Apollodorus, Library and Epitome, book 1, chapter 9 28:

(아폴로도로스, Library and Epitome, book 1, chapter 9 28:)

οἱ δὲ ἧκον εἰσ Κόρινθον, καὶ δέκα μὲν ἔτη διετέλουν εὐτυχοῦντεσ, αὖθισ δὲ τοῦ τῆσ Κορίνθου βασιλέωσ Κρέοντοσ τὴν θυγατέρα Γλαύκην Ιἄσονι ἐγγυῶντοσ, παραπεμψάμενοσ Ιἄσων Μήδειαν ἐγάμει. ἡ δέ, οὕσ τε ὤμοσεν Ιἄσων θεοὺσ ἐπικαλεσαμένη καὶ τὴν Ιἄσονοσ ἀχαριστίαν μεμψαμένη πολλάκισ, τῇ μὲν γαμουμένῃ πέπλον μεμαγμένον φαρμάκοισ ἔπεμψεν, ὃν ἀμφιεσαμένη μετὰ τοῦ βοηθοῦντοσ πατρὸσ πυρὶ λάβρῳ κατεφλέχθη, τοὺσ δὲ παῖδασ οὓσ εἶχεν ἐξ Ιἄσονοσ, Μέρμερον καὶ Φέρητα, ἀπέκτεινε, καὶ λαβοῦσα παρὰ Ἡλίου ἁρ́μα πτηνῶν δρακόντων ἐπὶ τούτου φεύγουσα ἦλθεν εἰσ Ἀθήνασ. λέγεται δὲ <καὶ> ὅτι φεύγουσα τοὺσ παῖδασ ἔτι νηπίουσ ὄντασ κατέλιπεν, ἱκέτασ καθίσασα ἐπὶ τὸν βωμὸν τῆσ Ἥρασ τῆσ ἀκραίασ· Κορίνθιοι δὲ αὐτοὺσ ἀναστήσαντεσ κατετραυμάτισαν. Μήδεια δὲ ἧκεν εἰσ Ἀθήνασ, κἀκεῖ γαμηθεῖσα Αἰγεῖ παῖδα γεννᾷ Μῆδον. ἐπιβουλεύουσα δὲ ὕστερον Θησεῖ φυγὰσ ἐξ Ἀθηνῶν μετὰ τοῦ παιδὸσ ἐκβάλλεται. ἀλλ’ οὗτοσ μὲν πολλῶν κρατήσασ βαρβάρων τὴν ὑφ’ ἑαυτὸν χώραν ἅπασαν Μηδίαν ἐκάλεσε, καὶ στρατευόμενοσ ἐπὶ Ἰνδοὺσ ἀπέθανε· Μήδεια δὲ εἰσ Κόλχουσ ἦλθεν ἄγνωστοσ, καὶ καταλαβοῦσα Αἰήτην ὑπὸ τοῦ ἀδελφοῦ Πέρσου τῆσ βασιλείασ ἐστερημένον, κτείνασα τοῦτον τῷ πατρὶ τὴν βασιλείαν ἀποκατέστησεν.

일치하는 문장이 없습니다.

SEARCH

MENU NAVIGATION