헬라어 문장 검색 - ΑπολλόΛιβραρψ́2́08́

(아폴로도로스, Library and Epitome, book 1, chapter 8)

Οἰνεὺσ δὲ βασιλεύων Καλυδῶνοσ παρὰ Διονύσου φυτὸν ἀμπέλου πρῶτοσ ἔλαβε. γήμασ δὲ Ἀλθαίαν τὴν Θεστίου γεννᾷ Τοξέα, ὃν αὐτὸσ ἔκτεινεν ὑπερπηδήσαντα τὴν τάφρον, καὶ παρὰ τοῦτον Θυρέα καὶ Κλύμενον, καὶ θυγατέρα Γόργην, ἣν Ἀνδραίμων ἔγημε, καὶ Δηιάνειραν, ἣν Ἀλθαίαν λέγουσιν ἐκ Διονύσου γεννῆσαι. αὕτη δ’ ἡνιόχει καὶ τὰ κατὰ πόλεμον ἤσκει, καὶ περὶ τῶν γάμων αὐτῆσ Ἡρακλῆσ πρὸσ Ἀχελῷον ἐπάλαισεν. ἐγέννησε δὲ Ἀλθαία παῖδα ἐξ Οἰνέωσ Μελέαγρον, ὃν ἐξ Ἄρεοσ γεγεννῆσθαί φασι.

τούτου δ’ ὄντοσ ἡμερῶν ἑπτὰ παραγενομένασ τὰσ μοίρασ φασὶν εἰπεῖν, <ὅτι> τότε τελευτήσει Μελέαγροσ, ὅταν ὁ καιόμενοσ ἐπὶ τῆσ ἐσχάρασ δαλὸσ κατακαῇ. τοῦτο ἀκούσασα τὸν δαλὸν ἀνείλετο Ἀλθαία καὶ κατέθετο εἰσ λάρνακα. Μελέαγροσ δὲ ἀνὴρ ἄτρωτοσ καὶ γενναῖοσ γενόμενοσ τόνδε τὸν τρόπον ἐτελεύτησεν. ἐτησίων καρπῶν ἐν τῇ χώρᾳ γενομένων τὰσ ἀπαρχὰσ Οἰνεὺσ θεοῖσ πᾶσι θύων μόνησ Ἀρτέμιδοσ ἐξελάθετο. ἡ δὲ μηνίσασα κάπρον ἐφῆκεν ἔξοχον μεγέθει τε καὶ ῥώμῃ, ὃσ τήν τε γῆν ἄσπορον ἐτίθει καὶ τὰ βοσκήματα καὶ τοὺσ ἐντυγχάνοντασ διέφθειρεν. ἐπὶ τοῦτον τὸν κάπρον τοὺσ ἀρίστουσ ἐκ τῆσ Ἑλλάδοσ πάντασ συνεκάλεσε, καὶ τῷ κτείναντι τὸν θῆρα τὴν δορὰν δώσειν ἀριστεῖον ἐπηγγείλατο. οἱ δὲ συνελθόντεσ ἐπὶ τὴν τοῦ κάπρου θήραν ἦσαν οἵδε· Μελέαγροσ Οἰνέωσ, Δρύασ Ἄρεοσ, ἐκ Καλυδῶνοσ οὗτοι, Ἴδασ καὶ Λυγκεὺσ Ἀφαρέωσ ἐκ Μεσσήνησ, Κάστωρ καὶ Πολυδεύκησ Διὸσ καὶ Λήδασ ἐκ Λακεδαίμονοσ, Θησεὺσ Αἰγέωσ ἐξ Ἀθηνῶν, Ἄδμητοσ Φέρητοσ ἐκ Φερῶν, Ἀγκαῖοσ <καὶ> Κηφεὺσ Λυκούργου ἐξ Ἀρκαδίασ, Ιἄσων Αἴσονοσ ἐξ Ιὠλκοῦ, Ἰφικλῆσ Ἀμφιτρύωνοσ ἐκ Θηβῶν, Πειρίθουσ Ἰξίονοσ ἐκ Λαρίσησ, Πηλεὺσ Αἰακοῦ ἐκ Φθίασ, Τελαμὼν Αἰακοῦ ἐκ Σαλαμῖνοσ, Εὐρυτίων Ἄκτοροσ ἐκ Φθίασ, Ἀταλάντη Σχοινέωσ ἐξ Ἀρκαδίασ, Ἀμφιάραοσ Οἰκλέουσ ἐξ Ἄργουσ· μετὰ τούτων καὶ οἱ Θεστίου παῖδεσ. συνελθόντασ δὲ αὐτοὺσ Οἰνεὺσ ἐπὶ ἐννέα ἡμέρασ ἐξένισε· τῇ δεκάτῃ δὲ Κηφέωσ καὶ Ἀγκαίου καί τινων ἄλλων ἀπαξιούντων μετὰ γυναικὸσ ἐπὶ τὴν θήραν ἐξιέναι, Μελέαγροσ ἔχων γυναῖκα Κλεοπάτραν τὴν Ἴδα καὶ Μαρπήσσησ θυγατέρα, βουλόμενοσ δὲ καὶ ἐξ Ἀταλάντησ τεκνοποιήσασθαι, συνηνάγκασεν αὐτοὺσ ἐπὶ τὴν θήραν μετὰ ταύτησ ἐξιέναι. περιστάντων δὲ αὐτῶν τὸν κάπρον, Ὑλεὺσ μὲν καὶ Ἀγκαῖοσ ὑπὸ τοῦ θηρὸσ διεφθάρησαν, Εὐρυτίωνα δὲ Πηλεὺσ ἄκων κατηκόντισε. τὸν δὲ κάπρον πρώτη μὲν Ἀταλάντη εἰσ τὰ νῶτα ἐτόξευσε, δεύτεροσ δὲ Ἀμφιάραοσ εἰσ τὸν ὀφθαλμόν· Μελέαγροσ δὲ αὐτὸν εἰσ τὸν κενεῶνα πλήξασ ἀπέκτεινε, καὶ λαβὼν τὸ δέρασ ἔδωκεν Ἀταλάντῃ. οἱ δὲ Θεστίου παῖδεσ, ἀδοξοῦντεσ εἰ παρόντων ἀνδρῶν γυνὴ τὰ ἀριστεῖα λήψεται, τὸ δέρασ αὐτῆσ ἀφείλοντο, κατὰ γένοσ αὑτοῖσ προσήκειν λέγοντεσ, εἰ Μελέαγροσ λαμβάνειν μὴ προαιροῖτο. ὀργισθεὶσ δὲ Μελέαγροσ τοὺσ μὲν Θεστίου παῖδασ ἀπέκτεινε, τὸ δὲ δέρασ ἔδωκε τῇ Ἀταλάντῃ.

