Aristotle, Nicomachean Ethics, Book 4 38:

πάντεσ γὰρ οὗτοι ὅθεν οὐ δεῖ λαμβάνουσι, καὶ ὁπόσον οὐ δεῖ. κοινὸν δ’ ἐπ’ αὐτοῖσ ἡ αἰσχροκέρδεια φαίνεται· πάντεσ γὰρ ἕνεκα κέρδουσ, καὶ τούτου μικροῦ, ὀνείδη ὑπομένουσιν. τοὺσ γὰρ τὰ μεγάλα μὴ ὅθεν δὲ δεῖ λαμβάνοντασ, μηδὲ ἃ δεῖ, οὐ λέγομεν ἀνελευθέρουσ, οἱο͂ν τοὺσ τυράννουσ πόλεισ πορθοῦντασ καὶ ἱερὰ συλῶντασ, ἀλλὰ πονηροὺσ μᾶλλον καὶ ἀσεβεῖσ καὶ ἀδίκουσ.