헬라어 문장 검색 - ΑπολλόΛιβραρψ́2́06́02́

(아폴로도로스, Library and Epitome, book 1, chapter 6 2:)

κἀκεῖνοσ μὲν οὕτωσ ἐτελεύτα, Πορφυρίων δὲ Ἡρακλεῖ κατὰ τὴν μάχην ἐφώρμησε καὶ Ἥρᾳ. πάντασ δὲ Ἡρακλῆσ ἀπολλυμένουσ ἐτόξευσεν. Ζεὺσ δὲ αὐτῷ πόθον Ἥρασ ἐνέβαλεν, ἥτισ καὶ καταρρηγνύντοσ αὐτοῦ τοὺσ πέπλουσ καὶ βιάζεσθαι θέλοντοσ βοηθοὺσ ἐπεκαλεῖτο· καὶ Διὸσ κεραυνώσαντοσ αὐτὸν Ἡρακλῆσ τοξεύσασ ἀπέκτεινε. τῶν δὲ λοιπῶν Ἀπόλλων μὲν Ἐφιάλτου τὸν ἀριστερὸν ἐτόξευσεν ὀφθαλμόν, Ἡρακλῆσ δὲ τὸν δεξιόν· Εὔρυτον δὲ θύρσῳ Διόνυσοσ ἔκτεινε, Κλυτίον δὲ δᾳσὶν Ἑκάτη, Μίμαντα δὲ Ἥφαιστοσ βαλὼν μύδροισ. Ἀθηνᾶ δὲ Ἐγκελάδῳ φεύγοντι Σικελίαν ἐπέρριψε τὴν νῆσον, Πάλλαντοσ δὲ τὴν δορὰν ἐκτεμοῦσα ταύτῃ κατὰ τὴν μάχην τὸ ἴδιον ἐπέσκεπε σῶμα. Πολυβώτησ δὲ διὰ τῆσ θαλάσσησ διωχθεὶσ ὑπὸ τοῦ Ποσειδῶνοσ ἧκεν εἰσ Κῶ· Ποσειδῶν δὲ τῆσ νήσου μέροσ ἀπορρήξασ ἐπέρριψεν αὐτῷ, τὸ λεγόμενον Νίσυρον. Ἑρμῆσ δὲ τὴν Αἴδοσ κυνῆν ἔχων κατὰ τὴν μάχην Ἱππόλυτον ἀπέκτεινεν, Ἄρτεμισ δὲ Γρατίωνα, μοῖραι δ’ Ἄγριον καὶ Θόωνα χαλκέοισ ῥοπάλοισ μαχόμεναι τοὺσ δὲ ἄλλουσ κεραυνοῖσ Ζεὺσ βαλὼν διέφθειρε·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Apollodorus, Library and Epitome, book 1, chapter 6 2:

(아폴로도로스, Library and Epitome, book 1, chapter 6 2:)

상위

목록

SEARCH

MENU NAVIGATION