Ἀλθαία δὲ λυπηθεῖσα ἐπὶ τῇ τῶν ἀδελφῶν ἀπωλείᾳ τὸν δαλὸν ἧψε, καὶ ὁ Μελέαγροσ ἐξαίφνησ ἀπέθανεν. οἱ δέ φασιν οὐχ οὕτω Μελέαγρον τελευτῆσαι, ἀμφισβητούντων δὲ τῆσ δορᾶσ τῶν Θεστίου παίδων ὡσ Ἰφίκλου πρώτου βαλόντοσ, Κούρησι καὶ Καλυδωνίοισ πόλεμον ἐνστῆναι, ἐξελθόντοσ δὲ Μελεάγρου καί τινασ τῶν Θεστίου παίδων φονεύσαντοσ Ἀλθαίαν ἀράσασθαι κατ’ αὐτοῦ· τὸν δὲ ὀργιζόμενον οἴκοι μένειν. ἤδη δὲ τῶν πολεμίων τοῖσ τείχεσι προσπελαζόντων καὶ τῶν πολιτῶν ἀξιούντων μεθ’ ἱκετηρίασ βοηθεῖν, μόλισ πεισθέντα ὑπὸ τῆσ γυναικὸσ ἐξελθεῖν, καὶ τοὺσ λοιποὺσ κτείναντα τῶν Θεστίου παίδων ἀποθανεῖν μαχόμενον. μετὰ δὲ τὸν Μελεάγρου θάνατον Ἀλθαία καὶ Κλεοπάτρα ἑαυτὰσ ἀνήρτησαν, αἱ δὲ θρηνοῦσαι τὸν νεκρὸν γυναῖκεσ ἀπωρνεώθησαν. Ἀλθαίασ δὲ ἀποθανούσησ ἔγημεν Οἰνεὺσ Περίβοιαν τὴν Ἱππονόου.

