Andocides, Speeches, Περὶ τῶν μυστηρίων 155:

Μέλητοσ δ’ αὖ οὑτοσὶ ἀπήγαγεν ἐπὶ τῶν τριάκοντα Λέοντα, ὡσ ὑμεῖσ ἅπαντεσ ἴστε, καὶ ἀπέθανεν ἐκεῖνοσ ἄκριτοσ. καί <τοι> οὗτοσ ὁ νόμοσ καὶ πρότερον ἦν <καὶ> ὡσ καλῶσ ἔχων καὶ νῦν ἔστι, καὶ χρῆσθε αὐτῷ, τὸν βουλεύσαντα ἐν τῷ αὐτῷ ἐνέχεσθαι καὶ τὸν τῇ χειρὶ ἐργασάμενον. Μέλητον τοίνυν τοῖσ παισὶ τοῖσ τοῦ Λέοντοσ οὐκ ἔστι φόνου διώκειν, ὅτι τοῖσ νόμοισ δεῖ χρῆσθαι ἀπ’ Εὐκλείδου ἄρχοντοσ, ἐπεὶ ὥσ γε οὐκ ἀπήγαγεν, οὐδ’ αὐτὸσ ἀντιλέγει.