헬라어 문장 검색 - ΑριστοπήΒιρδσ́06́3́0́

(아리스토파네스, Birds, Agon, epirrheme)

καὶ μὴν ὀργῶ νὴ τὸν Δία καὶ προπεφύραται λόγοσ εἷσ μοι, ὃν διαμάττειν οὐ κωλύει· φέρε παῖ στέφανον· καταχεῖσθαι κατὰ χειρὸσ ὕδωρ φερέτω ταχύ τισ. δειπνήσειν μέλλομεν; ἢ τί; μὰ Δί’ ἀλλὰ λέγειν ζητῶ τι πάλαι μέγα καὶ λαρινὸν ἔποσ τι, ὅ το τὴν τούτων θραύσει ψυχήν· οὕτωσ ὑμῶν ὑπεραλγῶ, οἵτινεσ ὄντεσ πρότερον βασιλῆσ ‐ ἡμεῖσ βασιλῆσ; τίνοσ; ὑμεῖσ πάντων ὁπόσ’ ἔστιν, ἐμοῦ πρῶτον, τουδί, καὶ τοῦ Διὸσ αὐτοῦ, ἀρχαιότεροι πρότεροί τε Κρόνου καὶ Τιτάνων ἐγένεσθε, καὶ γῆσ. καὶ γῆσ; νὴ τὸν Ἀπόλλω. τουτὶ μὰ Δί’ οὐκ ἐπεπύσμην. ἀμαθὴσ γὰρ ἔφυσ κοὐ πολυπράγμων, οὐδ’ Αἴσωπον πεπάτηκασ, ὃσ ἔφασκε λέγων κορυδὸν πάντων πρώτην ὄρνιθα γενέσθαι, προτέραν τῆσ γῆσ, κἄπειτα νόσῳ τὸν πατέρ’ αὐτῆσ ἀποθνῄσκειν· γῆν δ’ οὐκ εἶναι, τὸν δὲ προκεῖσθαι πεμπταῖον· τὴν δ’ ἀποροῦσαν ὑπ’ ἀμηχανίασ τὸν πατέρ’ αὑτῆσ ἐν τῇ κεφαλῇ κατορύξαι. ὁ πατὴρ ἄρα τῆσ κορυδοῦ νυνὶ κεῖται τεθνεὼσ Κεφαλῆσιν. οὔκουν δῆτ’ εἰ πρότεροι μὲν γῆσ πρότεροι δὲ θεῶν ἐγένοντο, ὡσ πρεσβυτάτων αὐτῶν ὄντῶν ὀρθῶσ ἐσθ’ ἡ βασιλεία; νὴ τὸν Ἀπόλλω· πάνυ τοίνυν χρὴ ῥύγχοσ βόσκειν σε τὸ λοιπόν· οὐκ ἀποδώσει ταχέωσ ὁ Ζεὺσ τὸ σκῆπτρον τῷ δρυκολάπτῃ. ὡσ δ’ οὐχὶ θεοὶ τοίνυν ἦρχον τῶν ἀνθρώπων τὸ παλαιόν, ἀλλ’ ὄρνιθεσ, κἀβασίλευον, πόλλ’ ἐστὶ τεκμήρια τούτων. αὐτίκα δ’ ὑμῖν πρῶτ’ ἐπιδείξω τὸν ἀλεκτρυόν’, ὡσ ἐτυράννει ἦρχέ τε Περσῶν πρῶτον πάντων Δαρείου καὶ Μεγαβάζου, ὥστε καλεῖται Περσικὸσ ὄρνισ ἀπὸ τῆσ ἀρχῆσ ἔτ’ ἐκείνησ. διὰ ταῦτ’ ἄρ’ ἔχων καὶ νῦν ὥσπερ βασιλεὺσ ὁ μέγασ διαβάσκει ἐπὶ τῆσ κεφαλῆσ τὴν κυρβασίαν τῶν ὀρνίθων μόνοσ ὀρθήν. οὕτω δ’ ἴσχυσέ τε καὶ μέγασ ἦν τότε καὶ πολύσ, ὥστ’ ἔτι καὶ νῦν ὑπὸ τῆσ ῥώμησ τῆσ τότ’ ἐκείνησ, ὁπόταν μόνον ὄρθριον ᾄσῃ, ἀναπηδῶσιν πάντεσ ἐπ’ ἔργον χαλκῆσ κεραμῆσ σκυλοδέψαι σκυτῆσ βαλανῆσ ἀλφιταμοιβοὶ τορνευτολυρασπιδοπηγοί· οἱ δὲ βαδίζουσ’ ὑποδησάμενοι νύκτωρ. ἐμὲ τοῦτό γ’ ἐρώτα. χλαῖναν γὰρ ἀπώλεσ’ ὁ μοχθηρὸσ Φρυγίων ἐρίων διὰ τοῦτον. ἐσ δεκάτην γάρ ποτε παιδαρίου κληθεὶσ ὑπέπινον ἐν ἄστει, κἄρτι καθηῦδον, καὶ πρὶν δειπνεῖν τοὺσ ἄλλουσ οὗτοσ ἄρ’ ᾖσεν· κἀγὼ νομίσασ ὄρθρον ἐχώρουν Ἀλιμουντάδε, κἄρτι προκύπτω ἔξω τείχουσ καὶ λωποδύτησ παίει ῥοπάλῳ με τὸ νῶτον· κἀγὼ πίπτω μέλλω τε βοᾶν, ὁ δ’ ἀπέβλισε θοἰμάτιόν μου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Birds, Agon, epirrheme

(아리스토파네스, Birds, Agon, epirrheme)

상위

목록

SEARCH

MENU NAVIGATION