ταύτην δὲ ὁ μὲν γράψασ τὴν Θηβαί̈δα πολεμηθείσησ Ὠλένου λέγει λαβεῖν Οἰνέα γέρασ, Ἡσίοδοσ δὲ ἐξ Ὠλένου τῆσ Ἀχαί̈ασ, ἐφθαρμένην ὑπὸ Ἱπποστράτου τοῦ Ἀμαρυγκέωσ, Ἱππόνουν τὸν πατέρα πέμψαι πρὸσ Οἰνέα πόρρω τῆσ Ἑλλάδοσ ὄντα, ἐντειλάμενον ἀποκτεῖναι. εἰσὶ δὲ οἱ λέγοντεσ Ἱππόνουν ἐπιγνόντα τὴν ἰδίαν θυγατέρα ἐφθαρμένην ὑπὸ Οἰνέωσ, ἔγκυον αὐτὴν πρὸσ τοῦτον ἀποπέμψαι.

ἐγεννήθη δὲ ἐκ ταύτησ Οἰνεῖ Τυδεύσ. Πείσανδροσ δὲ αὐτὸν ἐκ Γόργησ γενέσθαι λέγει· τῆσ γὰρ θυγατρὸσ Οἰνέα κατὰ τὴν βούλησιν Διὸσ ἐρασθῆναι. Τυδεὺσ δὲ ἀνὴρ γενόμενοσ γενναῖοσ ἐφυγαδεύθη, κτείνασ, ὡσ μέν τινεσ λέγουσιν, ἀδελφὸν Οἰνέωσ Ἀλκάθοον, ὡσ δὲ ὁ τὴν Ἀλκμαιωνίδα γεγραφώσ, τοὺσ Μέλανοσ παῖδασ ἐπιβουλεύοντασ Οἰνεῖ, Φηνέα Εὐρύαλον Ὑπέρλαον Ἀντίοχον Εὐμήδην Στέρνοπα Ξάνθιππον Σθενέλαον, ὡσ δὲ Φερεκύδησ φησίν, Ὠλενίαν ἀδελφὸν ἴδιον. Ἀγρίου δὲ δίκασ ἐπάγοντοσ αὐτῷ φυγὼν εἰσ Ἄργοσ ἧκε πρὸσ Ἄδραστον, καὶ τὴν τούτου γήμασ θυγατέρα Δηιπύλην ἐγέννησε Διομήδην. Τυδεὺσ μὲν οὖν ἐπὶ Θήβασ μετ’ Ἀδράστου στρατευσάμενοσ ὑπὸ Μελανίππου τρωθεὶσ ἀπέθανεν· οἱ δὲ Ἀγρίου παῖδεσ, Θερσίτησ Ὀγχηστὸσ Πρόθοοσ Κελεύτωρ Λυκωπεὺσ Μελάνιπποσ, ἀφελόμενοι τὴν Οἰνέωσ βασιλείαν τῷ πατρὶ ἔδοσαν, καὶ προσέτι ζῶντα τὸν Οἰνέα καθείρξαντεσ ᾐκίζοντο.

ὕστερον δὲ Διομήδησ ἐξ Ἄργουσ παραγενόμενοσ μετ’ Ἀλκμαίωνοσ κρύφα τοὺσ μὲν Ἀγρίου παῖδασ, χωρὶσ Ὀγχηστοῦ καὶ Θερσίτου, πάντασ ἀπέκτεινεν οὗτοι γὰρ φθάσαντεσ εἰσ Πελοπόννησον ἔφυγον, τὴν δὲ βασιλείαν, ἐπειδὴ γηραιὸσ ἦν ὁ Οἰνεύσ, Ἀνδραίμονι τῷ τὴν θυγατέρα τοῦ Οἰνέωσ γήμαντι δέδωκε, τὸν δὲ Οἰνέα εἰσ Πελοπόννησον ἦγεν. οἱ δὲ διαφυγόντεσ Ἀγρίου παῖδεσ ἐνεδρεύσαντεσ περὶ τὴν Τηλέφου ἑστίαν τῆσ Ἀρκαδίασ τὸν πρεσβύτην ἀπέκτειναν. Διομήδησ δὲ τὸν νεκρὸν εἰσ Ἄργοσ κομίσασ ἔθαψεν ἔνθα νῦν πόλισ ἀπ’ ἐκείνου Οἰνόη καλεῖται, καὶ γήμασ Αἰγιάλειαν τὴν Ἀδράστου, <ἢ> ὡσ ἔνιοι φασι τὴν Αἰγιαλέωσ, ἐπί τε Θήβασ καὶ Τροίαν ἐστράτευσε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 1, chapter 8

(아폴로도로스, Library and Epitome, book 1, chapter 8)

상위

목록

SEARCH

MENU NAVIGATION