Andocides, Speeches, Περὶ τῶν μυστηρίων 136:

ἐπειδὴ δὲ βουλήν τε ἀπεκληρώσατε νομοθέτασ τε εἵλεσθε, εὑρίσκοντεσ τῶν νόμων τῶν τε Σόλωνοσ καὶ τῶν Δράκοντοσ πολλοὺσ ὄντασ οἷσ πολλοὶ τῶν πολιτῶν ἔνοχοι ἦσαν τῶν πρότερον ἕνεκα γενομένων, ἐκκλησίαν ποιήσαντεσ ἐβουλεύσασθε περὶ αὐτῶν, καὶ ἐψηφίσασθε, δοκιμάσαντεσ πάντασ τοὺσ νόμουσ, εἶτ’ ἀναγράψαι ἐν τῇ στοᾷ τούτουσ τῶν νόμων οἳ ἂν δοκιμασθῶσι. καί μοι ἀνάγνωθι τὸ ψήφισμα.