Apollodorus, Library and Epitome, book 1, chapter 9 11:

(아폴로도로스, Library and Epitome, book 1, chapter 9 11:)

Κρηθεὺσ δὲ κτίσασ Ιὠλκὸν γαμεῖ Τυρὼ τὴν Σαλμωνέωσ, ἐξ ἧσ αὐτῷ γίνονται παῖδεσ Αἴσων Ἀμυθάων Φέρησ. Ἀμυθάων μὲν οὖν οἰκῶν Πύλον Εἰδομένην γαμεῖ τὴν Φέρητοσ, καὶ γίνονται παῖδεσ αὐτῷ Βίασ καὶ Μελάμπουσ, ὃσ ἐπὶ τῶν χωρίων διατελῶν, οὔσησ πρὸ τῆσ οἰκήσεωσ αὐτοῦ δρυὸσ ἐν ᾗ φωλεὸσ ὄφεων ὑπῆρχεν, ἀποκτεινάντων τῶν θεραπόντων τοὺσ ὄφεισ τὰ μὲν ἑρπετὰ ξύλα συμφορήσασ ἔκαυσε, τοὺσ δὲ τῶν ὄφεων νεοσσοὺσ ἔθρεψεν. οἱ δὲ γενόμενοι τέλειοι παραστάντεσ αὐτῷ κοιμωμένῳ τῶν ὤμων ἐξ ἑκατέρου τὰσ ἀκοὰσ ταῖσ γλώσσαισ ἐξεκάθαιρον. ὁ δὲ ἀναστὰσ καὶ γενόμενοσ περιδεὴσ τῶν ὑπερπετομένων ὀρνέων τὰσ φωνὰσ συνίει, καὶ παρ’ ἐκείνων μανθάνων προύλεγε τοῖσ ἀνθρώποισ τὰ μέλλοντα. προσέλαβε δὲ καὶ τὴν διὰ τῶν ἱερῶν μαντικήν, περὶ δὲ τὸν Ἀλφειὸν συντυχὼν Ἀπόλλωνι τὸ λοιπὸν ἄριστοσ ἦν μάντισ.

일치하는 문장이 없습니다.

SEARCH

MENU NAVIGATION