτ’ ἐπανεστήκῃ, τὴν ἀρχὴν τὸν Δί’ ἀπαιτεῖν· κἂν μὲν μὴ φῇ μηδ’ ἐθελήσῃ μηδ’ εὐθὺσ γνωσιμαχήσῃ, ἱερὸν πόλεμον πρωὐδᾶν αὐτῷ, καὶ τοῖσι θεοῖσιν ἀπειπεῖν διὰ τῆσ χώρασ τῆσ ὑμετέρασ ἐστυκόσι μὴ διαφοιτᾶν, ὥσπερ πρότερον μοιχεύσοντεσ τὰσ Ἀλκμήνασ κατέβαινον καὶ τὰσ Ἀλόπασ καὶ τὰσ Σεμέλασ· ἤνπερ δ’ ἐπίωσ’, ἐπιβάλλειν σφραγῖδ’ αὐτοῖσ ἐπὶ τὴν ψωλήν, ἵνα μὴ βινῶσ’ ἔτ’ ἐκείνασ. τοῖσ δ’ ἀνθρώποισ ὄρνιν ἕτερον πέμψαι κήρυκα κελεύω, ὡσ ὀρνίθων βασιλευόντων θύειν ὄρνισι τὸ λοιπόν, κἄπειτα θεοῖσ ὕστερον αὖθισ· προσνείμασθαι δὲ πρεπόντωσ τοῖσι θεοῖσιν τῶν ὀρνίθων ὃσ ἂν ἁρμόττῃ καθ’ ἕκαστον· ἢν Ἀφροδίτῃ θύῃ, πυροὺσ ὄρνιθι φαληρίδι θύειν· ἢν δὲ Ποσειδῶνί τισ οἶν θύῃ, νήττῃ πυροὺσ καθαγίζειν· ἢν δ’ Ἡρακλέει θύῃ τι, λάρῳ ναστοὺσ θύειν μελιτοῦντασ· κἂν Διὶ θύῃ βασιλεῖ κριόν, βασιλεύσ ἐστ’ ὀρχίλοσ ὄρνισ, ᾧ προτέρῳ δεῖ τοῦ Διὸσ αὐτοῦ σέρφον ἐνόρχην σφαγιάζειν. ἥσθην σέρφῳ σφαγιαζομένῳ. βροντάτω νῦν ὁ μέγασ Ζάν. καὶ πῶσ ἡμᾶσ νομιοῦσι θεοὺσ ἄνθρωποι κοὐχὶ κολοιούσ, οἳ πετόμεσθα πτέρυγάσ τ’ ἔχομεν; ληρεῖσ· καὶ νὴ Δί’ ὅ γ’ Ἑρμῆσ πέτεται θεὸσ ὢν πτέρυγάσ τε φορεῖ, κἄλλοι γε θεοὶ πάνυ πολλοί. αὐτίκα Νίκη πέτεται πτερύγοιν χρυσαῖν καὶ νὴ Δί’ Ἔρωσ γε· Ἥρην δέ γ’ Ὅμηροσ ἔφασκ’ ἰκέλην εἶναι τρήρωνι πελείῃ. ὁ Ζεὺσ δ’ ἡμῖν οὐ βροντήσασ πέμψει πτερόεντα κεραυνόν; ἢν δ’ οὖν ὑμᾶσ μὲν ὑπ’ ἀγνοίασ εἶναι νομίσωσι τὸ μηδέν, τούτουσ δὲ θεοὺσ τοὺσ ἐν Ὀλύμπῳ τότε χρὴ στρούθων νέφοσ ἀρθὲν καὶ σπερμολόγων ἐκ τῶν ἀγρῶν τὸ σπέρμ’ αὐτῶν ἀνακάψαι· κἄπειτ’ αὐτοῖσ ἡ Δημήτηρ πυροὺσ πεινῶσι μετρείτω. οὐκ ἐθελήσει μὰ Δί’, ἀλλ’ ὄψει προφάσεισ αὐτὴν παρέχουσαν. οἱ δ’ αὖ κόρακεσ τῶν ζευγαρίων, οἷσιν τὴν γῆν καταροῦσιν, καὶ τῶν προβάτων τοὺσ ὀφθαλμοὺσ ἐκκοψάντων ἐπὶ πείρᾳ· εἶθ’ ὅ γ’ Ἀπόλλων ἰατρόσ <γ’> ὢν ἰάσθω· μισθοφορεῖ δέ. μὴ πρίν γ’ ἂν ἐγὼ τὼ βοιδαρίω τὠμὼ πρώτιστ’ ἀποδῶμαι. ἢν δ’ ἡγῶνται σὲ θεὸν σὲ βίον σὲ δὲ γῆν σὲ Κρόνον σὲ Ποσειδῶ, ἀγάθ’ αὐτοῖσιν πάντα παρέσται. λέγε δή μοι τῶν ἀγαθῶν ἕν. πρῶτα μὲν αὐτῶν τὰσ οἰνάνθασ οἱ πάρνοπεσ οὐ κατέδονται, ἀλλὰ γλαυκῶν λόχοσ εἷσ αὐτοὺσ καὶ κερχνῄδων ἐπιτρίψει. εἶθ’ οἱ κνῖπεσ καὶ ψῆνεσ ἀεὶ τὰσ συκᾶσ οὐ κατέδονται, ἀλλ’ ἀναλέξει πάντασ καθαρῶσ αὐτοὺσ ἀγέλη μία κιχλῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Birds, Agon, antepirrheme

(아리스토파네스, Birds, Agon, antepirrheme)

상위

목록

SEARCH

MENU NAVIGATION