Ῥήγιόν τε καταλαβών, ἐκκλησίαν συναγαγὼν εἶπε διότι δικαίωσ μὲν ἂν ἐξανδραποδισθεῖεν ὑπ’ αὐτοῦ, νῦν μέντοι τὰ εἰσ τὸν πόλεμον ἀνηλωμένα χρήματα κομισάμενοσ καὶ ὑπὲρ ἑκάστου σώματοσ τρεῖσ μνᾶσ ἀφήσειν αὐτούσ. οἱ δὲ Ῥηγῖνοι ὅσα ποτ’ ἦν αὐτοῖσ ἀποκεκρυμμένα ἐμφανῆ ἐποίουν καὶ οἱ ἄποροι παρὰ τῶν εὐπορωτέρων καὶ παρὰ τῶν ξένων δανειζόμενοι ἐπόρισαν ἃ ἐκέλευσε χρήματα.
